Географиядән  Бөтенроссия фән олимпиадаларының  мәктәп туры үтте. Хаҗиева Алисә (5 нче класс), Марданов  Рияз (6 нчы класс),  Фархиев Мансур (7 нче класс), Адиятуллин Айдар (8 нче класс), Габдуллина Энҗе (9 нчы  класс) иң югары балларны җыйдылар. Фархиев М., Адиятуллин А. , Габдуллина Э.  район  туры олимпиадасына әзерлекләрен башладылар.

 Такталачык төп белем бирү мәктәбендә “Китапханә  айлыгы” кысаларында 1нче класс укучылары китапханәдә экскурсиядә  булдылар. Китапханәче Ләйлә Индус кызы нәниләрне китапханәдә үз-үзеңне тоту кагыйдәләре белән таныштырды, төрле кызыклы китаплар тәкъдим итте.

   В Такталачукской ООШ представители ООО “Страховая компания “НАСКО  Жизнь» Эльвира Альбертовна и Лилияна Валерьевна провели встречу с  учащимися 7-9 классов в рамках Всероссийской акции «Дни финансовой грамотности». В ходе встречи было разъяснение роли страхования, сбережения и управления личными финансами.  

 Такталачык төп гомуми белем бирү мәктәбендә, Мәгариф һәм фән министрының 2015 нче елның 15 нче августында чыгарылган   8671/15 нче номерлы боерыгына  нигезенләнеп, октябрь башыннан иртәнге зарядка үткәрелә башлады.

         Иртәнге зарядка кәефне яхшырта, эшкә дәрт өсти, сәламәтлекне яхшырта. Шул уңайдан  укучыларыбыз һәр  уку көне иртәнге зарядкадан башлый, укучыларның сәламәтлеген саклау максатыннан дәресләрдә физкультминуткалар да даими оештырыла.

Такталачык төп гомуми белем бирү мәктәбендә,  Өлкәннәр ункөнлеген йомгаклау кичәсе үткәрелде.   Бәйрәмне сигезенче класс укучылары  алып барды. Концерт номерлары барышында төрле елларда мәктәп тормышын чагылдырган презентация күрсәтелде .Балалар кунакларга үз куллары белән ясалган бүләкләр тапшырдылар. 

Такталачык урта мәктәбенең 4 нче класс укучылары дәрестән тыш эшчәнлек вакытында әкиятләр сәхнәләштерделәр. I нче команда Абдулла Алишның "Куян кызы" әкиятен, II команда татар халык әкияте "Өч кыз"ны сәхнәләштерделәр. Ике команда да ныклы әзерлек белән килгәннәр иде. Костюмнар, декорация , сәнгатьле сөйләмгә игътибар ителде. 

Өлкәннәр декадасы кысаларында район күләмендә үткәрелгән инша бәйгесендә мәктәбебезнең 3 нче класс укучысы Сарваров Нәфис мактаулы I урынны алды. Укытучысы Сарварова З.Н. Аларга киләчәктә дә иҗат уңышлары телибез. Афәрин!

Мәктәбебездә укучылар укытучылар һәм өлкәннәр ункөнлегенә бик тырышып әзерләнәләр. Класс сәгатьләре үткәрелә, шефлык дәвам итә. Ә башлангыч сыйныф укучылары өлкәннәргә кулдан төрле открыткалар ясыйлар. 

Такталачык төп гомуми белем бирү мәктәбе 1 нче Октябрь- Өлкәннәр көне уңаеннан оештырылган ярминкәдә катнашты.   Мәктәп бакчасында үстерелгән  суган, помидор, кара миләш, балан, сырганак кебек яшелчә һәм җиләк- җимешләр өлкәннәр күңеленә хуш килде.

Такталачык төп гомуми белем бирү мәктәбенең биология укытучысы  Низамов Р.Т. "Яшь ботаниклар" бәйгесе үткәрде. Укучыларга тирә- якта үсүче төрле үсемлекләр, җиләк- җимеш ботаклары тәкъдим ителде.  Балалар бу үсемлекләрне танып ,исемен әйтергә, бу үсемлек турында белгәннәрен сөйләргә тиеш иде. Бу бәйгедә 9 класс укучылары җиңеп чыкты.