Буген, 22 август - Россия Федерациясе Дәүләт флагы көне билгеләп үтелә. Әлеге истәлекле көн уңаеннан безнең балалар бакчасында төрле чаралар үткәрелде: балалар флагтагы hәр төснең мәгънәсе белән таныштылар, флагларны танырга, дәүләт символикаларын аерырга өйрәнделәр, зур кызыксыну белән Россия флагын ясадылар.Дәүләт символларына ихтирамлы караш һәрберебездә гражданлык һәм патриотик үзаң формалаштыра, Ватанга мәхәббәт хисе уята.

   Бүген гадәттән тыш хәлләр министрлыгы хезмәткәрләре безнең бакчабызда кунакта булды. Алар балалар белән әңгәмә үткәрде, аның максаты балаларның янгын куркынычсызлыгы буенча белемнәрен тикшерү, балалар уеннарыннан һәм ут белән шаяртулардан йорт янгыннарын кисәтү иде.Бу очрашу кирәкле әңгәмә булды. Балаларга ни өчен" шырпы "балаларга уенчык түгел" дигән төшенчә аңлатылынды.Янгынны булдырмас өчен нинди куркынычсызлык кагыйдәләрен үтәргә кирәклеге һәм янгын вакытында үзеңне ничек тотарга кирәклеге турында сөйләнелде. Балаларга шулай ук ашыгыч хезмәт номерларын искә төшерделәр. Аларга буклетлар да тараттылар.Бу очрашуда балаларга күпме файдалы мәгълүмат җиткерделәр.Рәхмәт аларга.

   Бүген балалар бакчасында тәрбияләнүчеләр Лашман авылының янгын сүндерү бүлегенә экскурсиягә бардылар. Хезмәткәрләр балаларны җылы кабул иттеләр һәм танып белү экскурсиясе оештырдылар.Янгын сүндерү машинасының эчтән нинди булуын, су тутырылган бакның кайда булуын, янгын сүндерүчеләр нинди җайланмалар кулланганын күрсәттеләр. Янгын сүндерү җиңнәре һәм коткаручыларга кирәкле башка кораллар нинди, аларның билгеләнеше турында сөйләде. Балалар янгын сүндерүчеләр төтенле урыннарда кулланган коткару аппаратларын күрделәр. Янгын чыкканда үзеңне ничек тотарга кирәклеге турында белемнәрне, янгын куркынычсызлыгы кагыйдәләрен һәм үз-үзеңне тотышыңны ныгыттылар. Телефон номерын ничек дөрес язарга һәм янгын турында хәбәр итәргә. 

  "Ура, авылга!" җәйге лагерь.
Без дә нәни дусларыбыз белән ял итеп кайттык.Кояшлы матур көн иртәнге зарядкадан башланды. Милли уен "Түбәтәйле" уйнадык. Бүгенге ялыбыз бик тә файдалы булды, күңелле, эчтәлекле үтте! Ииң әһәмиятлесе - татар телендә аралашып, яңа сүзләр өйрәнеп, бүләк тә алып кайттык

   8 июль - гаилә, мәхәббәт hәм тугрылык көне! 
Гаилә-тормышыбызда һәрберебез өчен иң мөһиме. Нәкъ менә гаиләдә без мәхәббәт, кайгырту һәм хөрмәт, җаваплылык, гадәтләр һәм традицияләр өйрәнәбез. Гаилә көне алдыннан без балалар белән аларның гаиләләре, нәрсә белән шөгыльләнергә яратулары, ничек ял итүләре, гаиләдә яраткан бәйрәмнәр бармы, ничек билгеләп үтелүе турында сөйләштек. Аннары балалар үзләре нәни куллары белән гаиләләренә бүләк ясадылар.

   4 нче июль – искиткеч җиләк- чия көне. Урамда елның матур фасылы - җәй! Ул якты кояш, зәңгәр күк, җылы көннәр белән генә түгел, бәлки искиткеч бакча һәм яшелчә бүләкләре белән дә сөендерә. Җәйге юмартлыкларның берсе – чия! Кем чияне яратмый соң-алсу, татлы, әче! Шундый түгәрәк, күзләрне шатландыра торган чия!  Мөгаен, сезнең әйләнә-тирәгездә бу тәмле җәйге җиләкне яратучылар аз булмас.Без дә бүген чия турында сөйләштек һәм чияне ясап карарга булдык

    Соңгы берничә елда авылларда да авыл көнен бәйрәм итү матур традициягә әверелде. Бәйрәмгә авыл халкы, читтә яшәүчеләр һәм тирә-як авыллардан кунаклар кайтып, Сабан туен дә хәтерләтә. Нәкъ шундый бәйрәм Лашман авылында да үтте.Безнең балалар бакчасы хезмәткәрләре балалалар өчен аерым мәйданчыкта төрле уеннар, ярышлар уздырды. Бәйрәм бик күңелле үтте. Балалар күтәренке кәеф белән таралышты.

    1941 елның 22 июне – ил тарихына кара хәрефләр белән язылган кайгылы көн. Моннан 84 ел элек, нәкъ шушы көннең таңында, фашистлар Германиясе, сугыш игълан итмичә, Советлар Союзына бәреп керә.Бу дата сугыш афәтен кичергәннәрнең яраларын кузгата, хатирәләрне яңарта... Җиңүгә юл бик озын һәм авыр булды. Фронтта да, тылда да һәр кешедән гаятъ зур рухи киеренкелек һәм фидакарьлек таләп ителде. Җиңү исәпсез-хисапсыз корбаннар бәрабәренә яуланды. Сугышның утлы өермәсе бөтен илне айкап үтте, һәр йортка, һәр гаиләгә гомерлек кайгы-хәсрәт, зур михнәтләр китерде, берничә буын кешеләренең бәгырен көйдереп, язмышларын җимереп узды. Сугыш кырларында, фронтларга тиң тылда меңләгән кешеләрнең чәчәк кебек яшь гомерләре өзелде.

   12 июньдә илебездә Россия көне билгеләп үтелә. Россия көне алдыннан безнең балалар бакчасында әлеге вакыйгага багышланган чара узды. Әлеге чараның максаты балаларда Россияне дәүләт, Туган ил буларак күзаллау формалаштыру, Ватанга мәхәббәт хисе тәрбияләү иде. Чара барышында дәүләт гимнын тыңлау оештырылды, тәрбияләнүчеләр Россиянең рәсми һәм рәсми булмаган символларын искә төшерделәр, «Россия флагы», «Россия гербы» темаларына әңгәмәләр үткәрделәр табышмакларга җаваплар таптылар, җырлы-биюле уеннар уйнадылар

   Балаларның бөҗәкләр дөньясы турындагы танып белү кызыксынучанлыгын, логик фикерләү сәләтен, интеллектларын үстерү максатынан бүгенге көн балалар бакчасында бөҗәкләр дөньясына багышланды. Алар белән “Файдалы һәм зарарлы бөҗәкләр”, «Күбәләк ничек барлыкка килә”, “Табигатьтә бөҗәкләрнең роле" дигән тематик әңгәмәләр үткәрелде