Лагерьның сигезенче көне.Тәмле итеп иртәнге ашны ашап алгач,балалар " Алтын куллар" шәһәренә сәяхәт иттеләр. Үзләренең осталыкларын да күрсәттеләр,төрле-төрле әйберләр ясарга да өйрәнделәр. Презентацияләр карадылар. Төшке аштан соң, җырлы-биюле уеннар оештырылды.

Бүген балаларга лагерьда "Рыцарьлар турниры"- ярыш үткәрелде. Балалар рәхәтләнеп ярыштылар.Бер-берсенә көч биреп тордылар. Төшке аштан соң, классларда  төрле эшләр белән шөгылләнделәр. Кемдер шигырь язды,кемдер хикәя,кемдер әкият иҗат итте. Кемнәрдер рәсем ясады. Соңыннан үзләренең иҗат җимешләрен иптәшләренә сөйләделәр.

Бүген лагерыбызның соңгы көне.Барлык балалар да бераз моңсуланып йөрде,чөнки бүген алар үзләренең дуслары белән аерылыша.Ләкин аңада карамастан балалар рәхәтләнеп саф һавада уеннар уйнадылар.Төшке аштан соң балалар су буена учак янына уеннар уйнарга тәгәрәткән бәрәңге ашарга төштеләр.Анда төрле хәрәкәтле уеннар уйнап күңел ачтылар.Соңыннан балалар үзләренең истә калган көннәрен,лагерьда булган кичерешләрен дәфтәр битләренә язып калдырдылар.

Балалар тәрбиячеләргә, пешекчеләргә рәхмәтләрен әйтеп өйләренә таралыштылар.

Бүген тышта һава торышы үзгәрде: бераз суытып җибәрде. Яңгырлар ява башлады. Балалар көненнәрен классларда гына үткәрде. Алай булса да, көнебез күңелле узды. Әкияттә кунакта - әкият көне үткәрдек. Төрле әкиятләр карадык,үзебез дә әкиятләр куйдык. Рәсемнәр ясап рәсем конкурсы оештырдык.

Бүген, иртәнге ашны ашаганнан соң балалар "Яшәү өчен көрәш мәктәбе" дип исемләнгән уенда медицина буенча шулай ук дару үләннәре һәм карта укырга өйрәнделәр. Медицина бүлегендә балалар беренче ярдәм күрсәттеләр, ясалма сулышлар ясап карадылар.

Дару үләннәренең нинди төрләре барлыгын белделәр һәм шул үләннәрне табигатьтән җыеп кайттылар.

Төшке аштан соң бераз ял итеп алгач балалар  бирелгән карталары буенча хәзинә эзләргә чыктылар.

Кич белән пародий конкурсы,аннан  дискотека  үткәрелде.

Фәрит Фәтхиевич үзе өйрәткәннәрен балалардан ярыш формасында үткәртеп алды.Укучылар сазлыктан күчләр аша һәм басма ясап чыктылар, төеннәрне дөрес итеп бәйләделәр.Ярыш бик күңелле үтте.

Көннең икенче яртысында Хәсәншаих күленә ял итәргә төштеләр.

Лагерыбызның бишенче көне. Иртә белән килүгә безгә сөенечле хәбәр җиткерделәр: без автобус белән экскурсиягә барачакбыз. Бик сөенештек. Иртәнге ашны ашап алгач,автобуска чыгып утырыштык. Куркынычсызлык кагыйдәләрен тагын бер кат искә төшердек. Хәсәншәех авылының ясалма күленә экскурсиягә бардык. Анда,табигать кочагында, шундый матур!!! Рәхәтләнеп ял иттек,уйнадык....  Бу көнебезнең узганын да сизми калганбыз.

Бүген бездә  Спорт мастеры,Россиянең физкультура отличнигы Фәрит Фәтхиевич кунакка килде.Ул безгә үзенең осталыкларын күрсәтте һәм шулай ук безнең балаларга да осталыкларын өйрәтте.Укучылар Фәрит Фәтхиевич өйрәткән төеннәрне бик теләп өйрәнделәр,аның янында көне буе бөтөрелеп йөрделәр.

Кич буе Фәрит Фәтхиевич үзенең шигырьләрен, кайларда ярышларда булуын шулай ук нинди маҗараларга юлыгуын сөйләп балаларны таң калдырды.Көннең үткәне сизелмидә калды.

Менә лагерыбызның дүртенче көне дә үтеп китте.Бүген безгә шәхси гигиена кагыйдәләрен искә төшереп,белмәгәннәрен өйрәнү өчен тәрбияче апаларыбыз бик күңелле кичә үткәрделәр.Ул "Юындырда кунакта " дип атала иде. Анда без сорауларга җаваплар бирдек,кирәкле мәгълүматлар алдык. Тәмле итеп тамак ялгап алгач, " Шушма" елгасы буена сәяхәт кылдык.Бүгенге көнебездән бик риза булып өйләребезгә таралыштык.