«Дәресләрдә укучыларның мотивацион сферасын устерү буенча эш төрләре. Педагогик технологияләр» исеме астында чираттагы педагогик киңәшмә утырышы булды. Киңәшмәдә 2 нче чиреккә нәтиҗәләр ясалды, 3 чиреккә бурычлар куелды.һәм башка актуаль мәсьәләләр каралды.

Безнең мәктәп укучылары  математика, әйләнә-тирә, рус теле фәннәреннән оештырылган "Найди ошибку ", туган тел(татар теле) фәненнән "Татарча хатасыз" исеме астында үткәрелгән республика олимпиадаларында актив катнаштылар. 4 нче сыйныф укучысы Гатин Р. Р. әйләнә-тирә һәм туган тел(татар теле) фәннәреннән призер булды. 

Тиздән Яңа ел җитә! Бүген дәрестән соң укучылар кардан сыннар ясадылар,үз хезмәтләренә сокланып  шатландылар.

Авыл мәдәният йорты китапханәчесе Гарипова Г.С. җитәкчелегендә  “Ришвәтчелеккә без "Юк!" дибез”исеме астында дәрестән тыш чара үтте. “Коррупция коррозиягә тиң. Тутык металлны ничек ашаса, коррупция җәмгыятьнең әхлакый нигезләрен шулай тарката”,-ди китапханәче... Укучылар  кызыксынып китапханәче  сөйләгәнен тыңладылар.

12 декабрьдә, Россия Федерациясе Конституциясе көнендә мәктәптә "Ватан нидән башлана?" дип аталган темага класстан тыш чара үткәрелде. Укучылар Конституция дәүләтнең төп законы, анда кагыйдәләр язылган булуын, Россия халкының шушы кагыйдәләр нигезендә яшәве турындагы белемнәрен ныгыттылар.

Буген “Минем бурычларым һәм хокукларым” исеме астында укучылар рәсемнәр ясадылар

3 декабрь - Халыкара инвалидлар көне. Кызганыч, мөмкинлеге чикләнелгән кешеләр саны илебездә елдан ел артканнан арта бара ... Инвалидлар көне якынлашу уңаеннан  укучылар  төрле гаиләләргә барып, хәлләрен белделәр, концерт куйдылар.

Укучыларның Район Советы утырышы булды. Укучылар  бу уку елына бурычлар белән, укучылар оешмасы структурасы белән таныштылар.Әлеге утырышта безнең мәктәптән дә укучылар актив катнашты.

Көзге уңышларны җыеп алу белән мәктәптә "Көзге бал" үткәрелә.Укучылар бәйрәмне көтеп алалар,үзләренең белем һәм күнекмәләрен кичәдә оста итеп куллана беләләр.Бүген мәктәптә Көзге бал оештырылды.

Балалар катнашында юл-транспорт фаҗигаләрен булдырмау һәм балаларның көзге каникуллары вакытында аларның куркынычсызлыгын тәэмин итү максатында 31 октябрьдән 7 ноябрьгә кадәр «Көзге каникул» дигән профилактик акция үткәрелә. Шул масаттан ЮХИДИ  хезмәткәре белән  укучыларның  Очрашуы үтте.