25 апрель көнне “ТАТМЕДИА” ААҖ “Чын мирас” журналы редакциясе Казан федераль университеты Идел буе төбәкара мәгариф хезмәткәрләренең квалификациясен күтәрү һәм яңадан әзерләү үзәге Теләче муниципаль районы башкарма комитеты мәгариф бүлеге оештырган “Туган ягым – яшел бишек” төбәкара фәнни-гамәли укытучылар конференциясендә, татар теле һәм әдәбияты укытучылары Гыйбадуллина Г.М., Шакирова Л.Х. катнашып,  диплом белән бүләкләнделәр. Укытучыларыбызны  уңышлары белән  котлыйбыз

24 нче апрель көнне  Габдулла Тукай мирасын  өйрәнүгә  багышланган III республикакүләм  Габдулла  Тукай укуларының  “Бүгенге  сәнгатьтә Тукай образы” номинациясендә  уңышлы  чыгыш ясаганы  өчен  Шиһапова Фирүзә  диплом  белән  бүләкләнде. Җитәкчесе татар теле һәм әдәбияты укытучысы Гыйбадуллина Г.М.. Фирүзәгә киләчәктә дә уңышлар теләп калабыз.

Акция "Всероссийский день посадки леса"

22 апреля в нашей школе состоялся круглый стол с учащимися 8-11 классов. Гости, которые приняли участие на этом собрании: Завялова Л.Н..(ответственный секретарь КДН и ЗП), Хидиятуллина А.А. (Старший инспектор ПДН  ОМВД России по Арскому району ), Давлетбаева Г.Ш. (социальный педагог КЦСОН "Центр милосердия"), Бадрутдинова А.Г. (акушерка женской консультации). 

"Казан арты" тарих-этнография музеенда мәктәпләрнең 8-10 нчы сыйныф укучылары арасында олуг шагыйрь Габдулла Тукайның туган көненә багышланган "Моңлы сазым" дип исемләнгән әдәби-музыкаль кичә узды. Әлеге кичәдә безнең мәктәптән 10 нчы сыйныф укучысы Гыйззәтуллина Гөлчәчәк катнашты. Җитәкчесе - татар теле һәм әдәбияты укытучысы Гыйбадуллина Гөлия Марсил кызы.

21 нче апрель көнне 9 һәм 11 класс укучылары, аларның әти-әниләре, район Мәгариф бүлеге методисты һәм укытучылар катнашында әти-әниләр җыелышы булып узды. Әлеге җыелышта Лилия Махмудовна Гатауллина укучылар алдында торган иң зур бурычларның берсе - дәүләт имтиханнары турында сөйләде, әти-әниләрне сынау имтиханнары нәтиҗәләре белән таныштырды. Җыелышта укыту-тәрбия эшләре буенча директор урынбасары Шиһапова Ч.Х. һәм фән укытучылары да чыгыш ясады.

19 апрель көнне башлангыч сыйныф укучылары Казан шәһәрендә урнашкан "Бөек Ватан сугышы музей-мемориалы"нда эскурсиядә булдылар. Туган илебез өчен аяусыз көрәштә үз гомерләрен биргән солдатларыбызның сугыш кырында ничек сугышканнары, нинди кораллар кулланганнары турында сөйләгәндә укучылар тын да алмый тыңладылар. Сугыш коралларын игътибар белән күзәттеләр. Чын пулемёт, блиндаж, немец самолетлары, ракета һәм Катюша машиналарын күреп таң калдылар.

Бер төркем укучылар "Әкият" Татар дәүләт курчак театры"нда кунакта булдылар. Искиткеч матур һәм тирән мәгънәгә ия булган "Ана күзләре" дип исемләнгән драма әкияте карадылар. Ана һәм бала арасындагы бетмәс мәхәббәтне чагылдыручы, әниләргә карата хөрмәт хисе тәрбияләүче әлеге әкиятне укучылар бик яраттылар.

Татар дәүләт курчак театры каршында оештырылган музейга безнең мәктәп укучылары иң беренчеләрдән булып эскурсиягә бардылар. Әлеге музей бик бай эчтәлекле. Андагы курчаклар күз явын алырлык матур һәм күп. Музейга керүгә үзеңне әкият илендә кебек хис итәсең. Мондагы матурлыктан аерыласы да килми.