Бүген бөек шагыйребез Габдулла Тукайның тууына 136 ел. Әгәр дөньяда бик аз яшәп тә, үзеннән соң тирән эз калдырып киткән язучылар турында сүз бара икән, аның берсе, һичшиксез, Габдулла Тукай. Аның шигырьләрен яттан белмәгән, моңлы җырларын җырламаган, тылсымлы әкиятләрен тыңламаган бала юктыр. Шагыйрьнең гомере бик кыска булса да, иҗат иткән әсәрләре - мәңгелек! Ул һәрвакыт безнең йөрәкләрдә яши. Сөекле шагыйребез Габдулла Тукайның туган көне уңаеннан безнең мәктәптә "Тукай безнең күңелләрдә!" дип исемләнгән әдәби чара үтте.
 

26 апрель - Габдулла Мөхәммәтгариф улы Тукаев туган көн! 

26 апрельдә бөек шагыйребез Габдулла Тукайның туган көнендә, татар халкы Туган тел көнен билгеләп үтә.

Башка бәйрәмнәр һәм истәлекле даталар белән беррәттән, бу көн һәркайсыбызның күңелендә аерым урын биләп тора. “Туган телеңне онытсаң, рухыңны югалтырсың…”– дип язган шагыйрь. Туган телен белмәгән кеше үз халкыннан да, милли тамырларыннан да аерыла, туган җиренә дә ят була. Без күп­милләтле илебездә төрле телләрнең һәм үзенчәлекле диалектларның байлыгын һәм аһәңен саклап калырга тиешбез. Туган тел көне   һәрвакытта да тынычлык, дуслык һәм татулык бәйрәме булсын!

26 апрель, бөек шагыйребез Габдулла Тукайның туган көне уңаеннан һәм “Актаныш таңнары" газетасының 90 еллыгы кысаларында Актаныш районы мәктәпләре укучылары арасында “Мин Актанышны яратам!” дип исемләнгән шигырь бәйгесе игълан ителгән иде. Әлеге бәйгедә 50гә якын укучы катнашкан. Алар арасында Пучы мәктәбеннән 2нче сыйныф укучысы Фәтхетдинова Нәзилә - 3 урын, Шәйхелова Гөлинә - шулай ук 3 урынга ия булдылар. Укучыларыбызны чын күңелдән котлыйбыз, балаларны иҗатка тартуга керткән өлешләре өчен укытучыларына зур рәхмәт белдерәбез!

Россия Федерациясе Флагы күтәрү күп кенә уку йортларының традициясе булып тора . Бу укучыларда патриотизм хисен формалаштыруга ярдәм итә. Әлеге традиция барлык гомуми белем бирү оешмаларында 2022 елның 1 сентябреннән алып барылачак. РФ Мәгариф Министры С.С. Кравцов 2022 елның 25 апрелендә РФ Дәүләт флагын күтәрүнең бердәм көне дип игълан итте. Татарстан Республикасында бу традиция 2022 елның 25 апреленнән башлап оештырыла һәм мәктәп яны лагерьларында көндезге лагерьларда, Татарстан Республикасы Мәгариф һәм фән министрлыгының профильле сменаларында дәвам итәчәк. Республикада ике флаг күтәреләчәк: Россия Федерациясе Дәүләт флагы һәм Татарстан Республикасы Дәүләт флагы. Шушы уңайдан безнең мәктәптә дә Дәүләт флаглары күтәрелде.

Подъем флага РФ является традицией многих учебных заведений, это способствует формированию чувства патриотизма обучающихся. Данная традиция будет ведена во все общеобразовательные организации с 1 сентября 2022 года. Министр просвещения РФ С.С.Кравцов объявил Единым днем поднятия государственного флага РФ 25 апреля 2022 года. В Республике Татарстан данная традиция будет организована с 25 апреля 2022 года и продолжит свое развитие в пришкольных лагерях дневного пребывания,  в профильных сменах Министерства образования и науки РТ. В республике поднимут два флага: Государственный флаг Российской Федерации и государственный флаг Республики Татарстан. По этому случаю и в нашей школе были подняты государственные флаги с озвучиванием мелодий гимнов России и Татарстана. 

