Наласа авылы  мәдәният  йортында  капиталь  ремонт  төгәлләнде. 12 нче  гыйнвар  көнне  шул хөрмәткә  бәйрәм  концерты  оештырылды.  Әлеге  чарага  Арча  муниципаль  районының  хакимият   башлыгы  Нуриев И.Г. та  килгән  иде. Ильшат Габделфәртович  авыл  халкына  үзенең  изге  теләкләрен    җиткерде.  Концертта  укытучылар  һәм укучыларыбыз  да  бик  матур  чыгыш  ясадылар.

Бүген Арча шәһәрендә үткәрелгән кызлар волейбол командалары ярышында безнең мәктәбебез кызлар волейбол командасы да катнашты. Кызларыбыз бик тырышып уйнадылар, молодцы!!!

Укучыларыбыз  кышкы  каникул  көннәрен  күңелле  һәм  файдалы  итеп  үткәрә. Әти- әниләре  белән төрле  мәдәни  чараларга  йөриләр.

28 декабрьдә районның сәләтле балалары район башлыгы Илшат Нуриев белән очрашты. Очрашуда 11 класс укучысы Габдрахманов Рафил катнашты. Укучылар район, мәктәп, яшьләр тормышына кагылышлы сораулар бирделәр. Аларны район башлыгының шәһәрдә яшьләр өчен нәрсә төзергә яки үзгәртергә планлаштыруы да, югары уку йортын тәмамлап туган районына кайтырга теләүчеләр өчен эш урыннары булдыру мәсьәләсе дә кызыксындырды. Кайбер кечерәк авылларда яшьләр өчен ял итү мөмкинлекләренең чикле булуы турында да сүз кузгаттылар. Иҗат белән шөгыльләнүче укучы яшьләр өчен районда вакытлы матбугат булдыру, яшьләр тапшыруларын киңәйтү максатыннан Арча телевидениесенең эфир вакытын озынайту турында да сөйләштеләр. Илшат Нуриев аларга төгәл җаваплар бирде.