"Су ташу" уены

Менә сиңа сулы чиләк,

Көянтә эл иңеңә.

Йөгер тизрәк, иң алдан кил,

Егыла гын күрмә.

7 июнь халкыбзының милли бәйрәме Сабантуй булып узды. Сабантуйда алдынгы хезмәткәрләрне котлау, бүләкләп китү матур бер йола булып дәвам итә. “Шатлык” балалар бакчасының тәрбиячесе Шакирҗанова Кадрия Рафаел кызына яшь буынны тәрбияләү һәм белем бирү өлкәсендә озак еллар намуслы хезмәт иткәне, югары нәтиҗәләргә ирешкәне өчен Татарстан Республикасы Саба муниципаль районы башлыгы Рәис Нургали улы Миннеханов тарафыннан “Үз һөнәренең остатасы” исеме бирелде. Кадрия Рафаеловна, сезне “Үз һөнәренең остасы” исеме бирелүе белән чын күңелдән котлыйбыз! Сезгә саулык - сәламәтлек, бәхет - куанычлар теләп калабыз!

Күк - зәңгәр ефәктән

Корылган зур чатыр -

Күз явын алырлык,

Шундый саф һәм матур!

Җир каян бизәкләр

Алгандыр бу тикле?

Кояш та елмая:

Җәй җитте! Җәй җитте!

2 июнь балалар иҗат үзәге сәхнәсендә “Сәләтлеләр дөньясында - 2014” район күләм конкурсының гала концерты һәм җиңүчеләрне котлау тантанасы булып үзды. Конкурска һәр катнашучы зур әзерлек белән килде. Балалар җыр, бию, нәфис сүз, инструменталь ансамбль номинацияләрендә чыгыш ясап беренче, икенче, өченче урыннарны яуладылар, лауреат исемен алдылар. Һәр балага Грамота һәм истәлекле бүләкләр тапшырылды. “Шатлык” инструменталь ансабль җитәкчеләре Мустафина Д.Ф. белән беренче урынны, “Калинка” бию төркеме җитәкчеләре Ахмитшина А.Д. белән өченче урынны яулаганнарын исбатлап кабат чыгыш ясадылар. Балаларның көйне тылап бергә кушылып уйный белүләре, бию хәрәкәтләрен тигез, көйне тыңлап башкарулары күпләрне сокландырды, зал алкышларга күмелде. Балаларның осталыкларын, булагнлыкларын ачучы, шушындый күңелле, матур чараны оештыручыларга рәхмәтебезне җиткерәбез, уңышлар теләп калабыз.

31 май көнне чыгарылыш иртәсе булып узды. Алты ел шушы бакчада йөреп тәрбия һәм белем алган, күп төрле күнекмәләр, һөнәрләр үзләштергән балаларның хушлашу мизгелләре күңелле дә, бераз моңсу да. Балаларның зур үсеп мәктәп бусагасын атлау, тормыш юлының бер баскычын үтәргә тиешлеген аңласак та күп елллар бер төркемдә, бер гаилә сыман булган балаларның аерылышулары күңелне йомшарта. Бәйрәм иртәсе музыка җитәкчеләре Мустафина Дилбәр Фатыйховна, Ахмитшина Алисә Дамировналар, тәрбияче апалары Гилемханова Әнисә Әминовна, Сафиуллина Әлфия Камилевна тырышлыгы белән үтте. Балалар үзләренең осталыкларын җыр, бию аша, рәхмәт сүзләрен шигьри юллар аша бакчада эшләүче абый-апаларга җиткерделәр. Мөдир Исрафилова Миләүшә Корбангалиевна балаларны, әти-әниләрне зур бәйрәм белән котлады. Бакчабызның данын яклап күп төрле ярыш, конкурсларда актив катнашкан балаларга, әти-әниләргә рәхмәт әйтеп Грамоталар тапшырды. Киләчәктә балаларның тормыш юллары якты, матур булуын, сау-сәламәт, акыллы, тәртипле булып үсүләрен, яхшы укып, күп белем өстәп, тормышта үз юлларын табып яшәсеннәр, -  дигән теләкләрен җиткерде.

1 июнь – балаларны яклау көне уңаеннан балалар бакчалары арасында җыр, бию, нәфис сүз буенча район күләм конкурска әзрлек эше бара.Саба балалар бакчалары зонасы 16 май көнне Саба №2 “Әллүки” балалар бакчасы базасында булып узды. Безнең “Шатлык” балалар бакчасыннан мәктәпкә әзерлек төркеме балалары музыка җитәкчеләре Мустафина Дилбәр Фатыйховна һәм Ахмитшина Алисә Дамировна белән берлектә Ф. Әбүбәкеров көе, Р.Миңнуллин сүзләренә “Әйлән-бәйлән” җырын; “Иделләрем-күлләрем” татар халык көен “Шатлык” ансамбле башкарды”; Вәсимә Ураксинаның “1 июнь – Халыкара балаларны яклау көне” шигыре белән Хасанишина Алия; кызлар  “Калинка” биюе белән чыгыш ясадылар. Безнең биюче кызларыбыз Вафина Рисәлә, Зиннурова Илфира, Хасаншина Алия, Нуруллина Ләйсәннәр һәм “Шатлык” уен кораллары ансамбле икенче урынны яуладылар.