Бүген, ягъни 23 нче декабрь көнне, Актаныш спорт мәктәбенең өстәл теннисы түгәрәгенә йөрүче укучылар өчен, яңа ел алдыннан кыш бабай призына өстәл теннисы ярышы уздырылды. Əлеге спорт төре буенча укучыларыбызны яшь тренер - Лотфуллина Ләйсән Илсур кызы шөгыльләндерә. Ярышка килгәндә, 2005-2008, 2009-2012 елгы укучылар аерым категорияләрдә көч сынаштылар. Җиңүчеләрне котлап, спорт мәктәбе директоры Гафуров Əнвәр Əбесогет улы истәлек грамоталары тапшырды.

«Милли мультfest» республика балалар кинофестивален үткәрү кысаларында, 12-18 декабрь көннәрендә «Байтик» шәһәрарты компьютер лагерында «IT-Fresh» дип исемләнгән махсус профильле смена уздырылды. Əлеге сменада укучыбыз Сиразова Динара катнашып, белемнәрен ныгытып кайтты.

Геология фәненнән Бөтенрәсәй олимпиадасының муниципаль этабында мәктәбебезнең 8 нче сыйныф укучысы Локманов Ильмар призер булды. Киләчәктә дә Ильмарга һәм укытучысына уңышлар телибез. Олимпиадага әзерләүче югары квалификация категорияле химия-биология укытучысы - Гыйльфанов Фидус Нәрфис улы.

Инглиз теле буенча республика олимпиадасының муниципаль этабында мәктәбебезнең 8 нче сыйныф укучысы Саетгараева Азалия җиңүче һәм 7 нче сыйныф укучысы Авсахова Әлфия призер булдылар. Аларны җиңүләре белән котлыйбыз, киләчәктә дә уңышлар телибез! Олимпиадага әзерләгән укытучылары – Галиуллина Динара Айдар кызы.

Бүген мәктәптә 2 сыйныф укучылары сыйныф җитәкчесе Манихова Эльвира Мияссәр кызы белән берлектә "Каз өмәсе" уздырдылар. Чара - татар халкының матур йоласы булган бу бәйрәмне күзалларлык күңелле итеп оештырылды. Биредә катнашкан барлык укучылар да үз рольләрен бик оста башкарып чыктылар.

Мәктәбебезнең  югары  квалификация  категорияле  биология  укытучысы  Гыйльфанов Фидус Нәрфис улы 16 ноябрьдән 10 декабрьгә кадәр “Генетика” темасы буенча укучыларның фәнни-табигый грамоталылыгын формалаштыру дигән дистанцион курсларда укыды. Курслар 3 модуль буенча барды.

11 декабрь көнне Zoom платформасы аша “Туган телем – галимнәр теле” республикакүләм фәнни-гамәли конференция булды. Бу конференциядә  мәктәбебезнең 8 нче сыйныф укучысы Илмар Локманов “Лишайниклар һәм биоиндикация” дигән темага проект яклап, уңышлы чыгыш ясады. Фәнни  җитәкче – югары  квалификация категорияле биология укытучысы Фидус  Гыйльфанов.

Физкультура фәненнән Бөтенрәсәй олимпиадасының муниципаль этабында мәктәбебезнең 7 нче сыйныф укучысы Муллахметова Лилия, 8 нче сыйныф укучысы Ибрагимова Гүзәл призер булдылар. Киләчәктә дә бу укучыларга уңышлар телибез. Укучыларны олимпиадага әзерләүче беренче квалификация категорияле физкультура укытучысы - Фатхиева Мария Олеговна.

Роспотребнадзор продлил до конца 2021 года действие введенных из-за пандемии коронавируса Covid-19 санитарных правил работы школ и детских садов. Соответствующее постановление подписала главный санитарный врач страны Анна Попова.

Ришвәтчелеккә каршы көрәш буенча укучылар өчен республикакүләм иҗади бәйгенең район этабында 2 нче сыйныф укучысы Закирова Динараның эше 2 нче урынга лаек булды. Остазы - югары квалификация категорияле башлангыч сыйныф укытучысы Сарварова Фирая Мөбәрәк кызы. Аларны җиңүләре белән котлыйбыз!