Гадәттән тыш хәлләрдә укучыларга үз-үзеңне тотарга өйрәтү - мәктәп алдында торган бурычларның берсе булып тора. Шуңа бәйле рәвештә кайбер уку көннәрендә звонокның ачы тавышы дәресләрне бүлгәли. 29 апрельдә укучылар чираттагы өйрәнү эвакуациясенә ашыктылар.  

Бүген "Без-Тукай оныклары" исеме астында бөек шагыйребез Г.Тукай иҗатына багышланган музыкаль әдәби кичә уздырылды. Балалар олуг шагыйребезнең тормышы, иҗаты белән танышып, шигырьләрен сөйләделәр, җырларын башкапдылар. Кичә бик күңелле узды (оештыручылар И.Х.Тутаева һәм Р.Р.Фәррахова).

Бүген 4 класс укучыларын варислар сафына кабул итү буенча М.Мирсәетов исемендәге балалар оешмасы җыены узды.  Яшь дуслар, уен-сәяхәттәге сынаулар аша узып, тантаналы вәгъдә бирделәр, иңнәренә республикабыз символын чагылдырган галстуклар тагып, чын варислар булдылар. Зур уңышлар аларга!

Язгы шәфкатьлелек атнасы кысаларында башлангыч класс укучылары авыл балалар бакчасына бардылар. Алар нәни дусларыбызга концерт куйдылар, күмәк уеннар уйнап, үз куллары белән эшләнгән бүләкләрен тапшырдылар, бергәләп күнел ачтылар. Балаларга бик күңелле булды.

Бүген Туган тел атналыгы башланды:  башлангыч класс укучылары белән укытучы Р.Р.Фаррахова "Могъҗизалар кыры" уен-ярышы уздырды. Уенда 4 класс укучысы Давытова Ләйсән җиңеп чыкты. Афәрин!

Язның ямьле кояшы мул нурларын чәчкән бу көндә мәктәп тирәсен җыештыру өмәсе уздырдык. Эш бераз арытып җибәрсә дә, тирә-юньдәге чисталыкны күреп, күңелләребез сөенде..

"Мари милли культурасы: традицияләр һәм замана" район конкурсына мәктәп укучылары һәм укытучылары көче белән эшләнгән иҗади эшләр: "Зинаида" курчагы, чигү, "Ишегалдында" камырдан эшләнгән панносы, "Болында" витражы һәм тоткыч җибәрелде. Конкурста катнашучыларның барысына да рәхмәт. Зур уңышлар аларга!

Бүген мәктәбебездә "Зирәк тиен" конкурсы үтте. Ярышта 19 укучы катнашты.

В школе прошел районный семинар учителей русского языка и литературы на тему "Методика работы с информацией на уроках гуманитарного цикла. Открытый урок в сельской школе". Учителем русского языка и литературы Тутаевой И.Х. был проведен открытый урок в 6 классе на тему "Человек- добрый и мудрый хозяин природы" по произведению М.М.Пришвина "Кладовая солнца". Учитель Камалова Р.М. организовал внеклассное мероприятие "Мой родной край" в рамках Года Экологии, где гости школы увидели сотрудничество всех звен школы.

5 апрельдә Актаныш муниципаль районы җитәкчесе призына уздырылган татар милли көрәше ярышында 8 класс укучысы Камалов Ринат үз үлчәмендә 2 урынны яулады. Афәрин, Ринат! Алдагы ярышларда да сиңа уңышлар юлдаш булсын!