Бүген бакчабызда Корбан бәйрәме уңаеннан олы чара үткәрелде. Балалар, бүген махсус корбан итеннән  әзерләнгән ризыктан авыз итеп, музыка залына җыйналып илебезгә тынычлык, барлык балаларга бәхет, әти-әниләренең исән-сау булуын теләп дога кылдылар. 

Өлкәннәр көне уңаеннан язылган “Шатлык” балалар бакчасы хезмәт ветераннарын чәй табынына чакырды" [+фото] дип исемләнгән мәкаләне "Саба таңнары" үзенең сайтына урнаштырды.. Аны ТАТМЕДИЯ сайтында http://saby-rt.ru/ аша кереп укый аласыз.

Экскурсиядә алган хис-тойгыларны, көзге табигатьтәге үзгәрешләрне, аның матурлыгын балалар рәсемдә чагылдырдылар. Балалар тырышлыгында “Алтын көз” темасы астында рәсем күргәзмәсе оештырылды.

Яңгыр түгел, кар да түгел.

Яфраклар ява җиргә.

Көз турында җырлыймын мин –

Кушыл син яңа җырга.

Сары, сары, сап-сары

Агачның яфраклары.

Җил исә, ява яфрак –

Көзнең матур чаклары.

Ләбиб Лерон

Бүген бакчабызга үз һөнәрләренә озак еллар тугры хезмәт итеп лаеклы ялга чыккан хезмәттәшләребезне 1 октябрь – Өлкәннәр көне уңаеннан бәйрәм чарасына чакырдык . Өлкәннәребезне хөрмәтләп балалар һәм хезмәткәрләр концерт номерлары белән чыгыш ясадылар. Өлкәннәребез яшьлек елларын, хәтирәләрен яңарттылар. Бакчабазның 80 еллык тарихында булган кызыклы вакыйгаларны искә төшерделәр. Яшьләргә үзләренең киңәшләрен биреп, зурдан-зур уңышларга ирешеп эшләвебезне теләп калдылар. Бүләкләр алып, рәхмәтләрен җиткереп, киләсе елга кабат очрашырга язсын,- дип таралыштылар.

Кабак бәйрәменең 10 еллыгында безнең "Шатлык" балалар бакчасы  да бик теләп  катнашты. Алдан ук үзебезнең кызлар белән төрледән-төрле эшләнмәләр,  яшелчәләрдән композицияләр ясадык, кабактан тәмле ризыклар - чүлмәктә ботка, өч төрле коймаклар, кекслар, кайнатмалар әзерләдек. Өстәлебез күргәзмздә бик мул иде. Коймак белән чәйләребездән районыбыз башлыгы Рәис Нургали улы Миннеханов та авыз итте. Жюрилар да яхшы бәяләп, күргәзмәдә   актив катнашкан өчен ГРАМОТА һәм акчалата премия дә бирде. Оештыручыларга, "Саба дулкыннарына" олы рәхмәтебезне җиткерәбез.

Бүген, "Шатлык" балалар бакчасы коллективы кызлары, мәктәпкәчә тәрбия һәм белем хезмәткәрләре көне уңаеннан Саба мәдәният йортына культпоход оештырдык. Саба сәхнәсендә Казанның Кәрим Тинчурин исемендәге күчмә театры артистлары "Өзелгән яфраклар" спектаклен күрсәттеләр. Бу чарадан без бик рәхәт хисләр кичереп, киләсе елларда да һөнәри бәйрәмебезне шулай күңелле сәяхәтләр белән үткәрербез дигән теләктә калдык.

Бүген, 2 нче кечкенәләр төркеме балалары, тәрбияче апалары Гайфуллина Дания Әминовна белән бакчабыз хезмәткәрләренең эш урыннарында булып, аларның нинди эш башкарулары, һөнәрләре турында белергә тырыштылар. Бу "Шатлык" бакчасы буйлап оештырылган сәяхәт  алда билгеләнеп үтүче мәктзпкәчә белем хезмәткәрләре көне уңаеннан үткәрелде.Экскурсияне балалар пешекчеләрнең эш урыннарыннан башладылар...