Акциянең 6 нчы көне.  Укучылар, укытучылар, техник хезмәткәрләр бергәләшеп мәктәп бакчасын, территориясен тәртипкә китерделәр. Аннан соң алар “Изгеләр чишмәсе” тирә-яягын чистарттылар

6 нчы класс укучылары 1 майга карата бәйрәм кичәсе әзерләделәр. Кичәгә әти-әниләр, укучылар җыелды.Кичәне класс җитәкчесе Нуриева Т.Г. әзерләде. Укучыларның чыгышларын көчле алкышлар белән каршыладылар һәм аларга үзләренең рәхмәтләрен белдерделәр.

5-7 класс укучылары арасында “Табигать безнең тирә-ягыбызда” дип аталган рәсем конкурсы үтте. Укучыларыбыз бу конкурста актив катнаштылар, табигатькә карата үзләренең фикерләрен рәсемнәрендә күрсәтә алдылар.

Башлангыч класс укучылары бүген табигать  кочагына экскурсия ясадылар. Алар анда агачларның яшәрүен күзәттеләр, җылы яктан кайткан кошлар тавышын тыңладылар.Алар табигать белән хозурланып кына калмадылар, ә чистарту эшләре дә алып бардылар.7 нче класста “Табигать һәм без” дигән темага класс сәгате үтте. Алар хәзерге экологик хәл турында фикер алыштылар

Бүген экологик акциянең икенче көне. Бу көнне һәр класста класс сәгатьләре узды. 9 класс җитәкчесе Зәкиева Г.Х  класс сәгатен “Чернобыль катастрофасына” карата үткәрде. Шулай ук,  башка классларда да әңгәмәләрнең темалары  хәзерге заманда экологиянең торышы турында булды: “Кызыл китап нәрсә турында сөйли?”, “Безнең йортыбыз-табигать” һ.б.лар. Класс җитәкчеләре балаларны авылыбыздагы чишмәләрнең торышына, авылның, табигатнең чисталыгын саклауга аеруча  игътибар итәргә чакырды.

ТЕЛЕФОН  ДОВЕРИЯ

   В Республике Татарстан функционирует единый общероссийский  телефон доверия для детей, подростков и родителей, позвонив по которому , каждый ребенок, подросток, родитель может получить анонимную квалифицированную помощь и поддержку. Звонок является бесплатным.

8-800-2000-122

    Татарстан Республикасында гомумроссия ышаныч телефоны эшли . Бу телефон буенча һәр бала, яшүсмер һәм ата-ана аноним рәвештә квалификацияле психологик ярдәм ала ала. Шалтырату бушлай.

Бүген экологик акциягә старт бирелде. Башлангыч класс укучылары “Табигать безнең тирә-якта”- дип аталган викторина үткәрделәр. Алар урманда яшәүче җанварлар, кошлар турында белемнәрен тирәнәйттеләр. Шулай ук табигатьтә үз-үзеңне дөрес тоту кагыйдәләрен искә төшерделәр, кыргый хайваннар турында хикәяләр яздылар. Югары класс укучылары  авылыбыз чишмәләрен даими чистартып торалар. Бүген дә алар “Изгеләр чишмәсе” дип йөртелгән чишмә тирәсен чистартуда катнаштылар

23 апреля в Гимназии №7 Ново- Савиновского района г. Казань прошел заключительный тур XIV Республиканской конференции имени Л.Н.Толстого. Ученица нашей школы Хайрутдинова Лилия успешно выступила с работой "Живите, родники, живите!" и завоевала 1 место. Поздравляем!!

“Георгиевская ленточка”  бөтенроссия акциясенә безнең мәктәп укучылары һәм укытучылары да кушылды. Алар һәрберсе георгий ленталарын тагып, акциягә карата  үзләренең мөнәсәбәтләрен күрсәттеләр. “Обелиск” акциясенә кушылып, авылыбыздагы обелиск тирәсен тагын бер кабат чистартып чыктылар. Бүген “Мәрхәмәтле Татарстан” һәм “Спортчыл Татарстан “ акцияләренә йомгак ясалды. Иң актив укучыларга рәхмәт белдерелде.

Бу көнне мәдәният йорты гөрләп торды. Чөнки анда Хәсәншәех төп мәктәбе укучыларының “ Мәрхәмәтлелек ярминкәсе” узды. Укучылар ярминкәдә сатар  өчен алдан ук икенчел чималдан төрле эшләнмәләр ясадылар, төрледән-төрле ризыклар пешереп алып килгәннәр иде. Ярминкәдә укучыларның әти-әниләре дә катнашты. Соңыннан укучылар  Г.Тукайның 130 еллыгына багышланган кичә күрсәттеләр.