Бүген  мәктәбебездә  педсовет  үткәрелде.Көн  тәртибе  буенча  түбәндәге  мәсьәләләр  каралды:

1."Сәламәтлек-  зур  байлык."  Төхфәтуллин И.Р. чыгышы.

2. 3нче  чирек  нәтиҗәләре. Класс җитәкчеләре  чыгышы.

3.3 нче  чирек нәтиҗәләре  буенча  уку- укыту  буенча  директор  урынбасары  Мифтахова  Л.Р. чыгышы

Бүген  Түбән  Мәтәскә урта  мәктәбендә укытучылар  өчен Сингапур  методикасы  буенча укулар  оештырылды. Район  мәгариф  бүлеге  методисты Гатауллина  Л.М. җитәкчелегендә укытучылар, методистлар сингапурча укытуның асылына  төшендерделәр. Әлеге  укулар  алга  таба  дәресләрне кызыклы  үткәрү өчен  бик  файдалы  булачак.

Бердәм  дәүләт  имтиханнарына  әзерлек  каникул  чорында  да  дәвам  итә. 9-11  класс  укучылары  өчен консультацияләр  расписание  буенча  үткәрелә.

Бүген мәктәбебездә  3 нче  чирек нәтиҗәләре  буенча  ата-аналар  җыелышы  үткәрелде. 9-11  сыйныфлар  өчен  аеруча  җаваплы  чор  җитә, БДИ ны уңышлы  тапшыру  буенча  әлеге классларда   аерым фән  укытучылары  белән  сөйләшү  булды.  Җыелышта  шулай ук  авылыбыз  фельдшеры  Зарипова  Р.И  да  катнашты. Ул   әти-әниләргә  "Туберкулез авыруын  кисәтү."  темасына чыгыш ясады

Бүген 3 нче  чирекнең соңгы  көне. Укучыларыбыз  21  марттан -29нчы  мартка  кадәр  язгы  каникулга китәчәкләр. Укучыларга  куркынычсызлык  һәм  юл  йөрү кагыйдәләре  яхшылап  аңлатылды. 

Якташыбыз  Г.Тукайның  130  еллыгына  багышлап  районыбызда  бик  күп  чаралар  уздырыла. Өчиле  мәктәбендә  узган  шундый  чараның  нәтиҗәләре  мәктәбебез  өчен  аеруча  куанычлы. Баянчылар  конкурсында  6 нчы  класс  укучысы  Мифтахов  Рәнис  III  урын, өлкәннәр  арасында  ТИН  укытучысы  Габдрахманов  Камил  Әдһәм  улы  I  урын  яуладылар. Аларны  җиңүләре  белән  котлыйбыз!

Бүген  мәктәбебез  укучылары  "Арча  балы"  бию  конкурсында  катнаштылар. Уңышлы  чыгыш  ясап,  " Иң  яхшы  башкару  техникасы"  номинацясендә  җиңүче  булдылар.

Бүген  мәктәбебездә  1  нче класс  укучыларының  "Әлифба  бәйрәме"  узды. Балаларны  котларга  әниләре, 2-4 нче  классларда  укучы  дуслары  килгән  иде. 1 нче  сыйныф  укучылары   кунакларны  бик  матур  чыгышлары  белән  сөендерделәр.

Районыбызда  Г. Тукайның  130  еллыгына  багышланган  чаралар  дәвам  итә. Кичә  6 нчы  класс  укучылары  Гафурова  Азалия  һәм  Төхфәтуллина  Зөлфинә  Арча  сәнгать  мәктәбендә   узган  музыка  уен  коралларында  уйнаучылар  конкурсында  уңышлы   чыгыш  ясап  кайттылар.

Мәктәбебез укучылары  Г.Тукай  әсәрләре  буенча  рәсемнәр  ясадылар, әкиятләренә, шигырьләренә иллюстрацияләр, кулдан  эшләнмәләр  ясадылар.