Арча муниципаль районы “Казан арты” тарих-этнография музее Сталинград сугышының 75 еллыгына багышлап “Сталинградчы батырлар” кичәсе оештырды. Бу кичәдә районыбыз хәрбиләре, укучылар катнашты. Яңа Кырлай мәктәбенең тарих укытучысы Шиһапова Гөлгенә Хәсбиулла кызы кичәдә катнашучыларны сугыш юлын Сталинград фронтында башлап Берлинга кадәр барып җитеп җиңү белән туган авылына әйләнеп кайткан якташыбыз Зарипов Мансур Зариф улының сугышчан юлы белән таныштырды. Бу чара яшь буында ватанпәрвәрлек, сугыш чоры кешеләренә , ветераннарга карата ихтирам хисе тәрбияләүгә бер мисал булып тора.

Бөек Ватан сугышы барышында Сталинград көрәше (19.11.1942-02.02.1943) тамырдан борылыш булып тора.Сталинград сугышы тәмамлануга 75 ел уңае белән ОБЖ укытучысы Хәбриев Ш.С. укучыларга "Беркем дә онтылмый, бер нәрсәдә онытылмый" дигән чара уздырды.

Хезмәттәшебез Эльмира Алис кызын  гомер бәйрәме – юбилее белән чын күңелдән тәбрик итәбез. Сиңа гомернең иң озынын, бәхетнең иң зурысын, шатлыкларның иң олысын юллыйбыз. Якты ал таңнар, зәңгәр күкләр синең күңелеңне һәрчак яктыртсын, балкытып торсын. Таң җилләренең назлысы, җан тынычлыгы, чиксез бәхетләр, эшеңдә зурдан-зур уңышлар, яхшы күтәренке кәеф юлдаш булсын сиңа. Бөтен гомереңне, көчеңне кешеләр бәхете өчен биргән гүзәл зат буларак эчкерсезлегең, ихласлыгың, ягымлылыгың белән кешеләр күңелен яуладың. Һәрвакытта да шулай шат, көләч йөзле, изге күңелле булып кал. Алга таба да шатлыкта, куанычта, бәхеттә яшәргә язсын сиңа!

Узган елларың, үткән юлларың…
Күпме чәчәкләр үскәннәр анда?
Уйларың матур, күз карашыңдай
Чем-кара чәчләр әле һаман да.

Хезмәтең хөрмәт җимеше биргән,
Уңыш ачкычын тапкан кеше сез.
Яшьлекнең үзен сүрелдермичә,
Гасыр буена саклар төсле сез.

Булсын ул илле, тулсын ул илле…
Бәхет бизәсен якты күңелеңне.
Яшәү ялкының сүнә белмәсен.
Җырлап каршы ал тагын иллене.

Озынайтылган көн группасында укучылар дәрес әзерләү белән беррәттән, ялларын да файдалы уздыралар. Саф һавдв йөриләр, төрле уеннар уйныйлар. Бигрәк тә ясалма таудан шуарга бик яраталар.

Бүген мәктәпкә Яңа Кишет, Өчиле, Яңа Кырлай мәктәпләреннән 9 класс укучылары математикадан сынау имтиханы бирергә җыелды.

27 гыйнвар тарихи вакыйгаларга бай: Бөтендөнья Холокост корбаннарын искә алу көне, Россиянең сугышчан дан көне һәм Ленинград блокадасын тулысынча өзүгә 74 ел тулган көн... Тарих һәм җәмгыять белеме укытучысы Шигапова Г.Х. бүгенге батырлык дәресен Ленинград блокадасына катнашкан совет кешеләренең сугышчан һәм рухи батырлыкларын күрсәтүгә багышлады. Бөек Ватан сугышы чорында Ленинград оборонасында катнашкан авылдашларыбыз турында мәгълүмат бирде.