Бөтенрәсәй олимпиадасының республика һәм региональ этабында биология фәненнән 8 нче сыйныф укучысы Шәрипов Айгиз, инглиз теленнән 8 нче сыйныф укучысы Саетгараева Азалия белемнәрен сынап кайттылар. Аларга киләчәктә дә укуларында зур уңышлар телибез. Бу олимпиадаларга укучыларны әзерләгән укытучылар – Ф.Н.Гыйльфанов, Д.А.Галиуллина.

27 нче гыйнвар көнне Яңа Əлем авыл җирлеге җыенында, авыл Башлыгы Дилбәр Миркасыйм кызы Анварова мәктәп директоры Илназ Илшат улы Шәриповка тыгыз хезмәттәшлек һәм спорт буенча укучылар яхшы нәтиҗәләр күрсәткәннәре өчен, спорт җиһазлары һәм шахматлар бүләк итте. Укучылар һәм мәктәп коллективы исеменнән аңа рәхмәт белдерәбез!

28 нче гыйнвар көнне "Юл хәрәкәте иминлеге" Актаныш районы профилактика бүлеге җитәкчесе Фазлыева Лена Музаятовна белән башлангыч сыйныф укучылары өчен очрашу оештырылды. Агымдагы елда булган балалар катнашында аварияләр санына статистик анализ ясалды. Аларны булдырмас өчен профилактик чаралар күрергә тәкъдим ителде. Укучылар кызыклы hәм файдалы булган фильмнар карадылар. Аларга яктылык кайтаручы элементлар бүләк ителде.

1944 нче елның 27 нче гыйнвары - Ленинградның камалыштан чыккан көне. Бөек Ватан сугышы тарихындагы бөек вакыйгага 77 ел тулды. Шул уңайдан 7-8 сыйныф укучылары белән документаль фильм карау оештырылды.

«Һәр көнне игелек кылып яшик» дигән темага башлангыч сыйныф укучылары өчен чираттагы әхлак дәресе уздырылды. Традицион рәвештә, тәрбияви чара безнең мәктәптә атнага бер тапкыр - дәресләр башланганчы оештырыла. Мондый әхлак сәгате тәрбия процессында бик тә әһәмиятле. Рәхмәт сезгә Тәхия апа!

2020 ел дәвамында хезмәт урынында югары уңышларга ирешкән яшь белгечебез, туган тел һәм әдәбият укытучысы - Сәлимҗанова Лилия Əхнәф кызы, районның алдынгылар җыенында бүләкләнде. Хезмәттәшебезне котлыйбыз, киләчәктә дә уңышлар телибез!

19-21 гыйнвар көннәрендә график нигезендә, пандемияга каршы саклык чараларын кулланып, барлык сыйныфларда да ата-аналар җыелышлары уздырылды. Укыту-тәрбия буенча анализлар ясалды, киңәшләр әйтелде, тәкъдимнәр кабул ителде. Əти-әниләр мәгариф өлкәсендәге актуаль яңалыклардан хәбәрдар булдылар.

20 нче гыйнвар көнне республикабызның 1 нче президенты, якташыбыз Минтимер Шәрип улы Шәймиев 84 яшьлек гомер бәйрәмен - туган көнен билгели. Шул уңайдан мәктәбебездә 6 нчы, 8 нче сыйныф укучылары белән ачык чара уздырылды.

18 нче гыйнвар көнне мәктәбебез базасында “Ел укытучысы – 2021” (педагогик дебют) бәйгесенең район этабы үтте. Бәйгедә Актаныш кадет мәктәп-интернаты, Богады, Сәфәр, Иске Кормаш, Чалманарат, 1 нче Актаныш мәктәпләреннән яшь укытучылар көч сынашты. Катнашучыларның 3 нче, 5 нче, 6 нчы сыйныфларда күрсәтелгән математика, туган тел, инглиз теле, физик культура фәннәреннән ачык дәресләрен һәм чараларын мәртәбәле жюри бәяләде.

С 12 по 20 января на базе МБОУ "АСОШ №1", МБОУ "АСОШ №2", ГАОУ «Гуманитарная гимназия-интернат для одаренных детей», МБОУ "Новоалимовская ООШ" и МБОУ ООЦ «Буляк» состоится муниципальный этап  Республиканского профессионального конкурса «Учитель года-2021». Девиз конкурса «Через тернии к звездам» отражает одну из главных задач современного образования - непрерывный профессиональный и личностный рост учителя, трансляцию лучших образцов педагогической практики и пропаганду инновационных идей и достижений.