Бу атна дәвамында кышлаучы кошлар белән танышабыз һәм беренче көн итеп миләш яратучы кызыл түшне ясадык.

Бүген "Миләшкәй" балалар бакчасы балалалары кунакка килгән Насыйбуллин Илнур Дамирович белән очраштылар. Балалар "Юлда булсаң, уяу бул", дип исемләнгән эшчәнлек күрсәттеләр. Эшчәнлекнең максаты: Өйрәнелгән юл билгеләрен искә төшерү, яңа билгеләр белән танышу. “ Бер яклы хәрәкәт”, “Машиналар кую урыны” билгеләрен танырга өйрәтү. Юл билгеләрен белүнең әһәмиятенә төшендерү. Транпортта үз-үзеңне тоту кагыйдәләрен ныгыту. Танып белү эшчәнлеген һәм сөйләмне үстерү. Игътибарлылык тәрбияләү иде. Без макскатыбызга ирештек һәм Илнур абыйлары балаларны мактап,  бик күп беләсез икән, диде. Шулай ук  юлларда сак булырга,игътибарны читкә юнәлтмәскә, юл йөрү кагыйдәләрен һәрвакыт истә тотарга киңәш итте.

"Тапкырлар һәм зирәкләр" клубына сәяхәт иткәндә тукталышларда булып биремнәр чишергә туры килде . Беренче теремкәй тукталышында балалар  юл билгеләрен танып әйттеләр.

Кисеп ябыштыру эшчәнлегендә табигатьнең кышка гына хас булган үзенчәлекләре турында белемнәрен ныгыту. Балаларның иҗади, логик фикерләү сәләтен үстерү.Табигатьнең матурлыгын күрергә, аны яратырга, кош-кортларга ярдәмчел булырга өйрәтү максатыннан чыгып балалар белән түгәрәк дискалар кулланып  кар бабай һәм чыршы кисеп ябыштырдык. 

Тәгәрәтеп ак карны,

Ясадык кар бабайны.

Куйдык кишердән борын,

Ясадык ике кулын.

Күзләре – кара күмер.

Дидек: “Син урам себер!”

Зур себерке тоттырдык,

Көлешеп карап тордык.

Балалар сөйләм телә эшчәнлегендә кар нәрсәгә охшаганы, ни өчен салкын икәнлеге һәм ни өчен шыгырдавы турында сөйләштеләр һәм тәҗрибәләр аша кар турында бик күп мәгълүмат алдылар.

а)  Карның эрүен күзәтү.

– Карны кулга алгач кар нишли? Ни өчен эри?

в) Карны бияләйгә куеп карау.

– Ни өчен озак торгач кына эри? Карга сулыш өрсәң нишли?

– Суны урамда, суыкта калдырсаң ул нинди халәткә керә?

– Бозны бүлмәгә алып керсәң нәрсә була?

Көн буена туктамастан

Тышта ап-ак кар ява.

Каплана кырлар, болыннар

Җир йөзе ап-аклана.

Ап-ак карлар ява, энҗе карлар

Бар табигать акка төренә.

Шундый матур дөнья

Әйтерсең лә, күктән җиргә

Йолдыз коела.

Ап-ак карлар ява....

Эйе карлар ява, әмма  бер төн эчендә яңгырлар яуса, көн аз гына җылытса  кар эрептә бетәргә мөмкин. Балалар да кар җылыга керүгә бик тиз эрүен ачыкладылар.

Балалар үрдәк бәбкәләре биюен башкаралар.