10 нчы апрель көнне химия фәненә кагылышлы "Самый-самый" дигән викторина булып узды. Викторинада 8-9 нчы класс укучылары көч сынашты. Командалар кызыклы сорауларга, җавап бирделәр, химик реакцияләрендә катнаштылар, анаграммалар чиштеләр һәм башка кызыклы уеннарда катнаштылар. Бу бәйгедә укучыларның химик элементларның һәм матдәләрнең төзелеше һәм химиянең кеше тормышында әһәмияте турындагы белемнәре сыналды. Викторинаның нәтиҗәсендә 8 класс командасы югары балл җыеп җиңү яулады.

10 апрель көнне мәктәпнең актлар залында гомуми ата-аналар җыелышы булып узды. Җыелышта районның психологик үзәге вәкилләре белән очрашу оештырылып, ата-аналар,укытучылар өчен тренинглар уздырылды,әлеге үзәкнең эшчәнлек юнәлеше белән таныштырылды. Очрашудан тыш, уку елы дәвамында актив булган укучылар дирекциянең махсус бүләкләре белән бүләкләнделәр. Җыелыш укучылар һәм укытучылар ярдәмендә оештырылган концерт белән тәмамланды. Ата-аналар өчен,шулай ук, укучыларның кул эшләре күргәзмәсе эшләде.

17 апрель көнне 3 нче классларда ОРКСЭ фәнен укыту турында ата-аналар җыелышы үткәрү күздә тотыла. Анда ата-аналар 6 модуль арасыннан берсен сайлап алырга, гариза язарга, анкета тутырырга тиеш булалар.

Бүген, мәгәриф идәрәсе планы нигезендә, балаларның  техник иҗатын үстерү буенча республика күләм фестиваленең район этабы узды. Технология укытучысы Нуриев Ф.Ш. укучылар белән ракета, корабль модельларын ясап уңышлы чыгыш ясады. Фестивальдә шулай ук укучыларның башка төрле эшләредә урын алды.

- Башлангыч классларда дәрестән тыш эшчәндек түгәрәкләре гөрләп тора. Төрле кичәләр, бәйрәмнәр үткәрелә, кул эшләренә өйрәнәләр. 8 нче апрель көнне 3 нче классларда кошлар көне үткәрелде. "Сандугач" һәм "Аккош" командалары көч сынаштылар. Бераз гына өстенлек белән "Сандугач" командасы җиңде.

Химия-биология атаналыгы кысаларында 7 апрель көнне "Кызыклы биология" кичәсе булып узды. Бәйгедә 7-8 класс укучылары көч сынашты. Укучылар үсемлекләр һәм хайваннар дөньясына, кеше организмына кагылышлы белемнәрен күрсәттеләр. Бәйге кызыклы сораулар, табышмаклар һәм уеннар формасында алып барылды. Нәтиҗәдә бер очкага өстенлек б.н 8 класс командасы җиңү яулады. (Җитәкчеләре Исламова З.)

8 апрель көнне кадет мәктәбе базасында хәрби уеннар үтте. 6 төр буенча үткән ярышларда безнең мәктәптән 10 егет һәм 4 кыз катнашты. Гомуми нәтиҗәдә мәктәп командасы 6 урында, шул ук вакытта яхшы күрсәткечләр: ату 1 урын, тест 1 урын, строй белән йөрү 5 урын.

8 апрель көнне Актанышның 2 санлы мәктәбендә 4 класс укытучыларының киңәшмәсе узды. Киңәшмәдә ММҮ методисты Имамразыва Г.Д. укытучыларны 4 класста үтәсе республика күләм мониторингы белән таныштырды. Бенең мәктәтән Шамсиева М.Р. катнашты.

Бүген химия һәм биология атналыгы кысаларында  Исламова З.А. “Мутация” темасына ачык дәрес күрсәтте. Дәрес барышында төрле кызыклы фактлар ачылды, шуның белән укучыларны казыксындыра алды. 

7 апрель көнне район күләм "Татар кызы - 2015" бәйгесенең финал өлеше узды. Бәйгенең финал өлешенә 8 кыз үткән иде. Безнең мәктәптән 8 класс укучысы Габдуллина Энҗе уңышлы чыгыш ясап 3 урынга лаек булды. Котлыйбыз!