Арча укучылар сараенда узган “Иң шәп әйдаман” конкурсының муниципаль этабында мәктәбебезнең 8 нче сыйныф укучысы Гайнуллина Зилә уңышлы чыгыш ясап, 3 нче урынга лаек булды. Аңа 4 нче сыйныф укучылары Гайнуллина Зөләйха һәм Закирҗанов Кәрим ярдәм иттеләр.

2-3 нче сыйныфларда Сталинград сугышының 75 еллыгына багышланган “Хәлиткеч Сталинград сугышы” дигән темага сыйныф сәгате үтте. Дәрестә укучыларга Бөек Ватан сугышы, бу сугышта илебез халкының күрсәткән батырлыгы һәм сугыш елъязмасының иң куркыныч бер өлеше булган Сталинград сугышы турында аңлатылды. Аннары укучылар Сталинград сугышына багышланган видеоязма карадылар. Класс сәгатендә сөйләнелгән вакыйгаларга бер укучы да битараф калмады, үз кичерешләрен башкалар белән уртаклаштылар.

Бүген Арча районының мәшгульлек үзәге психологы Хәмидуллина Л.В. укучыларга һөнәри эшчәнлек турында сөйләде, һөнәр сайлау юнәлешендә киңәшләрен бирде. Соңыннан укучылар анкета тутырдылар.

Укучыларыбыз февраль аенда булачак чаңгы ярышына әзерләнәләр. Уңышлар сезгә!

Без яңача фикерләүгә игътибар бирелгән, тормышта әледән-әле яңа ачышлар ясала торган заманда яшибез. Үсеш-үзгәрешләр уку-укыту, тәрбия процессына да кагыла. Укыту-тәрбия өлкәсендә моңа кадәр билгеле булмаган ысуллар,чаралар гамәлгә керә, таныш булган метод -алымнар үзгәреш кичерә, камилләшә. Хәзер  мәктәп, укыту  һәм тәрбия  системасы  бала  шәхесендәге  эшчәнлеккә   кирәкле сыйфатлар булдыру мәсьәләсе белән тирәнтен шөгыльләнә. Химия дәресләрендә укучылар алган белемнәрен практикада кулланырга да өйрәнәләр. Төрле алымнар кулланып уздырыла торган дәресләр аларда зур  кызыксыну уята.

В рамках недели русского языка Гимадиева Г.Н. провела конкурс быстрого чтения. 1 место занял ученик 8 класса Яруллин Даниф. Поздравляем!

Яңа ел бәйрәме көнне төрле фәннәр буенча уздырылган олимпиадаларда актив катнашып җиңү яулаган укучылар бүләкләнде. Әлеге укучыларның алга таба тагын да зуррак уңышларга ирешүләрен телибез. Молодцы!

Гиппократ әйтүенчә “Сәламәтлек кешегә бер тапкыр һәм гомергә бирелә”. Аны кеше гомере буе сакларга һәм кайгыртырга тиеш. Бүген Сарай-Чокырча башлангыч мәктәбендә "Сәламәтлек-матурлык билгесе" дигән темага әңгәмә үткәрелде. Әңгәмәне авылыбыз фельдшеры Халилова Роза алып барды, балаларны кызыксындырган сорауларга җавапларны тормыштагы үрнәкләр аша аңлатты. Укучылар сәламәтлек һәм матурлык баскычларын яуларга өйрәнделәр.