Сегодня в школе проводился конкурс "Русский медвежонок"

Укытучылар көне уңаеннан районда уздырылган "Сез иң галим кеше икәнсез" исемле иншалар конкурсында 7 класс укучысы Данис Камалов 2 нче урын яулады.

30 октябрь көнне мәктәп укучылары Интернет куллану буенча куркынычсызлык турында сөйләштеләр. Алар, "Интернешка"  һәм "Митясик" белән бергәләп, сәяхәт кылдылар, Интернетны дөрес куллану кагыйдәләрен ачтылар, нәтиҗәләр чыгардылар.

28, 29 октябрь көннәрендә укытучылар коллективы Сәфәр урта мәктәбендә оештырылган "Татарстан Республикасында белем бирү сыйфатын күтәрү"  программасы буенча тренингта катнашты. Анда укытучылар Сингапур белем бирү методларына төшенделәр, аны кулланырга өйрәнделәр. Укулар файдалы һәм мавыктыргыч рәвештә үтте.

Бүген 9 класс укучылары рус теленнән сынап карау шарты белән уздырылган Төп Дәүләт имтиханы биремнәре үтәделәр.

Мәктәптә  Яр Чаллы шәһәре буенча кулланучылар хокукларын яклау һәм кеше иминлеге өлкәсендә федераль хезмәтнең территориаль бүлеге  тарафыннан чираттагы санитар нормалар үтәлешенә тикшерү узды.

16 октября  прошел районный конкурс чтецов «В созвучье слов живых…», посвящённый 200-летию М. Ю. Лермонтова.  На нем выступила ученица 9  класса Гарифуллина Камилла (учительница Камалова Р.М.)

9 октябрь көнне мәктәбебездә Өлкәннәр ункөнлеге кысаларында бәйрәм чарасы узды. Ветеран укытучылар, лаеклы ялдагы техник хезмәткәрләрне мәктәпкә чакырып, укучылар тарафыннан бәйрәм концерты күрсәтелде, төрле уеннар оештырылды. Бәйрәм чәй табыны янында төгәлләнде. Ункөнлек кысаларында укучыларыбыз Меңнәр һәм Чишмә авыл клубларында  концертлар күрсәттеләр, тимурчылык эшен җәелдерделәр.

27 сентябрь көнне мәктәбебездә "Алтын көз" бәйрәме уздырылды. Анда "Әбиләр чуагы" һәм "Лачыннар" командалары көч сынашты. Укучылар ярышта иҗадилык, артистлык сәләтләрен күрсәттеләр. Тапкырлык, уңганлык, зыялылык буенча көч сынаштылар. Кичә бик күңелле узды.

22 сентябрьдән Бөтенроссия һәм республика фән олимпиадаларының мәктәп турлары башланып китте.