Бүген безнең мәктәптә 5 нче класс укучылары һәм аларның ата-аналары белән берлектә "Әти, әни һәм мин-спорт сөюче гаилә" исемле бәйрәм үткәрелде. Бәйрәмне класс җитәкчесе Нәбиуллина Г.Р., физик тәрбия укытучысы Җәләлиев И.И. оештырды. Укучылар һәм ата-аналар белән оештырылган әлеге бәйрәмдә спорт ярышлары да булды, концерт номерлары да куелды. Югары класс укучыларыннан торган хөкемдарлар ярышның һәр этабын тиешле югарылыкта бәяләп бардылар. Укучылар да, ата-аналар да бик актив булдылар. Мәктәп тарихы битенә шушындый ямьле дә , файдалы да булган тагын бер көн өстәгәннәре өчен, бар катнашучыларга да рәхмәтебезне җиткерәбез.

Бүген 9-11 нче класс укучылары арасында биатлон ярышы уздырылды. Җиңүчеләр 6 нчы мартта булачак укучыларның гомуми җыелышы вакытында игълан ителәчәк.

Башлангыч класс укучылары әниләрен котларга хәзерләнә. Алар үз куллары белән менә нинди эшләнмәләр ясадылар. Бу кулдан ясалган матур чәчәкләргә балаларның да, класс җитәкчеләренең дә йөрәк җылысы салынган.

Патриотик тәрбия айлыгына йомгак ясыйбыз. Бүген 6,7,8 нче класс укучыларыннан төзелгән егетләр командалары көч сынашты. Әлеге чараны оештыручылар - 10 нчы класс укучылары. 6, 7 нче класс егетләренең көчләре тигез булды. 

Бүген татар теле һәм әдәбияты укытучылары ачык дәресләр  күрсәттеләр:

-7 нче класста “Татар телен беләсеңме?” исемле  командалар арасында ярыш дәрес(Муллагалиева Г.Н.);

-6 нчы класслта “Тамчы - шоу” интеллектуаль уен дәрес(Габдрахманова Н.Ш.);

-5 нче класста “Туган телем-татар теле” уен дәрес(Нәбиуллина Г.Р.).

 21 февраль- туган тел көне буларак билгеләп үтелә. Әлеге уңайдан  Мөндеш башлангыч мәктәбендә  күп кенә чаралар узды. Иртән һәр сыйныфта туган телебезгә багышланган "Туган телем-иркә гөлем" дип исемләнгән әңгәмәләр үткәрелде. Дәресләрдән соң 2-4 нче сыйныф укучылары арасында "Үз телеңне беләсеңме?" исемле викторина да  оешкан төстә үтте. Атналыкны йомгаклап,  «Туган телем-Тукай теле!» дип аталган музыкаль кичә уздырылды. Кичәбезнең максаты: ана теленең бөеклеген, газизлеген күрсәтеп, туган телне ихтирам итү хисе тәрбияләү.

 Киләчәктә дә укучыларга туган телебезнең  бетмәс-төкәнмәс хәзинәләрен, серләрен  ача, телебезнең моңлы, чыңлы авазларын ишеттерә алсак иде!

В МБОУ "Нижнеметескинская СОШ" с активистами РДШ была проведена акция, посвященная Дню защитников Отечества. Сначала учащиеся приготовили  предметы быта и досуга членов своей семьи,  прошедших срочную или профессиональную службу (дембельские альбомы, предметы  быта, музыкальные инструменты т.д.). Во время классного часа школьники рассказывали одноклассникам об истории своего защитника Отечества и демонстрировали предметы его быта.

Бүген башлангыч класс укучыларының аталары белән берлектә бәйрәм алды чарасы үткәрелде. Ватанны  саклаучылар көне уңаеннан үткәрелгән әлеге кичәдә әтиләр дә бик тырышты. Алар балаларга кушылып җырладылар да, биеделәр дә, уйнарга да өлгерделәр. Укучыларыбызның әтиләр хөрмәтенә әйтелгән матур теләкләре, кулдан ясалган бүләкләре бәйрәмгә ямь бирде. Озынайтылган көн группасы җитәкчесе Сәгъдиева Х.К.. әзерләгән әлеге чара мәктәп тарихы битенә тагын бер көнен өстәде.