2021 ел - Татарстан Республикасында туган телләр һәм халыклар бердәмлеге елы итеп игълан ителгән иде. Əлеге уңайдан безнең мәктәптә дә һәр атнада төрле кызыклы һәм укучылар өчен файдалы чаралар уздырыла. Агымдагы атнада мәктәп китапханәсендә «Туган телем - иркә гөлем!» китаплар күргәзмәсе һәм 5 сыйныфта «Табышмаклар» бәйгесе уздырылды. Укучылар бик теләп катнаштылар.

Бүген мәктәбебезнең VII, VIII, IX сыйныфларында укучы кызлар Актаныш технология техникумында "Яшь осталар" проекты кысаларында "тәмле" хезмәт дәресендә катнаштылар. Биредә алар кулинар-кондитер эшләренә өйрәнү цехында аш-су әзерләү буенча тәүге күнекмәләрен алдылар.

Итоговое собеседование по русскому языку проводится для обучающихся IX классов образовательных организаций как условие допуска к государственной итоговой аттестации по образовательным программам основного общего образования. К ГИА-9 будут допущены девятиклассники, получившие «зачет» за итоговое собеседование по русскому языку.

Республиканың күпмилләтле халыклары бердәмлеге мәсьәләсенә зур игътибар биреп, 2021 ел Татарстанда туган телләр һәм халыклар бердәмлеге елы дип игълан ителде. Әлеге ел уңаеннан, Республикада, районда һәм мәктәптә оештырылачак чаралар, гомумән еллык план белән, сылтама аша узып таныша аласыз.

Физик культураны пропагандалау, спортны популярлаштыру һәм физкультура-спорт эшен көчәйтү максатларында, 6 февраль көнне районда мәгариф хезмәткәрләренең кышкы спорт төрләре буенча спартакиадасы булып узды. Гомуми нәтиҗәләр буенча, районның 21 төп гомуми белем бирү мәктәбе арасында Яңа Əлем мәктәбе командасы 2 урын яулады! Хезмәткәрләребезне җиңүләре белән котлыйбыз!

5 нче февраль көнне Яңа Əлем авылы мәдәният йортында "Йолдызлык 2021" фестиваль-конкурсының сайлап алу туры узды. Укучыларыбыз күмәк hәм ялгыз биюләр, инструменталь ансамбль, вокал, нәфис сүз номинацияләрендә чыгыш ясадылар. Зур тырышлык белән әзерләнгән 18 номерның 11е жюри тарафыннан икенче турда чыгыш ясарга лаек дип табылды. Укучыларыбызга да, аларның җитәкчеләренә дә уңышлар телибез! Шулай ук һәрчак ярдәм кулы сузган әти-әниләргә рәхмәт җиткерәбез!

Беренче класс укучыларының Әлифба бәйрәме 4 нче февраль көнне үтте. Чарага санитар-эпидемиологик саклык чараларын күреп, тиешле шартларны үтәп, әти-әниләр чакырылды. Балаларның чыгышы җыр-биюләр, уеннар белән үрелеп барды. Бәйрәм чарасын башлангыч класс укытучысы, 1 нче сыйныф укучыларының сыйныф җитәкчесе Нургалиева Лениза Зәки кызы оештырды.

3, 4 һәм 5 нче сыйныф укучыларының ата-аналар комитеты әгъзалары тарафыннан Яңа Əлем мәктәбе ашханәсендә туклану торышын күзәтүнең чираттагысы оештырылды, әлбәттә инде пандемиягә саклык чараларын кулланып. Алар тарафыннан ашханәдә санитар таләпләрнең үтәлеше, 1-4 сыйныф укучылары өчен төзелгән меню, 12 яшь һәм аннан зуррак булган балалар өчен төзелгән меню, көндәлек меню белән әзерләнгән ризыкның тәңгәл килүе, контроль ризык булу, ризыкларның температура режимын үтәү, продукциянең һәм ризыкның сыйфаты, бракераж журнал тутырылышы, ашханәгә кергәндә укучыларның кулларын юып керүләре, ашаган вакытта үз-үзләрен тотышлары - барысы да күзәтелде, ата-аналар комитеты журналына теркәп куелды. Ашханә эшчәнлеге уңай бәяләнде!

Бөтенрәсәй олимпиадасының республика һәм региональ этабында биология фәненнән 8 нче сыйныф укучысы Шәрипов Айгиз, инглиз теленнән 8 нче сыйныф укучысы Саетгараева Азалия белемнәрен сынап кайттылар. Аларга киләчәктә дә укуларында зур уңышлар телибез. Бу олимпиадаларга укучыларны әзерләгән укытучылар – Ф.Н.Гыйльфанов, Д.А.Галиуллина.

27 нче гыйнвар көнне Яңа Əлем авыл җирлеге җыенында, авыл Башлыгы Дилбәр Миркасыйм кызы Анварова мәктәп директоры Илназ Илшат улы Шәриповка тыгыз хезмәттәшлек һәм спорт буенча укучылар яхшы нәтиҗәләр күрсәткәннәре өчен, спорт җиһазлары һәм шахматлар бүләк итте. Укучылар һәм мәктәп коллективы исеменнән аңа рәхмәт белдерәбез!