Бүген уртанчылар, зурлар, мәктәпкә әзерлек төркеме балалары тәрбияче апалары Әнисә Әминовна, Гүзәл Хәмзевна, Ләйлә Исмәгыйлевна белән берлектә су буена төштеләр. Балалар су буенда үсүче дару үләннәре: үги ана яфрагы, ак, кара әрем, әрекмәнне күзәттеләр, аларның ни өчен файдалы булуларын искә төшерделәр. Су буендагы бөҗәкләрне, суда йөзүче үрдәк, казларны күзәтеп тирә-юньдәге чисталыкка игътибар иттеләр. Тере һәм тере булмаган табигатьнең узара бәйләнештә булуы, аны һәрдаим сакларга кирәклеге аңлатылды.

Бүген мәктәпкә әзерлек төркеме балаларының тирә-юнь турында белемнәрен кинәйтү, фикерләү сәләтен арттыру, күзәтүчәнлек, игътибарлылык, хәтерне үстерү максатыннан "Табышмакка җавап" исеме астында уен үткәрелде. Балалар табышмакка җавапны рәсемләп күрсәтү алымы белән эшләделәр. Бер табышмак та җавапсыз калмады балалар теләп, нык кызыксынып рәсемләделәр.

Районыбызның тирә-юнен чистарту, матурлау, ямьләндерү буенча нәтиҗәле эш алып барыла. Безнең "Шатлык" балалар бакчасы коллективы кызлары җәмәгать эшләрендә актив катнашып киләләр. Бүген  яз көне утырткан агачлар янында үскән чүп үләннәрен чабып, агач төпләрен йомшарттылар.

Сегодня у нас в гостях был начальник отделения в Сабинском районе отдела профилактики территориального управления в г.Казани ГБУ "Безопасность дорожного движения" Ясафарова Гузель Назифовна. С детьми подготовительной к школе группы она провела образовательную деятельность по теме "Велосипед средство передвижения". Дети назвали части велосипеда, вспомнили правила поведения на дороге, отгадывали загадки, собрали пазлы знаков дорожного движения и объясняли их значения. Содержательным, познавательным, интересным было занятие. В память о встрече детям подарили книжки, памятки, светоотражающие элементы.

8 июль - Гаилә, сөю, тугырылык көне уңаеннан халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре Хәйбериева Наилә, Магсумова Сания мәктәпкә әзерлек төркеме балаларын үзләренә кунаккка чакырдылар. Балаларга гаилә бәйрәменең кайчан, ничек барлыкка килүен аңлаттылар, һәр бала үзенең гаиләсе белән таныштырды, гаилә дус-тату булсын өчен нинди булырга, ни эшләргә кирәклеген кирәклеген искә төшереп кроссворд чиштеләр, үз гаиләләрен чагылдырып рәсем ясадылар.Бу очрашу күңелле, эчтәлекле булды. Очрашу ахырында балаларга исәлекле бүләкләр тапшырылды.

Хәрәкәттә-бәрәкәт,

Тәнгә керә көч һәм дәрт.

Тәнгә - сихәт, җанга- рәхәт

Хәрәкәткә мең рәхмәт!

Җир шарында һәрбер бала

Булсын таза-сәламәт.

Ә аның нигезендә, әлбәттә,

Тора спорт һәм хезмәт.

Балаларның сау-сәламәт булып, чыныгып үсүенә бакчабызда зур игътибар бирелә. "Саулык зур байлык. Спорт сәламәтлек чыганагы" атнасы барышында балалар белән төрле спорт уеннары, ярышлар, сәламәт яшәү рәвеше алып бару буенча викториналар үткәрелде. Балалар уеннар аша җитезлектә, өлгеректә көч сынаштылар, сәламәт булу өчен ни эшләргә кирәклегенә төшенделәр.

Балаларның агач, куакларның табигатьтә нинди файда китерүе турында белемнәрен тирәнәйтү, кызыксынучанлыкларын үстерү, хезмәт сөючәнлек тәрбияләү максатыннан Саба елгасына экскурсия оештырылды. Балалар елга буена апалары утырткан агачларны күзәтеп, аларга су сиптеләр,  чишмә, елга тирәсендәге чисталыкка игътибар иттеләр. Өлкәннәрнең тирә-юньне ямьләндерү, матурлау буенча күп хезмәт куюларын билгеләп, чисталыкны һәрдаим, бөтен җирдә сакларга кирәклегенә төшенделәр.