Бүген, узган атнада уздырылган биология атналыгына нәтиҗәләр ясалып узылды. Иң актив укучылар бүләкләнеп үтелде.

Бүген актлар залында урманнарга багышланган тәрбия сәгате булды. Анда урманнарның чисталыгы, пожар куркынычсызлыгы турында презентация күрсәтелде.

Уку елының озын өченче чиреге дә ахырына якынлашты. Бүген укытучылар өченче чирекне уңышлы тәмамлау турындагы приказ белән таныштылар, шулай ук  каникулның көннәре язгы һава торышы белән бәйле икәнен дә искәрттеләр. Язгы су басулар вакытында куркынычсызлык кагыйдәләре искә төшерелде, укучыларга инструктажлар уздырылырга кирәклеге аңлатылды.

Узган атнада тарих атналыгы булып узды. Укучылар бик актив катнаштылар. Линейка вакытында тарих укытучысы Наис Фәнисович атналыкка нәтиҗә ясады һәм әлеге фән белән аеруча кызыксынган укучыларны бүләкләп үтте.

Йолдызлык-2013 конкурсында безнең мәктәптән Шафигуллина Гөлдания катнашты. Ул уңышлы чыгыш ясады һәм грамота белән бүләкләнде.

Бүген мәктәбебезгә иҗтимагый педагоглар кунакка килделәр. Алар башлангыч сыйныф укучыларына һәм 5-6 классларга наркоманиягә каршы профилактик чара үткәрделәр.

-Язның беренче бәйрәмен

“8 нче Март” диләр.

Бәйрәмегез котлы булсын,

Кызлар, апа-җиңгиләр!!!

Башланыч сыйныф укучылары әниләренә бүләк ясадылар. 1нче класс укучысы Гильмутдинова Ләләнең әнисен бүләкләгән вакытын фотога төшереп алдык.

Бүген 2-4, 5-6, 7, 8 класс һәм укытучылар командалары арасында хоккей ярышы булып узды. Укытучылар беренче, 7нчеләр икенче, 8нчеләр өченче урын яуладылар.

Һәр атнаның дүшәмбе көнендә линейка була. Бүген анда хәрби-патриотик тәрбия айлыгына нәтиҗә ясалды, актив укучылар һәм класслар бүләкләнделәр.