Кышын кошларга ничек ярдәм итәргә? Һичшиксез, беренче чиратта җимлекләр ясап элергә кирәк. Мәктәбебездә игълан ителгән җимлекләр ясау конкурсында укучыларыбыз актив катнашты. Һәм бүген моңа нәтиҗә ясалды. Һәр укучы үз җимлеген, җимнәр белән тутырып, мәктәп тирәсенә элеп чыкты. 

Мәктәбебездә бәйрәм көннәре алдыннан "Әти, әни һәм мин - спорт сөюче гаилә" ярышы үткәрелде. Ярышта спорт белән дус булган Гыйләҗевлар, Әхмәтҗановлар һәм Зәйнуллиннар гаиләләре көч сынашты. Ярыш төрләренең кызыклы, кабатланмас булуына башлангыч сыйныф укытучылары Сәйфетдинова А.М., Хәсәнова М.М. күп көч куйган. Ярыш күз ачып йомган арада үтеп тә китте. Зәйнуллиннар - 1 урында, Әхмәтҗановлар - 2 урында, Гыйләҗевлар - 3 урында. Котлыйбыз! Бергә булыйк! Күңелле мизгелләрне истә калырлык итеп үткәрик. 

Тимурчылар үзләренә билгеләнгән әби - бабайларга ярдәмнәрен кызганмыйлар. Бу арада еш кар яуды. Шуңа да ялгыз яшәүче ветераннарыбызның, тыл хезмәтчәннәренең хәлен укучыларыбыз даими белешеп тордылар. 

Һәр милләттә исеме телгә алынуга ук хөрмәт уятырлык шәхесләр була. Шундый исемнәрнең берсе олылар һәм балалар өчен бик күп әсәрләр иҗат иткән татар халкының бөек улы, Советлар Союзы герое, Ленин премиясе лауреаты, онытылмаслык бөек шагыйрь –Муса Җәлил. Юк,ул исем генә түгел,бәлки тирән мәгънәле символ да. Чөнки бу исемнең символлары булып батырлык, каһарманлык, талантлылык, тугрылык  кебек сүзләр тора. Ул чыннан да, бу сүзләрнең һәммәсенә лаек шәхес. Менә шуның өчен дә без, Җәлилнең милләтәше буларак, бу сыйфатларны яшьтән үк үзебездә тәрбияләргә тиешбез. Башлангыч сыйныф укучыларының чыгышы моның дәлиле. 

Проведено внешкольное мероприятие, посвященное ко ДНЮ Святого Валентина "Будь моим другом!" для учащихся 2-9 классов. Праздник дружбы прошел в атмосфере веселья. Прозвучало много песен и стихов не тему дружбы и любви.

Химия атналыгын Сафина Лилия Рифкат кызы кызыклы, мавыктыргыч итеп планлаштырган иде. Укучылар чараларда бик теләп катнашты. Бүген химия атналыгына нәтиҗә ясалды.

Чаңгыда йөрү һәркемгә дә файдалы. Бу чарада мәктәп коллективы актив катнашты. Әти - әниләр дә сынатмады. Билгеле, мондый көннәрдә чәй белән кайнар коймактан авыз итү дә һәркемнең күңеленә хуш килгәндер.

Химия анталыгында үткәрелгән чаралар көннән - көн мавыктыргычка әйләнә бара. Башлангыч сыйныф укучылары өчен бүгенге көн могҗизага әйләнде. 

"Без бергә!" акциясе кысаларында үткәрелгән бәйрәм чаралары гөрли мәктәбебездә. Укучыларыбыз матур җырлар,  күмәк биюләр белән шатландыра. 

"Без бергә!" акциясе кысаларында мәктәбебездә үткәрелә торган чаралар көннән - көн үзгәреш ала. Узган атнада укучылар арасында шигырь сөйләү  ярышлары оештырылган булса, бу атнада сыйныфлар арасында ярышны  музыка өлкәсендәге сынаулар алыштырды. Бүген башлангыч сыйныф укучылары үзләренең чыгышлары белән таң калдырды.