4 сыйныфта “Язның игелекле атнасы” кысаларында “Мәрхәмәтле булыйк” дигән тәрбия сәгате үтте.

5-8 сыйныф укучылары катнашында “Дуслык” бәйрәме уздырылды. Әлеге бәйрәмдә һәр класстан 2 егет, 2 кыздан торган команда катнашты. Командаларга өй эше итеп класс турында визитка әзерләргә кушылган иде.  Кызыклы конкурслар, уеннар укучылар күңеленә хуш килде. Уеннарны укучылардан сайлап куелган жюри бәяләп барды. Ахырда 5 класс командасы- 1 урынны, 6 һәм 7 класс командалары- 2 урынны, 8 класскомандасы -3 урынны яулады. Командаларга мәктәп грамоталары тапшырылды.

1-4 сыйныф укучылары өчен “Бәйрәм белән”! дигән кичә уздырылды. Кичәдә кызлар һәм малайлар командасы катнашты. Әлеге бәйрәмдә кызлар малайларны, малайлар кызларны бик матур итеп бәйрәм белән котладылар, аннары кызклы ярышлар оештырылды. Командалар  табышмаклар чиштеләр, хәрәкәтле уеннар уйнадылар. Уен ахырында җиңүчеләр билгеләнде. 37 очко җыеп кызлар командасы 1 урынны яулады.

Мәктәп күләмендә Бөек Җиңүнең 70 еллыгына багашланган “Каләм белән җиңдек дошманны” дип исемләнгән әдәби-музыкаль кичә уздырылды. Әлеге кичәдә сугыш чорында мылтык белән генә түгел, каләм белән дә  җиңү таңын якынайтучы татар шагыйрьләре, язучылары турында сүз барды, аларның  шигырьләре укылды, җырлары җырланды. Кичә ахырында бер минут тынлык белән сугыш каһарманнарын искә алдык

Мәктәбебездә Бөек Җиңүнең 70 еллыгы уңаеннан авылыбызның тыл батырларына медаль тапшыру тантанасы уздырылды. Тантанада  авыл җирлеге башлыгы, күмәк хуҗалык җитәкчесе, район башкарма комитеты һәм военкомат хезмәткәрләре катнашты.  Әби-бабайлар чәй табыны артында укучылар һәм укытучылар көче блән әзерләнгән “Батырларны барлар чак” дип исемләнгән әдәби-музыкаль кичә карадылар.

Бөек Җиңүнең 70 еллыгы уңаеннан башлангыч сыйныф укучылары өчен герой-пионерларга багышланган  тәрбия сәгате узды. Балалар сугыш чоры пионерларының  тормыш юлы,  алар  күрсәткән батырлыклар, бу батырлыкларның ил тарихындагы әһәмияте белән таныштылар.

27 февральдә мәктәбебездә 1 сыйныф укучылары укуда беренче җиңүләрен билгеләп үттеләр - “Әлифба” бәйрәме үткәрделәр. 5 кенә укучы булсалар да, барысына да өлгерделәр алар: биеделәр, җырладылар, әкият куйдылар. Әти-әниләр дә, балалар да бәйрәмнән күтәренке кәеф белән таралды.

Район мәктәпләре арасында “Аҗаган-2015” уены уздырылды. Әлеге уенда һәр мәктәптән 10ар кешелек команда 11 төрле ярышта катнашты. Һәр ярышта җиңүчеләр билгеләнде. Граната ату буенча мәктәбебез укучысы Гаптелахатов Булат 3 урынны яулады.

11 сыйныф укучысы Хәкимуллина Иркә  Бөек Ватан сугышында  Җиңүнең 70 еллыгына багышланган Муса Җәлил исемендәге 3 республика фәнни-гамәли конференциядә катнашып сертификатка ия булды.

Татарстан Республикасы Мәгариф һәм Фән министрлыгы, Казан Федераль Университеты уздырган  “Татар лингвокультурологиясе: проблемалар һәм перспективалар” дип исемләнгән VI Бөтенроссия фәнни-гамәли конференциядә 11 сыйныф укучысы Хәкимуллина Иркә “Мәдәни- тарихи мирас һәм традицияләр” секциясендә чыгыш ясады. Ул әлеге секциядә  “Фронтовик – шагыйрь Хәбра Рахман” дигән фәнни эшен яклады һәм “Иң яхшы доклад” номинациясендә җиңүче булды. Иркә грамота һәм әлеге фәнни эшләр тупланган җыентык белән бүләкләнде. Иркәне һәм әлеге фәнни эшнең җитәкчесе Роза Александровнаны чын күңелдән котлыйбыз.