Бүген бездә агач утырту көне булды. Бу эштә бигрәк тә мөндеш башлангыч мәктәбе коллетивы актив булды

Бүген  Г.Тукайның туган көнен искә алдык. Башлангыч, 5-8 нче класс укучылары белән "Театр яктылыкка-нурга илтә..." исеме астында чара оештырылды. 9-11 нче класс укучылары "Башваткыч" уенында катнашты. Көн дәвамында бар укучыларыбыз, укытучылар милли киемнәрдә булдылар. Көн файдалы да, үзенчәлекле дә үтте. Класс җитәкчеләребез, педагог-китапханәче Нәбиуллина Г.Р. -га чараларны оешкан төстә алып барулары өчен рәхмәтебезне җиткерәбез.

Изге эшләрне кайчан да башкарырга соң түгел. Безнең мәктәптә дә атналык уңаеннан күп эшләр башкарылды. "Тирә-ягыбызны чиста булсын!" акциясе,, Һәйкәлләрне карап тотыйк"акциясе,"Сәламәт булыйк!" акциясе, экология дәресе, "Бөтендөнья китап көне" акциясе, "Ветераннар һәрчак безнең янда" акөияләре барыбыз өчен дә файдалы узды.

Бүген бездә лаеклы ялдагы укытучы Фазылҗанова Н.М. 5 нче класс укучылары өчен "Гомер безгә изге эшләр өчен , яхшы эшләр өчен бирелгән" темасына тәрбия дәресе күрсәтте. Наимә Мәхмүтовна укучыларда  шәфкатьлелек хисләре тәрбияләүне, тирә-ягыңдагыларга карата ярдәмчел булуны максат итеп куйган иде. Укучыларыбыз әлеге дәрестә тәрбияле кешегә хас төп сыйфатларны билгеләделәр. Темага кагылышлы проблеманы хәл иткәндә,  халык авыз иҗаты үрнәкләренә, күренекле татар язучыларының әдәби үрнәкләренә мөрәҗәгать иттеләр. Укучыларыбызга шушындый тирән эчтәлекле дәрес күрсәткәне өчен, ветеран укытучыбызга рәхмәт җиткерәбез.

   25 нче апрельдә  «Казан арты» тарих-этнография музеенда «Моңлы сазым» дип исемләнгән әдәби-музыкаль кичә узды.  Анда Арча, Балтач, Кукмара, Биектау, Теләче районнарыннан килгән 10 сыйныф укучылары чыгыш ясады. Түбән Мәтәскә мәктәбенең 10 нчы сыйныф укучысы Гаффарова Әнисә Тукайга багышлап язган “Тукай ядкәрләре” шигыре белән шул конкурста катнашты һәм диплом белән бүләкләнде.

    Арча 3 нче номерлы мәктәбендә “Тукай –безнең йөрәкләрдә” дип исемләнгән Тукай шигырьләрен сөйләү конкурсы узды. 6 нчы сыйныф укучысы Сабирова Азалия анда уңышлы чыгыш ясап кайтты.

Бүген бездә "Җирле үзидарә органнары эшчәнлеге турында ниләр беләбез?" исеме астында  класс сәгатьләре узды

  Әдәби иҗатын  тулысынча  балалар шигъриятенә багышлаган каләм иясе Йолдыз Шәрәповага 10 нчы апрель көнне 55 яшь тула. Аның балалар психологиясен нечкә тоеп, дөньяны танып, кабул итүдә бала аңындагы аерым үзенчәлекләрне аңлап, үз күңеле аша уздырып, йөгерек тел белән язган шигырьләрендә юмор да, гыйбрәт тә, моңсулык та табигый рәвештә бергә үрелеп бара.Күп кенә шигырьләре дәреслеккә дә  кертелгән. Шуны истә тотып Мөндеш башлангыч мәктәбе укучылары китапханәче Миләүшә Нургалиевна белән берлектә шагыйрә иҗатын, шигырьләрен өйрәнеп, “Күңел кыңгыраулары ни сөйли?” дигән темага викторина үткәрде. Нәтиҗәдә, “Колаклы коймак”лар командасы җиңү яулады.