Бу атнада  укучыларыбыз районда оештырылган "Көзге фьюжен" чарасында катнашып кайттылар. Анда алар төрле станцияләр буйлап сәяхәт ясадылар, үз белемнәрен бәяләделәр. Үз яшьтәшләре белән аралаштылар, яна дуслар таптылар. Бәйрәмнән бик шатланып, рухланып кайттылар. Бу чараны оештыручыларга бик зур рәхмәтләребезне җиткерәсебез килә.

Безнең кадерле, хөрмәткә лаеклы кешеләребезнең- Әниләребезнең  бәйрәме якынлашып килә. Әни, әнкәй... Шатлыкларыбызны уртаклашучы, тормышыбызның бизәге, таянычы, акыллы уй-фикерләр белән тормыш дигән олы юлдан алып баручы. Кадерлеләребезне бәйрәмнәре белән котлап, Хәсәншәех мәдәният йортында зур бәйрәм концерты куелды.Балалар үзләренең әниләрен котлап матур җырлар, дәртле биюләр башкардылар. Берсеннән-берсе матур нәфис сүзләр белән концерт дәвам итте. 9 класс укучылары Гүзәл Тарханованың  "Ирек маҗаралары" фантастик әсәрен тәкъдим иттеләр. Әниләр һәм килгән кунаклар  тарафыннан  укучыларның чыгышлары җылы кабул ителде.

Балалар спортны яраталар. Дәрестән тыш эшчәнлек буенча уздырыла торган спорт түгәрәген балалар, яратып йөриләр. Анда алар төрле гимнастик күнегүләр башкаралар, яңадан -яңа  спорт уеннары белән танышып, үзләренең җитезлекләрен арттыралар, сәламәтлекләрен ныгыталар.

Җир өстенә ап-ак карлар ява, көннәр салкын. Безнең канатлы дусларыбызга авыр вакытлар якынлаша. Без аз гына булса да аларга ярдәм кулы сузып, җимлекләр ясап эләргә кирәк дигән карарга килдек. Рәхим итегез, дусларыбыз! Безнең ашханәләребез сезнең өчен ачык.

22 ноябрь көнне Арча шәһәрендә "Учитель года" конкурсының район туры узды. Безнең мәктәптән зона буенча җиңеп чыгып, район турында башлангыч класслар укытучысы   Тазиева Г.С. катнашты. Ул анда бөтен сынауларны да узып, "Магистр знаний" номинациясе буенча җиңүчесе булды. Котлыйбыз сезне!

20 ноябрь көнне Казанда Рөстәм Бикмуллин исемендәге 15 Республикакүләм "БикаФест" фестиваленең гала-концерты узды. Фестивальнең быел юбилей елы- ул 15 нче тапкыр оештырылды. Гала-концерт Казан федераль университетының Лев Толстой исемендәге Филология һәм мәдәниятара багланышлар институтының концертлар залында үтте. Фестивальдә катнашырга теләк белдереп 200 дән артык гариза кабул ителгән, шуларның 125 се үз чыгышларын жюри әгъзаларына күрсәтте. "Шигърият" юнәлешендә мәктәбебезнең 6 класс укучысы- Хабибуллин Надир гран-прига лаек булды. Надир, син молодец! Котлыйбыз сине, чын күңелдән! Киләчәктә дә уңышлар телибез!

 19 ноябрь көнне узган гер күтәрү ярышында, үз авырлыклары буенча- безнекеләр  җиңүчеләр. Молодцы!

"Мин тормышн сайлыйм! дип исемләнгән  тема астында әңгәмә-диспут үтте. Анда  9 класс укучылары үзләре әзерләгән презентацияләр аша әңгәмә оештырдылар.

14 нче ноябрьдән 23 нче ноябрьгә кадәр "Үлемне кайда сатуларын хәбәр ит!" россиякүләм  антинаркотик акциясе старт алды. Мәктәбебез дә әлеге акциягә кушылды.  "Үз тормышыңны куркыныч астына куйма" девизы  астында  укучылар өчен  күргәзмә оештырылды. Укучылар зур кызыксыну  белән материалларны  укыдылар, өйрәнделәр, үзләренә күп кенә мәгълүмат  тупладылар.

15 ноябрь көнне математика фәне буенча, Арча шәһәрендә, район туры  олимпиадалары  башланып китте. Уңышлар сезгә.