“Тукай, туган тел айлыгы” планы буенча 21 нче апрель -Тукай әсәрләренә иллюстрацияләр конкурсы көне дип игълан ителгән иде. Нәтиҗәдә 1 нче урын- Хабибрахманова Зөләйха, 2-Корбангалиева Энҗе, 3 нче урынга Галиуллина Диләрәнең рәсемнәре ия булды. Афәрин, укучылар!

 

20 нче апрель көнне “Туган тел” айлыгы кысаларында матур язу конкурсы уздырылды. 1-5 нче сыйныфлар арасында Акбирова Н. -1, Галиуллина Динә -2, Вафина Н., Г. Зилә- 3 нче урын билгеләнде. 6-9 нчы сыйныфлардан 1 нче урын Корбанова Ч., Мотыйгуллина Н.-2, Миннемуллина Г. 3 нче урынга ия булдылар.

19 нчы апрель көнне әхлак укытучысы Гөлнур Ильяс кызы Мифтахова “Телләр белгән – илләр гизгән” дигән темага ачык дәрес, “Иманлы гаилә – әхлак бишеге” исемле ачык чара күрсәтте. Бу бәйрәмгә мөфтиебез Камил хәзрәт Сәмигуллин, районыбызның әхлак укытучылары һәм якын тирә районнардан да килгәннәр иде. Шулай ук Мөслимнән килгән кунакларда җылы тәэсирләр калдырып киттеләр. Ачык дәрес һәм чара бик тирән эчтәлекле, тәрбияви, әхлакый иде. Укучылар да бик белемле, тәүфыйклы, тырыш икәнлекләрен күрсәттеләр.

18 нче апрель көнне татар теле һәм әдәбияты укытучысы В.Н.Хайруллина 6 нчы сыйныфта “Син Тукайны беләсеңме?”исеме астында викторина уздырды. Бу викторинада “Шүрәле” һәм “Су анасы” командалары көч сынашты. Кичә һәркемнең күңеленә хуш килде.

 

17 нче апрель көнне 4 һәм 5 нче сыйныф укучылары рус теленнән ВПР эшләделәр. Алар бүген беренче өлеше булган, диктант яздылар, грамматик бирем эшләделәр. Алдагы эшләрендә дә уңышлар юлдаш булсын!

 

18 нче апрель көнне район балигъ булмаган яшүсмерләр белән эшләүче инспекторлар белән очрашу булды. Алар укучылар белән профилактик әңгәмә уздырдылар.

“Эко- яз” акциясе кысаларында 17 нче апрель көнне мәктәбебездә өмә булды. Укучылар һәм барлык укытучылар мәктәп тирәсендәге өем-өем карларны тараттылар. Эш бик кызу темп белән алып барылды.

 

Актанышта булып узган, Республика күләм көрәш ярышында 7 нче сыйныф укучысы Авхадиев Ленар 3 нче урынга ия булды. Алга таба да уңышлар теләп калабыз. Афәрин, Ленар!

 

Тукай, туган тел айлыгының планы буенча, 13 нче апрель - 4,5,6 нчы сыйныф укучылары арасында шигырь уйлап чыгару бәйгесе. Укучыларыбыз бик матур, мәгънәле шигырьләр иҗат иткәннәр иде. Сайлап алу җиңел булмаса да, 4 нче сыйныф укучысы Газизуллина Нәргизә, 5 сыйныфтан Галәветдинова Мәликә, 6 нчы сыйныфтан Хөсәенова Зәринәнең иҗат җимешләрен матур һәм тематика буенча язылган дип билгелде.

 

12 нче апрель көнне татар теле укытучысы Зөлфирә Зөфәр кызы Нуретдинова 5 сыйныфлар белән “Йолдызлы сәгать” уены оештырды. Биредә укучылар Габдулла Тукайның иҗатына, тормыш юлына карата бирелгән сорауларга җавап бирделәр. Һәр укучы үзенең йолдызын табарга тырышты. Нәтиҗәдә иң күп йолдыз җыючы булып, Вафина Нәргизә билгеләнде.