"Наркотикларсыз  тормыш" айлыгы уңаеннан бүген мәктәптә Сәламәтлек көне үтте. Ул саф һавада музыка астында уздырылган иртәнге зарядкадан башланып китте.

"Наркотикларсыз тормыш" акциясе уңаеннан  мәктәп китапханәсендә шул темага кагылышлы китаплар күргәзмәсе оештырылды.

19 май көнне Исергәп урта мәктәбендә Татарстанның танылган артисты Алмаз Хамзин һәм "Казан утлары", "Сабантуй" журналларының баш мөхәррәре, күренекле язучы Алмаз Гыймадиев белән очрашу узды. Анда безнең мәктәп укучылары да катнашты. Кунакларның бай эчтәлекле чыгышы, алар белән аралашу укучыларның күңелендә озакка сакланыр.

Укучылар шулай ук истәлеккә  бүләкләр, автографлар алдылар һәм кунаклар белән бергәләп фотога төштеләр. 

Бүген мәктәптә 4 нче сыйныф укучыларын варислар рәтенә кабул итүгә багышланган тантаналы линейка узды.

12 нче май көнне узган Бердәм экология дәресе уңаеннан бүген урта һәм югары сыйныф укучылары Ык буен җыештырырга чыктылар.

Бүген барлык сыйныфларда Бердәм экология дәресе үтте. Укучылар анда табигатькә карата сакчыл караш турында сөйләштеләр. Төркемнәргә бүленеп, төрле биремнәр үтәделәр. Шул темага кагылышлы фильмнар карадылар.

 Бердәм экология дәресе көне уңаеннан бүген мәктәбебез укучылары  авылдашларыбызга, авылыбыз чисталыгын сакларга өндәп, хат-мөрәҗәгатьләр тараттылар.

Бүген мәктәптә Бөек җиңү бәйрәме уңаеннан сугыш һәм тыл ветераннары өчен бәйрәм кичәсе әзерләнде. Укучылар ветераннар алдында концерт номерлары һәм монтаж белән чыгыш ясадылар. Ветераннар сугыш елы истәлекләре белән уртаклаштылар. Соңыннан бәйрәм табыны оештырылды. Кичә бик эчтәлеклк һәм матур узды.

Бүген укучылар  Бөек Ватан сугышында һәлак булганнар истәлегенә салынган авылыбыз обелискы янында хәтер вахтасында тордылар.

Җиңү бәйрәме уңаеннан укучылар сугышта һәлак булган бабаларыбыз истәлегенә обелиск янына венок салдылар.