Минем бүләк.

8 Март – Әни бәйрәме.

Бүләк итәрмен

Чәчәк бәйләме.

Ничек табарга,

Кайда чәчәк бар?

Кая карама –

Каплаган ак кар.

Әнигә шигырь

Бирдем бүләккә.

“Гомергә – ди ул, –

Калыр йөрәктә”.

Бүген уртанчылар төркеме балалары әниләрен, дәү әниләрен бәйрәм белән котладылар. Бәйрәм кичәсе җыр, бию, "Татар халкының милли ашлары", "Кем күбрәк әйтә?", "Тавыштан таны", "Үз чәчәгеңне җый" уеннары белән үрелеп барды. Балалар әниләрен котлап үзләре ясаган чәчәк бәйләме бүләк иттеләр.

Көннәр аяз, күктә алсу

Нур сибеп кояш көлә.

Җиргә тама көмеш тамчы

Сагынып көткән яз килә.

Икенче кечкенәләр төркеме балалары бүген "Әниемә бер җыр бүләк булсын!" исеме астында үткән бәйрәм кичәсендә
әниләрне, дәү әниләрне якынлашып килүче 8 Март - Халыкара хатын-кызлар көне уңаеннан котлап чыгыш ясадылар, матур теләкләрен җиткерделәр, тәрбияче апалары белән берлектә ясаган открыткаларын бүләк иттеләр.

Бүген бакчабызга кадерле кунаклар - озак еллар буе Саба районының мәктәпкәчә белем бирү учрежденияләрендә мөдир булып эшләп, хәзерге көндә лаеклы ялда булган өлкәннәребез килде. Килгән кунакларыбыз бакчабыз белән танышып аның иркен, якты,үсеп килеп килүче буынга тәрбия һәм белем бирү өчен барлык уңайлыклар тудырылуын билгеләп үттеләр. Зурлар, мәктәпкә әзерлек төркеме балалары концерт номерлары белән чыгыш ясадылар. Балаларның сәнгатьле итеп шигырь сөйләүләре, тигез итеп бию, матур итеп җырлаулары кунакларыбызга хуш килде. Бергә-бергә эшләгән чакларын искә алып, фикер алыштылар. Шушы коллективны җитәкләп баручы Миләүшә Корбангалиевнага, барлык хезмәткәрләргә матур теләкләрен җиткерделәр. Без аларга алдагы томышларында да саулык-сәламәтлек, бәхет-шатлык, куанычта яшәүләрен телибез. Киләчәктә дә шулай аралашып, тәҗрибә уртаклашып яшәрбез дигән теләктә калабыз!

Бүген бәйрәм көнендә,

Әтиләрне котлыйбыз.

Шатлык, бәхет, сәламәтлек

Һәммәгезгә телибез.

Зурлар төркеменең бәйрәм барышында "Йөкне елга аша чыгар", "Снайперлар", "Кем өлгер?", "Кем тапкыр?", "Оста чәчтараш" уеннары алынды. Әтиләр балалар белән бер рәттән уйнап күңел ачтылар, ял иттеләр.

Котлы булсын, әтиләр, бәйрәм көнегез.

Без барыбыз да шул теләктә.

Бүгенгедәй шат елмайган йөзегез

Шатлык өсти безнең йөрәккә.

Тормышта сез ныклы терәксез,

Безнең өчен һәрчак кирәксез.

Мәктәпкә әзерлек төркемендә бүген бәйрәм кичәсе үткәрелде. Бәйрәм әтиләр һәм балалар өчен күңелле уеннар, җыр, бию, шигьри котлаулар белән үрелеп барды.

Бер бәйрәм бар февральда

Кадерле ул һәркемгә.

Аны иң зур бәйрәм дип

Мөмкин хәтта әйтергә.

Ул тынычлык бәйрәме

Аны һәр кеше белә –

Ватанны саклаучылар

Бәйрәме дип йөртелә.