20 нче гыйнвар көнне Мөхетдинова Гөлнара Сафуан кызы "Туклану гигиенасы" дигән темага 8 нче сыйныфларда ачык тәрбия сәгате үткәрде. Тәрбия сәгатендә фаст фудларның кеше сәламәтлеге өчен зыяны турында видеоролик каралды. Гөлнара Сафуан кызы укучылар белән төрле эш алымнары кулланып, туклану нормасы турында укучыларга бик файдалы мәгълүмат бирде. Укучылар да тәрбия сәгате барышында бик актив булдылар. 

Атналыкта 9-11 класс укучыларының физикадан белемнәрен тикшерү максатыннан "Могҗизалар кыры" интеллектуаль уены оештырылды. Уенда иң актив класс 10-класс икәнлеге ачыкланды. Җиңүче 10-класс укучысы Гарифуллин Марат. Укучыларга .алга таба уңышлар һәм чын "Могҗизалар кырында" катнашырга насыйп булсын дигән теләктә калабыз.

Атналык 5- 6 класслар арасында "Бәхетле очрак" уены белән башланып китте. Әлеге уенда  "Тапкырлар" һәм "Зирәкләр" командасы катнашты. "Тапкырлар" 1 генэ очко өстенлек белән җиңү яулады.

17 нче гыйнвар көнне "Башлангыч сыйныфлар айлыгы" кысаларында укучылар өчен "Тамчы - шоу" уены оештырылды. Уен барышында укучыларның белем дәрәҗәсе, игътибарлыгы, бирелгән сүздән сузләр ясау осталыгы сыналды. Уенда укучылар бик актив катнаштылар

16 нчы гыйнвар көнне башлангыч сыйныф укучылары өчен "Йолдызлы сәгать" уены оештырылды. Бәйгедә 4 нче сыйныф укучылары көч сынашты. "Йолдызлы сәгать" иясе Гарифуллина Хания булды. Ул бәйге ахырында иптәшләренә үзенең уй-кичерешләрен, теләкләрен җиткерде.

Бүген, ягъни 16- январь көнне «Кызыклы ачышлар, бөек галимнәр, мавыктыргыч күренешләр» темасына чаралар үтте. 7-8 классларга физик ачышлар турында мультфильм күрсәтелде. 5-6 һәм 9-11 класслар өчен 10 – класс укучылары “Атаклы математиклар” темасына докладлар сөйләде.

12 нче декабрь көнне Башлангыч сыйныф укучылары өчен Шафигуллина Лилия Асхадулловна "Кызыклы математика" исеме астында КВН үткәрде. Укучылар ике командага бүленеп көч сынаштылар. Алар зирәклеккә, логик фикерләүгә, тиз һәм дөрес исәпләүгә төрле биремнәр үтәделәр. Укучылар бик актив катнаштылар.

Сезне 10 нчы февраль көнне Бөрбаш урта мәктәбенә , балачак иленә кунакка чакырабыз.Сабый чакның шаянлыгы, мәхәббәтнең сафлыгы, яшьлекнең гүзәллеге, артта калса да, хәтер-хатирә яши, сокландыргыч, матур мизгелләр искә төшә. Яшәү өчен көч алырга, сабакташлар, укытучылар янына кайтып килик әле. ОЧРАШУ мизгелләрен көтә-көтә 10нчы февраль сәгать телләре 6 га җитә. Дәрескә “беренче кыңгырау” 18.00 дә була. Сагынып көтәбез, килегез, гомерләр бер генә - белегез!

15- январь көнне математика атналыгының беренче чарасы үтте. 5-6 класслар арасында оештырылган “Бәхетле очрак” уенында “Тапкырлар” һәм “Җитезләр” командасы көч сынашты. Уен 1 генә очко өстенлек белән “Тапкырлар” командасы җиңүе белән тәмамланды. Укучыларга алдагы чараларда да уңышлар һәм актив булуларын телибез.

Атналык программасы