"#Экояз- 2018" икеайлыгы кысаларында мәктәбебездә "Кошлар- безнең дусларыбыз" исеме астында дәрестән тыш чара узды. Чараны биология укытучысы Юсупов Р. К. үткәрде. Ул балаларга төрле кызыклы биремнәр әзерләп, аларны ике командага бүлеп уйнатты. Ярыш бүләкләүләр белән тәмамланды.

Мәктәбебездә "#Экояз-2018"  икеайлыгы кысаларында "Без- табигать дуслары" исеме астында экология дәресе үтте. Дәресне башлангыч сыйныф укытучысы Вәлиева Гөлсинә Солтангали кызы үтә дә кызыклы, мавыктыргыч итеп, җиренә җиткереп үткәрде. Балалар төрле станцияләр буенча сәяхәт кылдылар, кызыклы сорауларга җавап бирделәр, катлаулы биремнәр үтәделәр. Табигатьне сакларга кирэклеге турында белемнәр алдылар. Дәрес бик файдалы һәм нәтиҗәле булды.

Бүген мәктәптә  "Туберкулезны кисәтү чаралары" исеме астында ата-аналар җыелышы үтте.Ата-аналарга бала организмын кечкенәдән чыныктыру кирәклеген искәртелде, шулай ук авыруның беренче билгеләре белән таныштырылды.Язгы каникул вакытында укучыларның  психик,физик сәламәтлекләрен саклау йөзеннән куркынычсызлык  техникасы инструкциясе белән ата-аналар  таныштырылды.

Мәктәбебез укучылары "Инглиз телендә, немец телендә  сөйләшәбез, җырлыйбыз" муниципаль фестивалендә катнашып, уңышлы гына чыгыш ясадылар. 6 нчы сыйныф укучысы Хәлиуллин Р. "Шигырь" номинациясендә катнашты. 2,4 сыйныф укучылары  "Җыр" номинациясендә 3 урын, 6,7 сыйныф укучылары "Җыр" номинациясендә 2 урын,. 7 сыйныф укучысы  "Шигырь" номинациясендә 3 урын яуладылар. Җиңүчеләребезне кайнар котлыйбыз һәм яңа иҗади уңышлар теләп калабыз! Афәрин сезгә!

Районкүләм бәйгедә мәктәбебездән 6 нчы сыйныф җитәкчесе катнашты.Ул  уңышлы чыгыш ясады.Без аны кайнар котлыйбыз,аңа киләчәктә дә уңышлар  теләп калабыз.

Бүген мәктәптә  укучылар һәм ата-аналар психологик-педагогик үзәк хезмәткәрләре белән Очрашуы булды.Алар ата -аналарга укучы балаларны рухи һәм психик яктан сәламәтлекләрен саклау максатыннан профилактик әңгәмә ;ә укучылар белән исә, тренинг үткәрделәр.