Такталачык төп гомуми белем бирү  мәктәбе укучылары көзге  табигать кочагында  "Сөмбелә" бөйрәме үткәрделәр. Табигый материаллардан- төрле сувенирлар,  тирә-яктагы үсемлекләрдән икебана ясау, "Кызыклы эстафета", мәргәннәр  бәйгесе, "Табигать могҗизасы" күргәзмәсе оештыру укучыларга аеруча ошады.

 Такталачык төп гомуми белем бирү мәктәбендә оештырылган "Төз атучылар"  бәйгесендә 9нчы класс укучысы Гүзәл Газетдинова җиңүче булды, 8нче класстан- Д.Хабиров, И.Әсләмов, 6нчы класстан  Г.Мансуров призлы урыннарга чыктылар.

26 нчы сентябрьдә Такталачык мәктәбенең тәрбия эшләре буенча директор урынбасары Нуриева Ә.Г. Татарстан Республикасы фән һәм мәгариф министрлыгы тарафыннан  Казан шәһәрендә     федераль  дәүләт стандартларын тормышка ашыруда тәрбия өлкәсенә тәкъдим ителгән  "Классное содружество" проектын   өйрәнүгә багышланган методик семинарда катнашты

Бүген Такталачык авыл җирлегендә илкүләм "Милләтләр кроссы - 2015" үткәрелде. Әлеге чараны авыл советы башлыгы К. Шайхразиев ачып җибәрде. Чарада авыл советы, төп мәктәп, коррекцион мәктәп, клуб командалары актив катнаштылар.

Такталачык мәктәбенең башлангыч класс укучылары көзге табигатькә экскурсияга чыктылар. Балалар төрле уеннар уйнадылар, табигатьтәге көзге үзгәрешләрне күзәттеләр. 

23.09.2015.  Математикадан Бөтенроссия фән олимпиадаларының  мәктәп туры үтте. Иң көчле укучыларыбыз район  туры олимпиадасына әзерлекләрен башладылар.

 Подведены итоги школьного этапа республиканского конкурса творческих работ антикоррупционной   направленности "Надо жить честно!". В номинации  "Плакаты" среди учащихся начальных классов 1 место занял Анвар Шайхенуров ( рук. Шаемова З.Ф), среди учащихся 5-9 классов- Мухаметова А. ( рук. А.Ш.Рахманов); в номинации рисунки - Алина Габдуллина (рук. Исламова А.Ф.) ; среди учащихся 5-9 классов- Хабирова А. (рук. А.Ш.Рахманов) Лучшие работы будут отправлены на районный тур.

Такталачык төп гомуми белем бирү мәктәбендә куркынычсызлык айлыгы кысаларында укучыларга юл йөрү кагыйдәләре аңлатылды. Балаларга  юлда йөргәндә игътибарлы булырга, ут һәм электр җиһазлары белән сак эш итәргә кирәклеге әйтелде.

Такталачык төп гомуми белем бирү мәктәбенең физика- информатика укытучысы Радик Гайсин,  2015 нче елның икенче яртыеллыгына газета-журналларга язылу буенча "ТАТМЕДИА" АҖ тарафыннан оештырылган  "Язылган өчен  jPad" дип исемләнгән республика конкурсында катнашып,  квитанциясен иң алдан җибәрүче  50 абунәче арасында  кызыксындыру бүләгенә ия булды.

 Такталачык мәктәп бакчасы укучыларның шат тавышлары белән гөрләп тора. Бәрәңге алу- укучыларның иң яраткан эше. Алар икенче икмәкне тиз арада  җыеп алып, саклауга куярга тырышалар. "Базың тулы булса,  кышың җылы узар", - дип халык белеп әйтә.