Бүген хәрби-патриотик тәрбия кысаларында, ОБЖ укытучысы Васильев Илнар "Ягез, егетләр!!!" дип аталган спорт уеннары оештырды.

6 февраль көнне 4 сыйныфларда мониторинглар башланып китте. Математика һәм татар теле фәннәреннән укучылар бу көнне үзләрен сынап карадылар.  Укучыларга уңышлар телибез. Барлык белемнәрен туплап, тырышып эшләп, уңай билгеләр алсыннар иде дигән теләктә калабыз.

Хәрби-патриотик тәрбия айлыгы кысаларында һәр сыйныфта тәрбия сәгатьләре уздырыла. Әлеге чараларда күптән түгел генә армия сафларыннан кайткан солдатлар да катнаша.

Бүген район спорт сараенда укытучылар өчен спартакиада булып узды. Шахмат буенча беренчелекне безнең мәктәпнең география һәм биология укытучысы Фасхетдинова Рания Ракиповна алды. Башка ярыш төрләрендә дә сынатмадык.

Бүгеннән төгәл фәннәр атналыгы башланды. 

Грипп – шул исемдәге вирус нәтиҗәсендә барлыкка килүче йогышлы авыру. Грипп вирусы бик еш яңарып торганга күрә, организм аңа җиңел бирешә. Чир аеруча балалар, олы яшьтәгеләр, хроник авырулар өчен куркыныч. Шулай ук сәламәт яшь кешеләр дә грипптан соң төрле өзлегүләр алырга мөмкин. Авыруның өстенә яхшы итеп ябарга һәм аңа тирләтә торган кайнар әйбер (кура җиләк вареньесы белән кайнар чәй, кипкән кура җиләге яисә юкә чәчәге кайнатып) эчерергә кирәк. Шулай ук “ремантадин” дигән дару грипп вакытында уңышлы файдаланыла.

Бүген безнең мәктәбебездә чисталык дәресе булып узды. Әлеге дәрес викторина рәвешендә узды. Укучылар актив катнаштылар.

Бүгеннән өченче чирекне дә башлап җибәрдек. Хәерле сәгаттә булсын.

Бүген "Боз мәйданында очрашыйк!" дип аталган ярыш булып узды. 

Каникулда укучылар ата-аналары белән чана шудылар. Вакыт сизелмичә дә үтеп китте, бик күңелле булды!