Бүген тирә-ягыбызны чүптән арындыру, ямьләндерү максатыннан укучыларыбыз өмәгә чыкты. Өмәдә катнашучылар мәктәп тирәсен тәртипкә китерделәр.

Владимир Ильич Ульянов – Ленин бабай – 1870 елныӊ 22 апрелендә Сембер шәһәрендә (хәзерге Ульяновск) дөньяга килгән. Чорлар нинди генә җилләр алып килсә дә, тарихта үзенеӊ урынын булдырган шәхес. Кулында хакимият тә, матди байлык та булмаган килеш миллионлаган кешеләрне үз артыннан ияртә алган күренекле шәхес. Ул бөек революционер, большевиклар партиясен оештыручы, Халыклар Комиссариаты Советы рәисе, дөнья тарихында беренче социалистик дәүләт оештыручы, марксист, публицист, марксизм-ленинизмга нигез салучы, идеолог, Өченче (Коммунистик) интернационалны һәм Советлар Союзын оештыручы да. “Укырга, укырга һәм тагын бер тапкыр укырга!” дигән лозунгны безгә васыять итеп калдырган бабабыз инде ул безнең.

22 апрель - В.И.Ленинның туган көне уңаеннан Пучы авылында урнашкан Ленин һәйкәле янында искә алу тантанасы узды. Элеге тантанада безнең мәктәп укучылары да катнашты.

21 нче апрель көнне Теләкәй төп гомуми белем бирү мәктәбендә функциональ грамоталылык юнәлешендә район китапханәчеләре семинары булып узды.Семинарның темасы: "Гаилә укуы: укучы бала формалаштыруда гаилә, мәктәп һәм китапханәнең үзара хезмәттәшлеге". Китапханәче Сабирова Гөлнар Фоат кызы "Укучыларда уку грамоталылыгын формалаштыру алымнары" темасы буенча мастер - класс күрсәтте. "Уку грамоталылыгы - функциональ грамоталылыкның иң мөһим өлеше" темасы буенча чыгыш ясады. Шулай ук укучылар "Тел һәм моң - күңел көзгесе" дигән ачык чара да тәкъдим итте. Әлеге семинарда Пучы мәктәбе китапханәчесе Солтанова Гөлчәчәк Вәсил кызы да катнашты.

Бүген “Куркынычсыз тәгәрмәч” бәйгесе булып узды. Әлеге бәйге кысаларында районыбыз укучылары юл йөрү кагыйдәләре белүләре белән беррәттән иҗади сәләтләрен дә күрсәтте. Балалар иҗат үзәге педагоглары каршында “Юл куркынычсызлыгы өчен- бергә!” исем белән үткәрелгән конкурста командалар тематик театраль күренешләр, җырлар, шигырьләр башкарды. Укучыларның махсус киемнәрдән булулары, рольләрен оста уйнаулары, теманы ачып бирүләре бәяләнде. Безнең Пучы мәктәбе командасы уңышлы чыгыш ясап, 1 урынга лаек булды! Афәрин!

20 апрель көнне мәркәзебез Казан шәһәрендә Бөтенроссия "Илһам" бәйгесенең йомгаклау өлеше үткәрелде. Әлеге конкурста Пучы мәктәбеннән Нуриева Ләйлә - 2 урын яулады, Кашапова Сөмбел - лауреат исеменә лаек булды. Җитәкчеләре - Муллагалиева Г.К. Укучыларга дипломнар һәм акчалата сертификатлар тапшырылды. Җиңүчеләребезне чын күңелдән котлыйбыз!

Финальная часть Всероссийского конкурса «Илһам» прошла 20 апреля в нашей столице Казань. Нуриева Лейла заняла 2 место, Кашапова Сюмбель стала лауреатом в этом конкурсе. Руководитель - Муллагалиева Г.К. Ученикам были вручены дипломы и денежные сертификаты. Поздравляем наших победителей!