Бүген лагерь тәмамлана. Бераз моңсу, чөнки 21 көн буе бергә уйнаган, уйлаган, эшләгән, иҗат иткән, бер гаилә кешеләре кебек дус-тату колллективның саубуллашыр вакыты килеп җитте. Ә алда ҖӘЙ! Барыбызга да ял итеп, сәламәтлегебезне ныгытып, үсеп, көч туплап исән-имин яңа уку елына килергә насыйп булсын!

Бүген табигатькә экскурсия аеруча күңелле узды. Аннан  "Безгә бергә күңелле!" темасына отрядлар арасында  альбом ясау оештырылды. Һәркем тырышып һәм фантазиясен эшкә җигеп күңелле мизгелләрдән фотолар туплады, лагерьда узган күңелле минутларны рәсемгә төшерде. 

Бүген "Көлке көне" - отрядлар арасында КВН узды. Барыбыз да тапкырлыкта, зирәклектә сыналдык.

Бүген «Мин һәм минем дусларым»  темасына фотосессия узды. «Мин - иң остасы!» исемле чара үткәрелде. 

Иртәнге линейкадан соң саф һавада уеннар оештырылды. Аннары "Малайлар көне" оештырылды. Малайлар үзләренең физик мөмкинлекләре, тапкырлыклары, зирәклекләре буенча ярыштылар. Көндезге аштан соң Урта Курса Мөхәммәтвафа мәчетенә экскурсиягә керделәр. Көн бик уңышлы узды.

Бүген "Беркем дә онытылмый, бернәрсә дә онытылмый" девизы астында укучылар "Чиста обелиск" акциясендә катнаштылар.

Бүген лагерьда безнең тема  - "Әкияттә кунакта".  Отрядлар арасында әкиятләрне белү һәм сәхнәләштерү буенча конкурс оештырылды. Аннары  Г. Тукай әкиятләрен сәхнәләштерү буенча үзебезне сынадык..

16 июнь - "Син үзеңне беләсеңме?" - үзеңнең физик мөмкинлекләрең, белемең, иҗади осталыкларыңны сынау көне.

  "Яшь буын сәламәт яшәү рәвеше сайлый" темасына әңгәмә узды, начар гадәтләрне куллануга каршы пропаганда чаралары үткәрелде. Отряд газеталары, рәсемнәр, шигырьләргә конкурс оештырылды.