18, 19 ноябрь көннәрендә районыбызда гражданнар оборонасы буенча өйрәнүләр бара. Бу өйрәнүләрдә безнең "Шатлык" балалар бакчасыннан  Исрафилова Миләүшә Корбангалиевна катнашты.

Балаларда әхлакый сыйфатлар, балаларның гаиләдәге хокуклары турындагы белемнәрен ныгыту, аларның ялга, уенга хокуклы булуларын аңлату, балаларга дус булырга кирәклеген төшендерү, аларда дуслык, әхлаклылык хисләре тәрбияләү, кеше бер-берсе белән нинди милләттән булуына карамастан, туганнарча аралашып яшәүгә хокуклы булу төшенчәсен бирү, бар кеше дә яхшы тормышка хокуклы, җирдәге тынычлык кешеләрнең үзләреннән торуын, бар халыклар да аңлашып, ирекле, тигез хокуклы булып, бер-берсе белән дус булып, аралашып яшәргә тиеш төшенчәләрен аңлауларына ирешү максатыннан 9-13 ноябрь көннәрендә “Безнең хокукларыбыз” атналыгы үткәрелде. Бердәм эшчәнлекләр барышында атналык тема буенча балалар белән әңгмәләр үткәрелде, әкиятләр укылды. Иллюстрацияләр, презентацияләр карап фикер алышулар алып барылды. Балаларның алган белемнәре "Безнең гаилә" - рәсемләү, "Минем өем" - кисеп-ябыштыру, "Мин ял итәм" - әвәләү эшчәнлекләрендә чагылды. 

Салкын, саф һава,

Йомшак кар ява.

Урамга чыксаң,

Битләр кызара.

Кар бөртекләре

Өстеңә куна,

Үзләре матур

Һәм салкын була.

Ә.Бикчәнтәева

Саф һавага чыгу һәм физкультура белән шөгылләнү  балалар өчен бик мөһим. Саф һавада йөрү һәм физкультура баланың сулыш юлларын чистарта, физик яктан активлаштыра, иммунитетын күтәрә.

Мәктәпкәчә яшьтәге балаларның физик үсешен ныгыту, үстерү иртәңге гимнастика, физкультура эшчәнлеге, хәрәкәтле, спорт уеннары, ярышлар аша алып барыла. Физик тәрбия эшчәнлеге атнага ике тапкыр залда, бер тапкыр саф һавада үткәрелә. һәр төркем балаларының яшь үзенчәлекләрен искә алып күнегүләр, төп хәрәкәтләр өйрәнелә, белгәннәре ныгытыла. Күнегүләрне ясаганда төрле предметлар (кубиклар, туплар, шалтыравыклар, ленталар, флагчыклар һ.б.) куллану балаларның игьтибарын җәлеп итә, кызыксынып, дөрес итеп эшләүгә этәргеч булып тора. Күнегүләрне эшләгәндә физик тәрбия бирү тәрбиячесе Аухадиева Нурания Әюповна балаларның төп торышны алып күнегүләрне дөрес эшләүләренә күп игьтибар бирә. Балаларның кул, гәүдә, аяк мускулларын ныгытуда, терәк-хәрәкәт аппаратының дөрес формалашып үсешендә, хәрәкәт активлыгын үстерүдә  төрле алым, ысулларны киң кулланып эшли.

"Спорт - сәламәтлек чыганагы" атналыгы барышында уртанчылар төркеме балалары тәрбияче Саматова Ләйлә Исмәгыйлевна, тәрбияче ярдәмчесе Айгөл Азатовна белән берлектә Саба бассейнына экскурсия оештырдылар. Балаларны бассейн хезмәткәрләре җылы каршы алдылар. Каюмова Фатыйма Суфьяновна балалар, зурлар өчен йөзү урыннары, тренажер залы белән таныштырды. Йөзүнең кеше организмына бик файдалы булуын, төрле тренажерларда шөгыльләнеп мускулларны ныгытып булуын аңлатты.

Бүген мәктәпкә әзерлек һәм зурлар төркеме балалары мөдир Исрафилова Миләүшә Корбангалиевна, Аухадиева Нурания Әюповна, Нурисламова Миләүшә Фәритовна җитәкчелегендә Саба муниципаль районындагы балалар һәм яшүсмерләрне социаль урнаштыру "Тургай" Дәүләт Казна учреждениясенә бардылар. Үзебезнең бакчада тәрбияләнеп үскән Шакиров Рүзәл, Гүзәлләрнең хәлләрен белү максатыннан оештырылган бу чарада балалар "Хәерле көн", "Туган ягым - гүзәл Саба" номерлары белән чыгыш ясадылар. Җыр, бию, сәнгатьле сөйләү буенча үзләренең осталыкларын күрсәттеләр. Нурания Әюповна "Кем өлгер?", "Табышмак әйтәм, җавабын тап", "Уйлап җавап бир", "Кем җитез?" уеннарын оештырды. Уенда катнашкан һәр балага бүләкләр тапышырылды. Очрашу күтәренке рухта, күңелле үтте. Приютның хезмәткәрләре, балалары  чыгышларыбзны яратып карадылар, киләчәктә очрашуларның  дәвамлы булуын, көтеп калуларын әйттеләр. Очрашу  бердәм фоторәсемгә төшү белән тәмамланды.

3 ноябрь көнне Саба йөзү бассейнында Саба балалар бакчалары арасында балаларны кече яшьтән спорт белән шөгыльләнеп сәламәт яшәү рәвешен алып барырга күнектерү, йөзү буенча иң җитезләрне барлау максатыннан  ярышлар үткәрелде. Безнең "Шатлык" балалар бакчасыннан физик тәрбия бирү тәрбиячесе Аухадиева Нурания Әюповна әзерлегендә Рахматуллин Раяз, Сафина Илзидә,Равилова Илсинә, Галимов Ислам, Ханафиева Гөлсинә, Габдархманов Инсафлар катнаштылар. Ярышларда катнашкан һәр балага медальләр һәм Грамоталар тапшырылды. Киләчәктә нәни спорт сөючеләребезгә унышлар теләп калабыз.