7 март көнне 5 класс укучыларының әниләре бәйрәмгә килделәр. Балалар әниләренә матур-матур шигырьләр сөйләделәр, җырлар башкардылар, күмәкләшеп татарча биеделәр. Балаларга да, әниләргә дә "Үз балаңны таны!" дигән уен бик ошады.  Бәйрәм өстәл артында чәй эчеп дәвам итте.

7 март көнне 6-7 класс кызлары арасында "Ягез әле,кызлар!" дип исемләнгән КВН булып узды. Әлеге кичәне педагог-оештыручы Гарифуллина Л.Д. үткәрде. КВН берсеннән-берсе күңелле конкурслар, җыр-биюләр белән үрелеп барды. 1 урынны - 6 класс кызлары, 2 урынны - 7 класс кызлары яулады.

7 март көнне мәктәбебезнең башлангыч класслары һәм аларның класс җитәкчеләре белән берлектә  "Әнием-күз нурым" дип исемләнгән чара булып узды. Әлеге чарага башлангыч класс укучыларының әниләре, дәү әниләре чакырылган иде. Укучылар берсеннән-берсе матур шигырьләр, җыр-биюләр, үз куллары белән ясаган бүләкләр әзерләгән иделәр. Әниләргә бәйрәм бик ошады!

7 нче мартта мәктәбебезнең 5 укучысы Арча данын яклап, Чаллыда уздырылган туризм һәм чаңгы ярышында 30га якын команда арасыннан 6 урын алып кайттылар. Менә ул укучылар: Шиһапова Таңсылу, Гыйләҗиева Ландыш, Габидуллин Нәсим, Минһаҗев Денис һәм Фатыхов Фәнис. Укучыларыбызны чын күңелдән тәбриклибез һәм уңышлар телибез!

4 март көнне мәктәбебездә Габдулла Тукай исемендәге Әтнә авыл хуҗалыгы техникумыннан килгән кунаклар-Галимҗанов Марат Рәфкатович һәм Хәсәнова Фәридә Фәритовна белән очрашу булып узды. Әлеге очрашуда 9,11 класс укучылары катнашты.

3 нче март көнне мәктәбебездә Шәриф Камалны искә алу кичәсе булып узды. Укучылар аның тормыш юлы, иҗаты белән таныштылар, презентация карадылар. Иҗатына багышлап төзелгән күргәзмә материаллары буенча фикер алыштылар.

1 март көнне мәктәбебездә "Әфган сугышы-мәңгелек яра" дигән кичә үтте. Бу кичәдә Әфган сугышында катнашкан авылдашларыбызны искә алдык. Очрашуга сугышта катнашкан авылдашыбыз Фәсхиев Гали абый килде. Ул үзенең истәлекләрен сөйләде, булачак солдат егетләребезгә киңәшләрен бирде. Вакыт табып очрашуга килгәне өчен Гали абыйга без бик рәхмәтле!