Студентларыбыз өчен "кызу урак өсте" башланды. Зачет, курс эшләре...

Бүген , 4 курс гомуми туклану продукциясе белгечлеге студентлары өчен әһәмиятле, җаваплы көннәрнең берсе.

Нәкъ менә бүген егет-кызларыбыз үзләренең курс эшләрен тәкъдир итте.

Укыту эшләре буенча директор урынбасары Рамис Зинарис улы Нуруллин, бүгенге эшчәнлек буенча фикерләрен җиткерде: "Сөенергә урын бар, студентларыбыз бар тәлапләрне үтәп, ныклы әзерлек белән чыгыш ясады. Киләчәктә өметле, отышлы һәм максатчан проектлар да тәкъдим ителде студентларыбыз тарафыннан".

Уңышлар телик студентларыбызга!!

Дуслар, сизәсезме? Жиһанда яз исе килә, салкын кыш китәргә ашыкмаса да, яз үзенекен итә...
Бүген техникумыбызда язның күркәм бәйрәме "Нәүрүз" уза!

Бүгенге бәйрәмнән мизгелләр! "Нәүрүз" бәйрәме гөрли! Шат елмаю, уен-көлке, җыр-бию...

Әлеге минутларда техникумыбызда "Үз эшенең остасы" бәйгесе бара.

Техникумыбызның 4 нче курс студенты Хабибуллин Искәндәр һәм остазы Габдуллин Ринат Равил улы әлеге көннәрдә Дагестан Республикасында. Алар WorldSkills чемпионатының сайлап алу этабына әзерлек йөзеннән Дагестан республикасының региональ чеспионатында катнашалар

Актаныш технология техникумында, бездә, "Үз эшенең остасы" бәйгесе старт алды.
Күптән түгел техникумыбызда укучылар өчен "Һөнәри дебют" бәйгесе уздырылса, бүгенгесе, үзебезнең студентлар арасында иң көчлеләрне билгеләүгә юнәлтелгән.
Бухгалтерлык эше һәм электромонтажлау компетенциясе буенча узган бүгенге бәйгедә, студентларыбыз теләп катнашты. Үз һөнәренең осталары алар!
Бәйге дәвам итә... Һөнәри компетенцияләр буенча җиңүчеләр билгеләнәчәк.

Техникумның булачак эшмәкәрләре проект эшләрен район җитәкчелегенә тәкъдим итте

Очрашуда һәр проект буенча фикер алышу булды.  Актаныш технологик техникумы укучылары да киләчәктә үзләрен бизнес өлкәсендә сынап карарга планлаштыра. Булат Авсахов, тегү цехы ачып, балалар өчен эш һәм милли бизәкле киемнәр тегү бизнесын отышлы күрә. Разил Галиев һәм Айдар Бәхтиев - балыкчылар өчен кунакханә, Ләйлә Вәлиева хәләл табын хезмәте ачарга ниятли. Уңышлар аларга.

Күпләргә таныш әлеге җыр сүзләре. Студент тормышының иң ямьле, күңелле чоры тулай торак белән бәйледер. Бүлмәләрдән яңгыраган шаяру-көлү, тәлапчән вахтер һәм тәрбияче апалар, әлбәттә, һәр студентка таныш.

Бүген техникумыбызда тулай торакта яшәүче кызлар белән җыелыш узды.

Студентларыбыз, ата-аналарыбыз яхшы белә, тулай торакта барлык шартлар да булдылган. Яшәүчеләргә уңайлы булсын өчен, телевизор, музыкаль үзәк белән җиһазландырылган ял залы, уку залы һәм китапханә бар. Шулай ук теннис өстәле урнаштырылган.

Уйлап карасаң, әти-әнисеннән читтә булган бала, вакытын файдалы һәм кызыклы итеп үткәрә кебек. Ә чынында шулай микән?

Әлбәттә, барлык студентларны бер калыпка салып үлчәү дөрес түгел. Студент елларының һәр минутын максатчан файдаланучылар белән беррәттән, тәртипләре үрнәк булмаучылар да бар.

Бүгенге сөйләшү нәкъ менә шул хакта.

Тәрбия эшләре буенча директор урынбасары Нәркизә Галимҗан кызы Фатихова, студентларга тулай торакта яшәү кагыйдәләрен һәм бурычларын, тулай торак территориясендә тәмәке тартуны һәм алкоголь эчемлекләрен куллануны тыю турында, яшәү режимын һәм чисталыгын саклау турында искәртте.

Сөйләшү барышында тулай торак тәрбиячесе Алия Вил кызы Шарифуллананың да кисәтүләре тыңланды.

Җыелышны йомгаклап чыгыш ясаган, техникумыбыз директоры Ландыш Җәүдәт кызы Шәмсунова түбәндәге фикеләрен җиткерде: "Ата-ана тәрбиясеннән ерак студентлар ирекләреннән "файдалана" башлый. Моңа юл куймас өчен, без барысын да эшлибез. Тулай торакта яшәүчеләр өчен билгеле кагыйдәләр бар. Һәр студент әлеге кагыйдәләрне үтәргә тиеш".

Жыелыш барышында студентларның сорауларына да җавап табылды

Килешү, тантаналы шартларда, Казан(Идел буе) Федераль университеты ректоры, Татарстан Республикасы Дәүләт Советы депутаты, Татарстан Республикасы югары уку йортлары ректорлары советы рәисе Илшат Рәфкать улы Гафуров Актанышка эшлекле сәфәр белән килгәч төзелде. Әлеге килешү Актаныш техникумының югары уку йортлары белән үзара хезмәттәшлек итүе барышындагы бишенче килешүе. Актаныш техникумы студентлары хәзер КФУның Чаллы институтында инженерия юнәлешендә дистанцион рәвештә укый ала.
Актаныш район Советының киңәшмәләр залында Актаныш район башлыгы Энгель Фәттахов һәм район мәктәпләре директорлары катнашында КФУның Яр Чаллы институты ректоры Мәхмүт Ганиев һәм Актаныш технологик техникумы директоры Ландыш Шәмсунова үзара хезмәттәшлек килешүенә имзалар куйдылар.