Бисмиллахир-рахман-иррахим.

Башлыйк әле сүзне, туганнар.

Шул сүз белән эшкә тотынганнар,

Безгә кадәр җирдә булганнар.

Аллаһыны бар һәм бер дип белгән

Бабалардан гыйбрәт аласы.

Кем булсаң да, халкың үткәненнән

Йөз чөермә, заман баласы.

    Шундый шигъри юллар белән Корбан бәйрәме башланып китте. Бәйрәм барышында балалар өйрәнгән догаларны искә төшерделәр, вәгазьләр тынланылдылар. Киләсе елларыбыз тыныч-имин булсын, һәркемгә исәнлек-саулык, шатлык, бәхет, куанычлар, иман байлыгы теләп калабыз. Бәйрәм табын артында корбан ашы белән тәмамланды. Балалар өчен Корбан ашы үткәргән районыбыз җитәкчеләренә рәхмәтебезне җиткерәбез.

Балалар бакчасында чэчэклэр турындагы белемнэрен тирэнэйту , усуче чэчэклэрне танып белу ,чэчэклэргэ сак караш хэм мэхэббэт хисе тэрбиялэү .

Шәмәрдән бистәсендә мәктәпкәчә тәрбия һәм белем бирү педагогларының секцион киңәшмәсе барышында "Шатлык" балалар бакчасыннан инглиз телен өйрәтүче Аубакирова Г.А., тәрбияче Гилемханова Ә.Ә. эш тәҗрибәләре белән уртаклашып чыгыш ясадылар.

Бүген зурлар төркеме балалары "Урман - җиребезнең матурлыгы, байлыгы" атналыгы кысаларында  бакча территориясендә булган агачлар һәм куаклар, аларга карата сак караш тәрбияләү максатыннан агач-куакларны күзәттеләр, аларның кемнәргә, нәрсәләргә нинди файда китерүләре, кайсы агач-куаклар нинди җимеш бирүләре, ул җимешләрнең файдалы үзлекләре турында фикер алыштылар, белемнәрен арттырдылар. Табышмакларга җаваплар табылды, уеннар уйналды. (Тәрбияче: Сафиуллина Ә.К.)

Уеннар, тәрбия чарасы буларак, баланың шәхес булып формалашуына зур йогынты ясый, психик үсешенә ярдәм итә. Алай гына да түгел, алар нәниләрдә дуслык, иптәшлек, гаделлек, зирәклек кебек сыйфатлар да тәрбияли. Уеннар ярдәмендә бала тырыш, көчле, сәләтле, нык ихтыярлы булып үсә. Уен вакытында балаларның иҗат мөмкинлекләре ачыла, мөстәкыйльлекләре арта, оештыру сәләтләре үсә.