Бүген лагерь мәш килә. Аппликация төрләре белән танышу, белгәннәрне искә төшерү, " Кемнеке матуррак" конкурсында катнашу һәр баладан тырышлык сорый. Һәр бала да мозаик аппликация ясады. Аппликацияләрдән күргәзмә оештырдык. Төштән соң саф һавада хәрәкәтле уеннар күңелебезгә хуш килде.

12 июнь Курса Почмак авылы халкы өчен зур бәйрәм булды. Бу барлык авыл халкының  тырыш хезмәте нәтиҗәсе.  Ике ай ярым элек кенә " Ак Барс агрокомплексы " ширкәте  җитәкчесе  Шәйдулла Сәлахов  һәм район башлыгы Илшат Нуриев иске клубны яңарту турында сөйләштеләр. Һәр якшәмбе,бәйрәм көннәрендә авыл халкы өмәгә чыкты. Бухгалтерия, мәктәп хезмәткәрләре ярдәмгә килде. 

Клуб ачылганнан соң халык игътибарына тәкъдим ителгән концерт сәнгатькә гашыйк талантлы яшьләрнең күп булуын күрсәтте.

12 июнь -Россия көне. Ул һәр елның 12 июнендә үткәрелә торган рәсми дәүләт бәйрәме Бу көн 1994 елны Россиянең беренче президенты Борис Ельцин тарафыннан тәкъдим ителә. Баштарак бу бәйрәм Бәйсезлек көне дип аталса, соңрак – 2002 елны аның исемен гадиләштереп Россия көненә үзгәртәләр. Акчарлак лагерында да бу бәйрәмне даими бәйрәм итәбез. Россия турында викторина, асфальтка рәсем ясау бу бәйрәмне тагын да ямьләндерде.

Отрядларыбыз арасында талантлар эзләү көне бүгенгә билгеләнгән иде. Һәр отряд зур әзерлек белән катнашты. Талантның бер өлеше тумыштан, Тугыз өлеше тырышлыктан. Бу мәкальнең дөрес икәненә без ышандык.

Бүген вожатый апаларыбыз белән бисердан чәчәкләр үреп  карарга булдык. Уйлап-уйлап утырганнан соң миләүшә ясарга булдык. Чәчәкләребез матур килеп чыкты. Үз эшеңә соклану никадәр куаныч китерә.

Тиздән бездә Сабантуйлары. Лагерыбыз балалары белән бүген бүләк җыярга чыктык. Рәхәт һәм күңелле булды.

Сабантуймы,

Сабантуй – Уеннар туе бит ул,

Тәм-томнар сые бит ул,

Җиңүләр уе бит ул.

Казанга сәяхәтебезне  көтеп алдык.  Безнең хакка көн дә яңгырсыз булды. Электричка, метроларда йөрү үзенә күрә бер рәхәтлек бирсә, кинотеатрга кереп кино карау тагын да кызыксындыра. Юл йөрү кагыйдәләрен бозмыйча , исән-сау өебезгә кайттык.

Әкиятләр нинди була?

Әкиятләр батырлар:

Бар бит анда ак аюлар,

Көчле Камыр батырлар

Йөгерештә Җилаяклар,

Чакмый торган Чаяннар

Серле,кызык әкиятләрне

Тыңларга бик яратам.

Әкият сөйләгәннәрен

Көн саен көтеп алам.

Бүген лагерыбызда әкият көне үтте. Отрядлар әкият геройларын тану, рәсемнәр ясау, әкиятләр сәхнәләштерү белән шөгылләнделәр. Әкият көнебез бик мавыктыргыч үтте.

План- сетка буенча бүген " Хәзинә эзләү" уены булды. Һәр отряд маршрут нигезендә хәзинә эзләде. Алар үзләренең бар көчләрен, белемнәрен кулланырга тырыштылар. Оба-На отряды әз генә өстенлек белән 1 урын алды. Киләчәктә дә уңышлар сезгә, балалар!