« Мин татарча сөйләшәм” хәрәкәтенә кушылып, мәктәптә ункәнлек үткәрелде. Укучыларга бу хәрәкәтнең тарихы, әһәмияте аңлатылды. “Татар дозор”  юнәлешендә билгеләнгән укучылар, элмә такталарны, дәфтәргә язылган адресларны тикшереп чыктылар.  Бу хәрәкәтне пропагандалап, рәсемнәр ясадылар.  Бишенче , җиденче класс укучылары белән  татарча иң дөрес сөйләшүчеләр бәйгесе оештырылды. (Укытучылар  Нуриева Ә.Г., Шәемова А.М.)

Мәктәп бакчасында язгы эшләр башланды. Бишенче класс укучылары, технология укытучысы Нуриев Фоат җитәкчелегендә, карлыган агачларын карап чыгып, кара карлыган үсентеләре өстәп утырттылар.

Мәгәриф һәм фән министрлыгы боерыгы № 2368/15 нигезендә, 17 апрель көнне 4 класс укучылары проект эшләделәр. /укытучылары Шамсиева М.Р/. Мониторингның төп максаты: укучыларның ФГОС тәләпләренә туры китереп белем дәрәҗәләрен тикшерү.      

В рамках реализации мероприятий Стратегии развития образования в Республике Татарстан на 2010-2015 годы, с целью осуществления комплексной оценки достижений планируемых предметных, метапредметных и личностных результатов обучающихся начальной школы в соответствии с требованиями ФГОС 15 апреля во всех школах республики прощёл  мониторинг оценки качества образования. В мониторинге приняли  участие учащиеся 4-х классов.

Мәктәптә Татарстан Республикасы Прокуратурасы , фән һәм  мәгариф министрлыгы тарафыннан  югары класс укучылары арасында оештырылган сочинениеләр конкурсы йомгакланды. Мәктәп күләмендә җиңеп чыккан укучыларның эшләре муниципаль этапка тәкъдим ителде.  10 нчы  класстан   Хөрмәтуллина    Гөлназның - рус телендә (укытучысы:Шәемова А.М.), шул ук класстан Яппарова Алисәнең татар телендә (укытучысы Нуриева Ә.Г) язган сочинениеләре иң яхшы дип табылды. 

Район күләмендә оештырылган техник иҗат фестиваленә укучыларның авиамоделизм, ракетомоделизм, судомоделизм, авыл хуҗалыгы җайланмалары, станоклар, макетлар бүлегенә технология дәресләрендә, шулай ук “Оста куллар “ түгәрәгендә  башкарган эшләре тәкъдим ителде .(Җитәкче: Нуриев Ф.Ш). Эшләнмәләр белән 7нче класс укучысы  Фаррахов Илнар таныштырды.

Такталачык авылыннан  армиягә алынган, рядовой солдаттан взвод командиры дәрәҗәсенә күтәрелеп,  Берлинга кадәр барып җиткән Бөек Ватан сугышы ветераны Вәлиханов Гайнетҗан  Вәлихан улының Казанда яшәүче кызы  Гагарина Вәсимә Гайнетҗановна,    мәктәптә булып, әтисенә бәйле  хәтирәләре  белән уртаклашты. Музей җитәкчесе Нуриева Әлфия Гавис кызына әтисенең фотоларын, сугыштан язган хатларының, хәрби билет күчермәләрен тапшырды.  Бу истәлекле  документлар мәктәп музеенда урын алды.

“  Язның бер  көне ел туйдыра”, диләр. Бу көннәрдә укучылар бакча мөдире Нуриева Ә.Г белән берлектә  орлыкларның тишелешен тикшерә, теплицага орлыклар  чәчә,үсентеләрне күчереп утырта.

11 апрель көнне 5-6 класслар арасында кошларга багышланган “Кошлар – безнең дуслар” дигән кичә оештырылды. Кичә барышында укучылар кошлар турында кызыклы сорауларга җавап бирделәр, төрле биремнәр чиштеләр. Бәйге кошлар турындагыкызыклы материалларга бай булды, кошларның табигатьтәге һәм кеше тормышындагы әһәмиятенә зур игътибар бирелде.