муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан»
Визитная карточка
| Адрес: | 422060, Республика Татарстан, Сабинский район, пгт. Богатые Сабы, ул. Школьная 39 А, |
| Телефон: | 8 (84362) 2-32-43 |
| E-Mail: | Shatlyk1.Saba@tatar.ru |
| Министерство: | Министерство образования и науки Республики Татарстан |
| Короткое название: | МБДОУ Сабинский детский сад №1 "Шатлык" |
| Руководитель: | Зарипова Рушания Гилемхановна |
| Год основания учреждения: | 1932 |
| У нас учатся: | воспитанники - 112 |
| У нас учат: | педагоги - 11 |
муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан» - новости
Страницы: << 141 142 143 144 ( 145 ) 146 147 148 149 150 >>
-
Олыларны олыласаң, үзеңне дә олыларлар 19.05.2016 Балаларны кече яшьтән өлкәннәрне олылырга, аларны хөрмәт итәргә, ярдәмләшеп яшәргә кирәклеген төшендерү, аларга карата миһербанлык, шәфктьлелек тәрбияләү без урта буын вәкилләренең төп максаты. Шушы уңайдан бүген мәктәпкә хәзерлек төркеме балалары белән районыбызның Лесхоз бистәсендә урнашкан картлар һәм инвалидлар йортына "Күңелләрдә мәңге яз" дип исемләнгән концерт программасы белән бардык. Монда яшәүче абый-апаларның күңелләрен күтәреп,балалар музыка җитәкчеләре Аухадиева Нурания Әюповна, Валиева Диләрә Илдусовна җитәкчелегендә матур җырлар җырладылар,төрле биюләр биеделәр, шигырьләр сөйләделәр. Бакчабыз мөдире Исрафилова Миләүшә Корбангалиевна өлкәннәргә изге теләкләрен җиткерде. Рус телен өйрәтүче тәрбияче Галиакбарова Алсинә Фаиловна матур җырлар башкарды. Әлеге чараны оештыруда тәрбияче Хуснулина Гүзәл Габдулхаевна, тәрбияче ярдәмчесе Абдуллина Ләйсән Равилевна зур тырышлык куйдылар.Өлкәннәребез концертны бик яратып ,яшь аралаш карап,тагын килүебезне сорап озатып калдылар.Очрашу бергәләшеп фотога төшү белән тәмамланды.
-
Саба урман хуҗалыгы тарихы музеенда 19.05.2016 Лесхоз бистәсендә урнашкан Саба урман хуҗалыгы тарихы музеена мәктәпкә әзерлек төркеме балалары белән экскурсия оештырдык. Балалар «Саба урман хуҗалыгы үсеше тарихы», «Саба урман хуҗалыгы хайваннар дөньясы» белән таныштылар, музейда булган экспонатларны кызыксынып карадылар. Безнең якта үсүче дару үләннәре, урман хуҗалыгының сувенирлар цехында ясалган эшләнмәләр турында бик күп мәгълүмат алдылар. Якташларыбызның яшхы эшләре белән таныштылар.
-
Саба ипподромында 19.05.2016 Саба ипподром хезмәткәрләре балаларга атлар турында сөйләделәр. Аларның 200 дән артык токымга бүленүен, кеше тормышында кулланылышы буенча атлар авыр йөкләр ташучы, җигүле, юртаклар һәм аргамаклар булуын аңлаттылар. Атның − бик сизгер һәм акыллы хайван булуын. Атны яратсаң, аның да сине яратуы, тыңлавы, үзенчә сәламләп тавыш бирүе турында сөйләделәр. Ат бик кирәкле хайван булуын аңлаттылар.
-
Без яшь тәҗрибәчеләр 18.05.2016
Балаларның су турындагы белемнәрен ныгыту, суның үзенчәлекле билгеләре белән таныштыруны дәвам итү, суга карата сакчыл караш тәрбияләү, эксперименталь тикшерү эшчәнлегенә кызыксыну уяту максатыннан уртанчылар төркеме балалары тәрбияче Фасхиева Гөлгенә Тәлгатовна белән берлектә тәрбиячеләр өчен "Су яшәү чыганагы" темасына ачык эшчәнлек күрсәттеләр. Тәрбиячеләр эшчәнлекнең барышы, эшләү алымнары турында фикер алыштылар, үзара тәҗрибә уртаклаштылар.
