Каникул вакытында теләгән укучыларга мәктәп янындагы трассада чаңгы шуу мөмкинлеге тудырылды.  

5 нче гыйнвар көнне Арча шәһәре стадионында чаңгыда узышу буенча эстафета ярышлары булып узды. Ярышта мәктәбебезнең егетләр командасы катнашты. Командадагы егетләребез уңышлы чыгыш ясады.  Аларга алдагы ярышларда зур уңышлар телибез.

Каникул, бәйрәм вакыты булуга карамастан, мәктәптә волейбол секциясе эшли. Укучылар алдагы ярышларга әзерләнәләр.

Каникул вакытларында укучылар шахмат түгәрәгендә шөгыльләнделәр, шашка да уйнадылар.

Мәдәният йортында уздырылган Яңа ел бәйрәмендә укучыларыбыз да, аларның әти-әниләре дә актив катнашты, күңелле ял итте.

Кадерле дуслар, хезмәттәшләр! Сезнең барыгызны да Яңа ел бәйрәме белән котлыйбыз. Бәйрәмегез мөбарәк, күңелле, куанычлы булсын. Эшләрегез уң булсын, чәчәк атсын, күңелегездәге мәрхәмәтлелек нуры җаныгызны тагын да ягымлы, матур итсен, ялкынландырып бизәсен. Бусагаларыгыздан караңгылык, хәвеф-хәтәр атлап кермәсен, бәла-каза йөрмәсен. Гаилә бәхетегез сүнмичә балкып торсын.

28 нче декабрь көнне мәктәп коллективы Урта Курса авыл җирлеге, "Курса МТС" ы белән берлектә Арча шәһәрендә уздырылган бәйрәм алды ярминкәсендә катнашты. Сатуга бик күп төрле товар, шул исәптән бәйләнгән әйберләр дә тәкъдим ителде.

Бүген мәктәптә зона буенча шашка, шахмат ярышы үтте. Әлеге ярыш мәгариф профсоюз оешмалары арасында уздырылды. Җиңүчеләр ахырдан дипломнар белән бүләкләнде. 

Бүген Арча мәдәният йортында район башлыгы чыршы бәйрәме булды. Бик матур чыгышлардан сәхнә гөрләп торды.  Бәйрәмгә килгән укучыларны да тик тотмадылар, төрле уеннар уйнатылды. Бу бәйрәмдә катнашу бәхете мәктәбебезнең 4 нче класс укучысы Закирҗанов Кәрим белән 8 нче класс укучысы Яруллин Дәнифкә эләкте. Әлеге бәйрәм балаларга истә калырлык чын Яңа ел бүләге булды.