Икмәк — игенченең җан җылысы,

Җир-анага кадер-хөрмәте.

Яшәү чыганагы ул һәр йөрәкнең,

Шуңа кадерлибез икмәкне.

                                                           Э. Мөэминова

Балаларга көзге байлыкның халыкка шатлык, куаныч китерүен төшендерү, бу байлыкларны тудыручы игенчеләр хезмәтенә карата хөрмәт тәрбияләү; игенченең мактаулы һәм авыр хезмәте, икмәкнең нинди юллар аша табынга килүе турында тасвирлап сөйләргә өйрәтүне дәвам итү; татар халкының хезмәт сөючән халык икәнен, хезмәт сөю һәркемгә хас сыйфат булырга тиеш икәнен аңлату; икмәкнең әһәмиятен аңлату, икмәккә сак караш, хөрмәт тәрбияләү максатыннан 10-14 сентябрь көннәрендә "Икмәк - яшәү терәге" атналыгы үткәрелде. Атна дәвамында тема буенча әңгәмәләр, бердәм белем бирү эшчәнлекәре, экскурсияләр оештырылды. Йомгаклау чарасында уртанчылар төркеме "Йомры икмәк" әкиятен сәхнәләштерде.

Үсте безнең бакчада

Кәбестәләр,суганнар

Кишер һәм чөгендерләр

Тик җыеп кына өлгер!

(Фатихова Г.Х.)

Һава салкыная бара,

Аяк басабыз көзгә.

Сары төстә яфраклар да

Чалына инде күзгә.

Хушлаштык ямьле җәй белән,

Үтте дә каникуллар.

Бүген бәйрәм – белем көне,

Мәктәпкә илтә юллар.

Бүген мәктәпкә әзерлек төркемендә әти-әниләр җыелышы үткәрелде. Җыелышка хоккей түгәрәге тренеры Нуриев Рүзәл Фансафович килде. Ул үз чыгышында әти-әниләрне хоккей түгәрәге эшчәнлеге, тәртип, кагыйдәләр белән таныштырды. Тәрбиячеләр мәктәпкә әзерлек төркеме балаларының яшь үзенчәлекләре, тәрбия бурычлары белән таныштырдылар.

Логопедическое обследование ребенка крайне необходимо для определения уровня его речевого развития.

Мәктәпкәчә кече яшьтәге балаларның тасвирлау эшчәнлегендәге сәнгати иҗади сәләтләрен формалаштыру ниятеннән бүген, беренче кечкенәләр төркемендә рәсем эшчәнлеге үткәрелде. Эшчәнлекнең максаты-балаларны карандаш тотарга, төрле диаметрдагы әйләнәләр сызарга, аларны кәгазь битендә тигез итеп урнаштырырга өйрәтүне дәвам иттерү; рәсем ясауга кызыксыну һәм уңай мөнәсәбәт формалаштыру. (Ахмтесафина Л.Х.)

Азат та син,

Гүзәл дә син,

Әй туган җирем.

Күкрәп яшә, Татарстан,

Җөмһүриятем минем!

                   Нури Арсланов

    Татарстан Республикасы көнен билгеләп буген Галиакбарова А.Ф., Аубакирова Г.А. җитәкчелегендә куркәм чара үткәрелде. "Туган ягым - Татарстан" темасына презентация күрсәтелде. Татарстан республикасының эләме, гербы мәгънәләре аңлатылды, гимн тыңланылды. Бәйрәм шигырь, җыр, бию, уеннар белән үрелеп барды.