Татарстанның халык язучысы, Татарстанның Г.Тукай исемендәге Дәүләт һәм Татарстан Язучылар берлегенең Г.Исхакый исемендәге премияләр лауреаты Гариф Ахуновның тууына 90 ел (1925–2000). Мәктәбебездә Гариф Ахуновның тууына 90 ел булуны билгеләп үттек. Татар теле укытучысы Гөлия Марсил кызы укучыларны Г.Ахуновның тормыш юлы, иҗаты белән таныштырды, укылган әсәрләрне тагы бер кат искә төшереп анализладылар. Шулай ук укучылар Арча районында туып үскән башка язучылар турында мәгълумат алдылар.

2-4 класс укучылары бүген район мәдәният йортына   бардылар. Алар Минзәлә татар Дәүләт театры артистлары сәхнәләштергән " Йолдыз егет" дигән спектакльне карадылар. Спектакль бик тәрбияви, аңлаешлы. Балаларга бик ошады.

            Халыкара тынычлык көне — бу көнне бөтен илләргә сугыштан һәм ут ачудан туктарга тәкъдим ителә. Берләшкән Милләтләр Оешмасы  Генераль Ассамблеясе карары белән 21 сентябрь Халыкара тынычлык көне буларак билгеләп  үтелә.  Әлеге датаның  календарьга  кертелгәненә быел  30 ел  тулды. Тынычлык планета халкының күпчелеге өчен  тормыш чынбарлыгы булса  да, дөньяда атышларның тынып торганы  юк  әле.  Тынычлык кайбер илләрдә  яшәүчеләр өчен татлы хыял гына булып кала. Ел  саен 21 сентябрьдә билгеләп  үтелгән Халыкара   көн миллионлаган  кешеләрне тынычлык   турында  уйланырга, шул хакка  ни булса да эшләргә тырышырга  мәҗбүр итә. Мәктәбебездә дә шушы  уңайдан класс сәгатьләре үткәрелде. Без барыбызда тыныч тормышта яшәвебезгә сөенергә, тату, тыныч тормышыбызның кадерен белеп яшәргә тиешбез.

                    19 сентябрь көнне укучылар Ләлә Сәетзадовна җитәкчелегендә  бакчага өмәгә чыктылар. Алар чәчәк орлыклары җыйды, чөгендер, кишер алдылар, бакчадагы чүпләрне җыеп түктеләр. Мәктәп яны территориясе яфраклардан чистартылды, тырмаланды. Балалар көзге табигатькә хозурланып, саф һава сулап рәхәтләнеп эшләделәр.

               "Көзге игелекле эшләр эстафетасы"  акциясе дәвам итә. Бүген 6 нчы сыйныф укучылары Лилия Рафисовна җитәкчелегендә Курса Почмак авылынды ялгыз гына яшәүче  Муллаянова Вәсилә апага бардылар. Укучылар аның ишегалдын, капка төбен чүпләрдән арындырдылар. Укучыларыбыз тырышып эшләп алгач тирә-як яктырып киткән кебек булды. Вәсилә апа балаларга рәхмәтләр әйтеп, изге теләкләр теләп калды.

Барыбыз да яхшылыкка мохтаҗ,

Бу заманда бигрәк.

Яхшылыкны эшләү җиңел түгел,

Ә эшләргә кирәк!

Р.Миңнуллин.

                В нашей школе очень много доброты. Поэтому наши ученики и библиотекарь Василя Ильгизовна побывали в детском саду и показали свою доброту и ласку. Наши ученики поиграли с детьми интересные игры и выигрывшие в этих состязаниях  получили сладости.

                    5-6 нчы сыйныф укучылары Фәимә Фәимовна, Фәния Данисовна җитәкчелегендә мәктәп бакчасына эшкә чыктылар. Алар кишер, чөгендер уңышын җыеп алдылар, бакчаны чүпләрдән чистарттылар. Эш уен рәвешендә оештырылды, укучыларыбыз бер-берсенә төрле яшелчәләр турында табышмаклар әйтешә-әйтешә тырышып эшләделәр. Шулай ук укучыларыбыз арасында "Иң күп табышмак әйтүче", "Иң күп табышмакка җавап бирүче", "Иң тырыш укучы" -дигән бәйге дә игълан ителгән иде. "Иң күп табышмак әйтуче"- Исламов Азат, "Иң күп табышмакка җавап бирүче"- Фәттахова Адилә, "Иң тырыш укучы"- Хөснетдинов Инсаф җиңүче булды. Эшне уен белән бәйләп алып баргач күңел дә күтәрелеп китте, эш тә вакытында тәмамланды.

Мәктәбебездә укучылар белән олимпиадаларга әзерлек эше бара. Максатыбыз - җиңүләр яулау! Шушы максатка ирешү өчен укучыларыбыз да, укытучыларыбыз да тырышып, бар көчен биреп эшли. "Бүләк зур булмас,  укыган кеше хур булмас"- диләр. Укучыларыбызга, укытучыларыбызга  уңышлар!

Укучыларыбыз " Белем көне" интеллектуаль викторинасында актив катнаштылар. 4 класс укучысы Вәлиев Рөстәм һәм Әхмәдуллина Диана III дәрәҗәдәге, ә 2 класс укучысы Хәбибуллин Самат   II дәрәҗәдәге дипломга лаек булды. Котлыйбыз сезне укучылар!