Яр Чаллы шәһәрендә "Бәхет йолдызы" дип исемләнгән республикакүләм фестиваль-конкурс үтте. Мәктәбебез укучылары Саттаров Илмир һәм Хаҗиева Алия "Хореография" номинациясендә чыгыш ясап, 1 нче дәрәҗә лауреат булдылар. Җитәкчеләре: Шарипова Ленара Фәвәдис кызы. Укучыларыбызга һәм Ленара Фәвәдис кызына киләчәктә дә уңышлар телибез!

2005 елдан башлап БМО Генераль Ассамблеясе тәкъдиме белән ноябрьнең һәр өченче якшәмбесе Бөтендөнья юл һәлакәтләре корбаннарын искә алу көне буларак билгеләп үтелә. Әлеге уңайдан Актаныш районының юл куркынычсызлыгын пропагандалау бүлеге җитәкчесе Ләйсән Мөхәммәтова Яңа Әлем мәктәбе укучылары, балалар бакчасы нәниләре белән әңгәмә үткәреп, юлларда исән-имин йөрергә чакырды.

Яр Чаллы дәүләт педагогика университетында «Авыл территорияләрендә мәгариф: тәҗрибә һәм үсеш юнәлешләре»дигән темага II Бөтенроссия фәнни-гамәли конференция булып узды. Анда Татарстанның 30 районыннан, шулай ук Башкортстан Республикасыннан һәм Ярославль өлкәсеннән педагоглар, Россия югары уку йортларының галимнәре һәм фәнни-педагогик хезмәткәрләре катнашты.Катнашучылар алдында аз комплектлы мәктәпләрнең үсеш перспективаларын бәяләү, авыл укучыларының үзенчәлекләре һәм мондый уку йортлары педагоглары алдында торган проблемалар турында сөйләү бурычы торды, дип сөйләде НГПУ ректоры Әлфинур Галиәкбәрова. Чара интенсив форматта узды: проект төркемнәренә берләшеп, укытучылар проблемаларны һәм аларны чишү юлларын билгеләделәр, проектлар әзерләделәр. 

11 нче ноябрь көнне мәктәптә "ФДББС шартларында тәрбия эшчәнлегендә актуаль мәсьәләләр" дип исемләнгән гомуми ата-аналар җыелышы үтте.
Җыелышта Актаныш районының юл йөрү куркынычсызлыгын пропагандалау бүлеге җитәкчесе Ләйсән Мөхәммәтова, мәктәп директоры И.И.Шәрипов, укыту-тәрбия эшләре буенча директор урынбасары З.В.Әхмәтгалиева, тәрбия эшләре буенча директор урынбасары А.И.Шакирова, китапханәче Г.Р.Хәмидуллина, класс җитәкчесе Ф.Д.Мәрдәнова чыгышлары тыңланды.

6 нчы сыйныф укучылары сыйныф җитәкчеләре Айсылу Илдус кызы җитәкчелегендә район китапханәсендә булып, андагы яңалыкка, матурлыкка сокланып кайттылар. Якты, заманча техника белән җиһазландырылган китапханә шәһәр китапханәләреннән бер дә ким түгел. Анда эшләүче хезмәткәрләр укучыларны якты йөз белән каршы алдылар. Укучылар анда уйнадылар да, викторинада катнашып сорауларга да җаваплар таптылар, яңа китаплар белән дә таныштылар. Бу очрашудан соң укучыларыбызның күңел байлыклары, китап уку теләкләре дә артты. Дәрестән тыш эшчәнлек бик файдалы булды.

Бүген 6 сыйныф укучылары, класс җитәкчесе Айсылу Илдус кызы җитәкчелегендә, район архив бүлегенә сәяхәт кылдылар. Архив тормышы, эшчәнлеге хакында архив җитәкчесе Айгөл Рәдис кызы таныштырды. Архивта 40 меңнән артык документлар махсус сумкаларда саклана. Шулай ук укучылар бик эчтәлекле фильм карадылар. Күп мәгълүмат тупладылар.

Бу атнада "Мөһим темага сөйләшү" сыйныф сәгатьләре "Бердәмлек көне"нә багышланды. "Бердәмлек" төшенчәсе туплану, берләштерү мәгънәсенә ия. Элек-электән безнең татар халкына хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга мөмкинлек биргән.

2 ноябрь көнне балалар иҗат үзәге базасында ата-аналар комитеты җитәкчеләренең киңәшмәсе узды. Киңәшмәдә 1 нче чирек эшчәнлеге анализланып, алга планнар билгеләнде. Безнең мәктәптән ата-аналар комитеты рәисе Вирт Гөлнур катнашты.

31 октябрь көнне мәктәбебезнең 9 сыйныф укучылары укытучы Ф.Н.Гильфанов җитәкчелегендә Актаныш технология техникумына экскурсиягә бардылар. Техникум директоры Л.Җ.Шамсунова, укыту эшләре буенча директор урынбасары Р.З.Нуруллин укучыларны техникум тормышы hәм андагы профессияләр белән таныштырдылар, укучыларның сорауларына җавап бирделәр. Кызлар кухняда пирог пешереп карадылар, ә егетләр мастерскойда эретеп ябыштыру эшләрен башкардылар. Экскурсия укучылар өчен бик файдалы булды.

"Мөһим темага сөйләшү" сыйныф дәресләре "Россия - Атом тармагының дөнья лидеры" темасына багышланды. Укучылар Россия Арктикасының үзенчәлекләре һәм Төньяк диңгез юлының әһәмияте белән таныштылар.