7 апреля участники проекта "SaMoSтоятельные дети" в сопровождении педагога-организатора Гарифуллиной Л.Д. провели Республиканскую антинаркотическую акцию "Будь готов! Скажи, нет!". Ученики заранее выбрали место, где будет проводиться акция. Они провели с жителями села викторину "Знаешь ли ты закон?", объяснили, что любые действия с наркотиками являются уголовно наказуемыми и собрали подписи "С извлечениями из Закона ознакомлен".

7 апрель көнне Казан шәһәре муниципаль бюджет гомуми белем бирү учреждениесе  "Фатиха Аитова исемендәге татар телендә белем бирүче 12 нче гимназия" бик күп кунакларны, укытучыларны, укучыларны үзенә җыйды. Халык язучысы, күренекле драматург, җәмәгать эшлеклесе Туфан Миңнуллин истәлегенә багышланган укытучыларның һәм укучыларның I республика конференциясенең "Журналистика."Кызыл тышлы дәфтәрдән" номинациясендә 11 нче класс укучысы Сөләйманова Алсу  I дәрәҗә лауреат исеменә  ия булды. Алсуны чын күңелдән котлыйбыз, киләчәктә иҗади уңышлар телибез.

"Сәламәтлек" Спартакиадасы кысаларында оешмалар арасында авыл яшьләре катнашында (ир-егетләр) Арчада волейбол ярышлары булып узды. Әлеге ярышларда безнең мәктәп укучылары да катнашты. Алар Кенәр һәм Арча педагогия көллияте егетләреннән азга гына калышып, 3 нче урын яуладылар. Егетләребезгә киләчәктә дә уңышлар телибез!

Мәктәбебездә язгы каникул булуына карамастан, баян һәм синтезатор түгәрәге тулы көченә эшли, укучылар да рәхәтләнеп шөгыльләнәләр.

29 нчы март көнне  "Җир сәгате" акциясе булып узды, әлеге акциядән без дә читтә калмадык.  Җир планетасының киләчәгенә битараф булмаган һәркем бу көнне кичке сәгать тугызынчы яртыдан унынчы яртыга кадәр өендә утны сүндереп торырга тиеш иде.  

Мәгълүм булганча, әлеге акция Кыргый табигать дөньяара фонды тарафыннан һәр елны март аеның соңгы шимбәсендә үткәрелә. Фонд вәкилләре кешелек дөньясын, әйтик, лифт кебек тормыш өчен аеруча мөһим булмаган электр приборларыннан вакытлыча баш тартып, беразга гына булса да, җиргә якынлашырга чакыра.  

Мәктәбебездә 1 апрель - Кошларны саклау көненә багышланган чара булып узды. Аны химия һәм биология укытучысы Хасанова Л.С. оештырды. Башта укучылар кошлар турында презентация һәм видеолар карадылар, кызыклы мәгълүматлар белән таныштылар, аннары сорауларга җавап бирделәр. Чара ахырында 6 класс укучыларының егетләр һәм кызлар командалары үзара көч сынаштылар. Беренчелекне егетләр командасы яулады.

28 мартта Арчаның 1 нче номерлы мәктәбендә зона буенча мәктәп китапханәчеләренең ярышы булып узды. Безнең мәктәп укучылары да бу ярышта катнаштылар.

26 нчы мартта мәктәбебездә профсоюз оешмасының хатын-кызлар командалары арасында зона буенча волейбол ярышлары булып узды. Анда 4 команда катнашты: Курса Почмак, Сеҗе, Разъезд-Курса һәм Арчаның 2 нче номерлы мәктәбе. Әлеге ярышларда Арчаның 2 нче номерлы мәктәбе - беренче, Курса Почмак - икенче, Разъезд Курса - өченче һәм Сеҗе мәктәбе дүртенче урынны яуладылар. Районда көч сынашачак командаларга уңышлар теләп калабыз!

Безнең мәктәп "Сугыш чоры балалары" проекты буенча эшен дәвам итә. Укучылар Бөек Ватан сугышы Хезмәт ветераны - районның почетлы гражданы Шакиров Вазыйх Шакир улында кунакта булдылар.

21 нче март көнне мәктәбебездә "Хуш киләсең, Нәүрүз!" дип исемләнгән чара булып узды. Укучылар бу бәйрәмгә алдан ук әзерләнделәр: җырлар, шигырьләр өйрәнделәр, кызыклы уеннар уйладылар.Бәйрәмне 7 класс укучылары класс җитәкчеләре Фәния Данисовна һәм педагог-оештыручы Ләйсән Дамировна белән берлектә әзерләделәр. Күңелле мизгелләр "Карга боткасы" ашау һәм карачкы яндыру белән дәвам итте.