2-3 октябрь көнне Яңа Әлем төп гомуми белем бирү мәктәбендә эвакуация буенча өйрәнүләр үткәрелде. Бу өйрәнүләр вакытында мәктәп директоры И.И.Шәрипов, тормыш иминлеге нигезләре укытучысы И.М.Сәхипов җитәкчелек иттеләр. Тревога вакытында үз-үзеңне ничек тоту буенча тормыш иминлеге нигезләре укытучысы И.М.Сәхипов укучыларга инструктаж үткәрде, кимчелекләргә басым ясады. Мәктәптән барлык укучылар, укытучылар, техник эшчеләр тиз арада чыгып беттеләр, эвакуация уңышлы тәмамланды.

Всероссийское тестирование педагогов проходит с 6 августа по 19 ноября 2018 года. До конца ноября 2018 года будут определены победители тестирования на федеральном и региональном уровне. Тестирование проводится на сайте: https://www.единыйурок.рф

2 октябрь көнне Яңа Әлем төп гомуми белем бирү мәктәбендә 9 нчы сыйныф укучыларының ата-аналары җыелышы булып узды. Көн тәртибендә түбәндәге мәсьәләләр каралды: 1.Төп дәүләт имтиханнарына әзерлек буенча мәктәп директоры И.И.Шәрипов, укыту-тәрбия эшләре буенча директор урынбасары Р.Н.Фәйзрахманова чыгышлары тыңланды. 2.Төп һәм сайлап алу имтиханнары буенча математика укытучысы Ф.Я.Якупова, рус теле укытучысы А.И.Габдрахманова, җәмгыять белеме укытучысы А.А.Мадияров үз фикерләрен әйттеләр. 3.Класс җитәкчесе Г.Р.Хәмидуллина ата-аналар белән әңгәмә үткәрде, аларга үзенең киңәшләрен бирде.

Илебез буенча 1 октябрьдә Өлкәннәр көне билгеләп үтелә. Төрле җирләрдә хөрмәтле картларыбызны котлаулар, бүләкләүләр белән искә алабыз. Кадерле әби-бабаларыбыз! Заман авырлыкларына бирешмичә илебез уңышы өчен көчегезне кызганмагансыз. Бу дөньяда куйган хезмәтләрегез, кылган изгелекләрегез өчен рәхмәт сезгә! Без, яшьләр, сезнең киңәшләрегездән тайпылмабыз, үрнәк булырга тырышырбыз! Саулык-сәламәтлектә, дөньяга ямь биреп яшәгез, урыннарыгыз өйнең түрендә булсын! Бәйрәмегез белән!

30 нчы сентябрь көнне районда өлкәннәр көненә багышланган ярминкә оештырылды. Анда мәктәбебез коллективы да катнашты. Яңгырлы көн булуга да карамастан, Яңа Әлем мәктәбе хезмәткәрләре ачык йөз белән халыкка үзләренең уңышларын тәкъдим иттеләр, кайнар чәйләре белән сыйладылар.

29 сентябрь көнне мәктәбебез бакчасында зур өмә оештырылды. Анда 5-9 нчы сыйныф укучылары һәм укытучылар катнашты. 5 нче сыйныф укучылары чәчәк, укроп орлыкларын җыеп, киләсе ел өчен әзерләп куйдылар. 6 нчы сыйныфлар сарымсак кисү, помидор җыю белән мәшгуль булдыдар. 7 нче сыйныфлар чөгендер алсалар, 8 нче һәм 9 нчы сыйныф укучылары карлыган араларын чистартып, сарымсак утырту өчен түтәл әзерләделәр. Мәктәп бакчасыннан сөендерерлек зур уңыш җыеп алынды.

Атна башыннан мәктәп дирекциясе тарафыннан яшь укытучыларның дәресләре тыңланды. Мәктәп директоры һәм директор урынбасарлары атна дәвамында инглиз теле һәм татар теле укытучыларының дәресләрендә, башлангыч сыйныф укытучысының рус теле дәресендә булдылар. Дәресләргә үзанализ һәм анализ ясалды.

28 сентябрь көнне мәктәбебездә әдәби-тәрбияви музыкаль сәгатьтә артист, юморист, җырчы Алмаз абый Хәмзин һәм язучы Алмаз абый Гыймадиев кунак булдылар. Чара барышында алар укучылар белән әңгәмә кордылар, табышмаклар әйттеләр, тормышта булган төрле вакыйгалар хакында фикер алыштылар. Күренекле шәхесләр кулыннан бүләк алу, алар белән кул кысып күрешү укучылар күңелендә якты эз булып уелып калды. Ахырдан укучылар һәм укытучылар кунаклар белән истәлеккә фотога төштеләр.

ВПР в 2019 пройдут в 4, 5, 6, 7, 8 и 11 классах. Предметы: 4 класс – русский язык, математика, окружающий мир. 5 класс – русский язык, математика, история, биология. 6 класс – русский язык, математика, география, обществознание, история, биология. 7 класс – русский язык, математика, иностранный язык, обществознание, биология, география, физика, история. 8 класс – русский язык, математика, биология, обществознание, физика, химия, история, география. 11 класс – иностранный язык, география (может проводиться в 10 классе), химия, физика, история, биология. ВПР пройдут в марте-апреле. Точное расписание будет позже.

27 сентябрь көнне мәктәбебез бакчасындагы түтәлләрдән кишерләр алу оештырылды. Әлеге хезмәттә бик теләп 7 нче сыйныф укучылары һәм бакча мөдире Гыйлфанов Фидус Нәрфис улы катнашты. Уңыш сөендерерлек мул булды!