-
Эш сөйгәнне ил сөяр 17.05.2016 Хезмәткә мәхәббәт тәрбияләү.Йөкләнгән эшне тырышып, җиренә җиткереп, пөхтә итеп башкару; материаллар һәм инструменталарга карата сакчыл мөнәсәбәт булдыру эшләп бетергәннән сөң аларны урыннарына урнаштырырга гадәтләндерү. Күмәк эшләрдә башкалар белән бер рәттән катнашу теләге, тирә-юньдәгеләр өчен кирәкле кеше булу, билгеле бер нәтиҗәләргә ирешү омтылышы тәрбияләү максатыннан мәктәпкә әзерлек төркеме балалары тәрбияче Каюмова Венера Әгълиевна белән берлектә хезмәт оештырды. Әти-әниләр балаларның табигать почмагында гөлләрнең төпләрен йомшартып, тузаннарын сөртеп, су сибүләрен, уенчык почмагында курчак киемнәрен, уенчыкларны юып урнаштыруларын, китап почмагында китапларны тәртипләү, ябыштыруны күзәттеләр. Балаларның теләп төгәл эшләүләрен, башлаган эшне ахырына җиткерүләрен күреп сөенделәр.
-
Язучыларыбыз иҗаты 15.05.2016
Язучылар (А.Алиш, Р.Миңнуллин, Ш. Галиев һ.б.) әсәрләренә кызыксыну уяту, аларның әкиятләре, хикәяләре, шигырьләре аша балаларда уңай, әхлакый сыйфатлар тәрбияләү;язучыларның тормыш юлын, иҗатын өйрәнүне дәвам итү; язучыларның китаплары һәм иллюстрацияләре аша әсәрләрен искә төшерү, сорауларга тулы җавап бирергә өйрәтүне дәвам итү; язучыларга карата ихтирам хисе тәрбияләү максатыннан 10-13 май көннәрендә "Язучыларыбыз иҗаты" атналыгы үткәрелде. Бу көннәрдә һәр төркемдә танылган балалар язучыларының китапларыннан күргәзмә оештырылды. Абдулла Алиш, Шәүкәт Галиев, Хакимҗан Халиков, Роберт Миңнулинның һәм башка язучыларның әсәрләре укылды, өйрәнелде. Әсәрләрнең тәрбияви мәгънәләре балаларга җиткерелде.
-
Туган як табигатен өйрәнү 13.05.2016
Балаларның күп төрле табигать күренешләре турындагы күзаллауларын киңәйтү. Алар арасындагы иң гади бәйләнешләрне ачыклау. Табигатьтәге сезонлы үзгәрешләр турындагы белемнәрне ныгыту. Күзәтүчәнлек һәм кызыксынучанлыкларын үстерү. Экологик система турында башлангыч төшенчә бирү: табигатьтәге һәр үсемлек һәм җәнлекнең яшәү тирәлегенә яраклашуын, җайлашуын аңлату өстендә бакчабызда даими эш алып барыла. Мәктәпкә әзерлек төркеме балалары тәрбияче Хөснулина Гүзәл Габдулхаевна белән берлектә бакчабыз биләмәсендә үсүче агачларны күзәттеләр. Аларны тышкы кыяфәтләренә, яфракларына карап аера белүләрен исбатладылар. Агачларның бик файдалы булуларын, булганнарын сакларга, яңаларын утыртырга кирәклеген аңлаттылар.
-
15 май - Халыкара гаилә бәйрәме 13.05.2016
Безнең гаиләләр җыелган
Көч сынашырга бүген.
Сүзләрнең иң матурларын
Әйтмичә мөмкин түгел.
15 май - Халыкара гаилә бәйрәме уңаеннан бакчабызда "Әти-әни һәм мин - спорт сөюче гаилә" исеме астында икенче кечкенәләр төркеме балалары һәм әти-әниләре белән берлектә бәйрәм кичәсе үткәрелде. Бәйрәм спорт уеннары, ярышлар белән үрелеп барды. Балалар һәм әти-әниләр бердәм, бер команда булып, бер-берсе өчен көч биреп ярыштылар. Бәйрәм балаларның җырлары, биюләре, шигырьләре белән үрелеп барды.
-
Сары келәм! 12.05.2016
Кояш нурыннан
Сары нур алып,
Тузганак үсте
Күр, матур булып!
Бакчабыз биләмәсе яз саен сары келәм белән бизәлә. Тузганак чәчәк атыуын, аның файдалы үлән булуын зурлар төркеме балалары тәрбияче Каюмова Венера Әгълиулловна белән күзәттеләр.
-
9 Май - Бөек Җиңү көне 10.05.2016
Җиңү килде җирне нурга күмеп
Шатлык белән күзне чылатып.
Килде ул көн — горур күкрәкләрдә
Орден-медальләрне чыңлатып.
Матурлыгы өчен бу көннәрнең
Кемнәр генә корбан булмаган!
Исемнәрен тарих безгә үзе
Саклап килә ерак еллардан!
Туган ил хакына,
Туган җир хакына
Авылдашлар башын салдылар.
Безнең гомер өчен алар
Мәңгегә чит илдә калдылар!
Җинү бәйрәме уңаеннан үткәрелгән парадта "Шатлык" балалар бакчасы коллективы бердәм булып катнашты.
