В теннис любим мы играть:

Нужно шариком попасть

Не в ладошку и не в сетку - 

В центр маленькой ракетки.

Как коснулся - отбивай,

Другу шарик направляй...

Скачет звонко по столу,

Ловко мы ведём игру! Автор: Мельникова Е.

(Инструктор по физкультуре Аубакирова Г.А.)

Бүген бакчабызда "Мәктәпкәчә яшьтәге балаларның эшчәнлеген оештырганда уңай шартлар тудыру",“Мәктәпкәчә яшьтәге балаларга белем бирү процессында әкиятне куллану” темаларына тәрбиячеләр өчен семинар-практикум үткәрелде. Безнең бакчага беркетелгән Сатыш, Бигәнәй, Мамалай, олы Кибәче балалар бакчасы тәрбиячеләре дә семинарда теләп катнаштылар.Балаларга белем бирү эшчәнлеген кызыклы, мавыктыргыч итеп оештыруда нинди алымнар отышлы булуы турында фикер алыштылар, үзара тәҗирбә  уртаклаштылар, киләчәктә нинди темалар өстендә эшләргә кирклеген ачыкладылар. Очрашу эшлекле, эчтәлекле булды. Өлкән тәрбияче Нурисламова М.Ф. тәрбия һәм белем бирү эшчәнлеге балаларны кызыксындырып белем доньясына алып кереп китәрлек  уеннар кулланып, көн дә яңа белем бирерлек  итеп оештырырга кирәклеген аңлатты. Сабирова Р.Р. әкиятләр аша балаларның сөйләм телен үстерү генә түгел, ишетеп, күреп истә калдыру, логик фикерләү сәләтен үстерергә мөмкин булуы турында сөйләде.

Беренче кечкенәләр төркемендә китаплар белән кызыксынуны арттыру даими рәвештә алып барыла.Рәсемле китаплар аша балаларның аралашу күнекмәләре формалаша,бәйләнешле сөйләм телләре камилләшә,китапларга карата сакчыл караш тәрбияләнә. (Тәрбияче Хуснулина Г.Г.)

Балаларга хезмәт тәрбиясе бирү балалар бакчасында кече яшьтән үк башлана.Уртанчылар төркеме балалары да үзләренең уйнаган уенчыкларын кичтән юып, киптерергә куеп китәләр.Иртән килешкә чиста уенчыклар каршы ала үзләрен.Зур җаваплылык тоеп, чын күңелдән сөенеп эшлиләр балалар.Тәрбияче Гилемханова Ә.Ә.

Бүген Фасхиева Гөлгенә Тәлгатовна , мәктәпкә әзерлек төркеме  балалары белән берлектә ,А.С.Пушкин иҗатына кызыксыну уяту , аның әкиятләренә рәсем ясау теләге тудыру һәм рәсемдә серле колорит чагылдыру максатыннан рәсемләү эшчәнлеге үткәрде. Балалар кул чуклары ярдәмендә  әкияттәге образны чагылдырып ,аккош ясадылар.

Бүген мәктәпкә әзерлек төркемендә,  "Баланы мәктәпкә әзерләү" дигән тамага ата-аналар җыелышы булып узды. Түгәрәк өстәл артында "Танышу-дуслашу" уены уйнадылар. Тәрбияче Саматова Ләйлә Исмагиловна түгәрәк өстәл артында балаларны һәрьяклап мәктәпкә әзерләү турында әти-әниләргә аңлатты.

Өлкәннәргә карата миһербанлык, шәфкатълелек, игьтибарлылык тәрбияләү максатыннан бүген мәктәпкә әзерлек төркеме балалары тәрбияче Ләйлә Исмагиловна, музыка җитәкчеләре Нурания Әюповна, Диләрә Ильдусовна, рус теле тәрбиячесе Алсинә Фаиловналар белән берлектә Лесхоздагы картлар һәм инвалидлар йортында бардылар. Мөдир Исрафилова Миләүшә Корбангалиевна шушы йортта тәрбияләнүче абый, апаларны октябрь аенда билгеләп үтелүче - Өлкәннәр көне уңаеннан тәбрикләп үтте һәм изге теләкләрен җиткерде. Балалар шигъри юллар аша өлкәннәрне котладылар, җыр, бию башкардылар. Күңелле очрашу бергәләп фотога төшү белән тәмамланды.

Бүген "Шатлык" балалар бакчасына беркетелгән Сатыш, Бигәнәй, Мамалай, Кибәче балалар бакчасының мөдирләре белән берлектә семинар үткәрелде. Миләүшә Корбангалиевна мөдирләрне норматив докуметлар, Миләүшә Фәритовна тәрбия һәм белем бирү буенча алып барылырга тиешле эшчәнлек белән таныштырды. Мөдирләр үзләрен кызыксындырган сорауларыга җаваплар алдылар, үзара фикер алыштылар.

Мәктәпкә әзерлек төркеме балалары Гөлгенә Тәлгатовна белән берлектә конструкцияләү эшчәнлеге барышында "Урманда алтын көз" темасына агачлар ясадылар. Кагәзьне ертып алу ысулы белән кызыл, сары, кызгылтсары яфраклар ябыштырдылар. Агачларның барсын бергә куйгач чын урман килеп чыкты.