Кеше хезмәте белән табигатьне үзгәртә дип әйтәләр. Ә укытучы хезмәте Кешенең үзен формалаштыруы белән кыйммәтле һәм гүзәл.

    Укучыларымда дөньяга дөрес караш, хезмәткә теләк, тормышны ярату, кешеләргә ихтирам тәрбияләүгә шактый өлеш кертә алган булсам, димәк хезмәтем бушка китмәгән,- диеп горурланырга язсын иде.

    Мәктәбебезнең җанлы тормышында кайнап яшәгән,тырышып укыган, олимпиада - конкурсларда алдынгы урыннарга ирешкән, матур иҗат иткән 2014 - 15 уку елы чыгарылыш классы укучыларымны сагынып, аларга һәрвакыттагыча изге теләктә калам һәм аларның сәламнәре белән уртаклашасым килә:

        Хөрмәтле укытучыларым! Сезне чын күңелдән һөнәри бәйрәмегез – Укытучы көне белән котлыйм! Сезгә нык сәламәтлек, сабырлык, шатлык-куанычлар телим. Укучылар үз белемнәре белән куандырсын, ә мәктәпне тәмамлаучылар туган мәктәпләрен һәм яраткан укытучыларын онытмасыннар. Ин изге теләкләр белән укучыгыз - Энҗе Халиуллина.

       Бәйрәм белән Сезне, Рузилә апа! Сәламәтлек, эшегездә уңышлар, сабырлык, тынычлык, шатлык – куанычлар телим - Халиуллина Энҗе.

      Укытучылар көне белән Рузилә апай! Яраткан эшегездә уңышлар! БӘЙРӘМ белән! – Гөлназ Хасанова.

      Рузилә Рафиковна, бәйрәмегез белән! Сезгә иң изге теләкләрне генә телим. Гел шундый ягымлы, аңлаучан, алыштыргысыз укытучы булып калыгыз. Эшегездә уңышлар, гаиләдә тынычлык, ныклы сәламәтлек телим. Барысы өчен дә рәхмәт Сезгә, сагынабыз Сезне! - Алия.

Шекә мәктәбе үзенә ветеран укытучыларны һәм өлкәннәрне җыйды. Укучылар өлкәннәрне үзләренең чыгышлары белән куандырды.

Авырлыкны җиңәр өчен көч кирәк,

Ә  кешегә  һәрчак җылы сүз кирәк.

 Бер назлы сүз мең дарудан көчлерәк.

  Бүген мәктәптә укытучыларның һөнәри бәйрәме-Укытучылар көне билгеләп үтелде. Иртәдән укытучыларны чәчәк букетлары тоткан 9 класс укучылары каршы алды, матур теләкләрен җиткереп, укытучыларны төрле сынаулар аша уздырып, кызыклы сюрпризлар ясап, авыр сумкаларын күтәреп алып методик бүлмәгә кадәр озаттылар.Мәктәп матур шарлар, теләкләр белән бизәлеп,   бәйрәм атмосферасы көне буена җитәрлек сузылды. Көн ахырында 10 класс укучыларының "Рәхмәтләрнең иң олысы Сезгә булсын, Укытучым!" дип исемләнгән концерт программасы тәкъдим ителде. Укучылар үзләренең укытучыларга булган рәхмәтләрен нинди генә формада җиткермәделәр: матур җырлар, төрледән-төрле биюләр, укытучыларга мәдһия, видеоролик, шаян интермедияләр, укытучылар турында презентация, укытучыларны парта артларына утыртып дәрес укыту дисеңме... Бүгенге көн укытучылар һәм укучыларның күңелендә матур хатирә булып озак сакланачак.

Мәктәбебезнең 8нче сыйныф укучысы Әхмәтҗанов Рәсим мөмкинлекләре чикле балалар командасы составында Яшел Үзән шәһәрендә үткәрелгән БОЧЧА буенча турнирда катнашып,3 урынны яулап кайтты.Аңа киләчәктә зур уңышлар,яңа үрләр телибез.

1 сыйныф укучылары әби-бабайларын бәйрәм белән тәбрик итәләр.

             Бүген мәктәбебездә өлкәннәр декадасы башланды. 1 октябрь-Халыкара өлкәннәр көне уңаеннан ветеран укытучылар һәм өлкән  мәктәп хезмәткәрләре мәктәпнең беренчел профсоюз оешмасы җитәкчесе Муртазина Ф.С. җитәкчелегендә Арча мәдәният йортында "Җидегән чишмә" халык театры  тәкьдим иткән "Айсылуның айлы кичләре" спектаклен карадылар. Спектакльне бик яратып, җылы кабул итте ветераннарыбыз.  Шулай ук Җиңү паркындагы матурлыкка хозурланып , сокланып йөрделәр. Якташыбыз, шәхси эшмәкәр Локманов Ә.Т. ның ООО "Восточный" кафесында ветераннарыбызга сый-нигьмәтләр белән тулы чәй өстәле әзерләве бәйрәмне тагын да ямьләндерде. Өлкәннәребез табын артында сыйланып,  үзләренең күңел түрендә йөрткән хис-кичерешләре белән уртаклаштылар, шундый ял кичәсе оештырган өчен мәктәп администрациясенә һәм профсоюз оешмасына  рәхмәтләрен җиткерделәр.

На основании приказа МОиН РТ №под-9257/15 от 09.09.2015 "О проведении стартовой диагностики обучающихся при переходе из начальной в основную школу в общеобразовательных учреждениях РТ в 2015/16 учебном году" 30 октября 2015 года прошли мониторинговые исследования учебных достижений обучающихся 5 классов по материалам ГБУ "РЦМКО".

  30 сентябрь көнне мәктәбебездә ""Казан арты" тарихи-этнография музееның күчмә күргәзмәсе оештырылды. Музейның директор урынбасары Га рипов Ш.З. укучылар алдында чыгыш ясады, музей эшчәнлеге белән таныштырды, теләүчеләрне музейга экскурсиягә чакырды. Укучылар күчмә китап күргәзмәсе белән кызыксындылар, кунакларга сораулар бирделәр.