Бүген 9 класс укучылары сынап карау максатыннан математикадан контроль тикшерү материаллары буенча БДИ биремнәре үтәделәр.

28 ноябрь көнне мәктәптә Әниләр көне уздырылды.

Мәктәп командасы бүген район мини футбол ярышында катнашты.

Бүген мәктәптә информатика укытучыларының район семинары узды.

19 ноябрь көнне мәктәпнең укыту-тәрбия эшчәнлеге буенча директор урынбасары Татар Суыксу урта гомуми белем бирү мәктәбендә "Белем бирү белән идарә итүдә шәхси үсеш нәтиҗәләрен тәэмин итүче класстан тыш эшчәнлек моделе" дигән тема астында уздырылган район семинарында булды.

18 ноябрь көнне Меңнәр мәктәбендә "Белем бирү сыйфатын камилләштерү чарасы буларак Сингапурча укыту методлары" дигән темага педагогик киңәшмә уздырылды. Укытучылар бу көн тәртибендә Сингапурча укыту системасы алымнары буенча алган белемнәре белән уртаклаштылар, фикер алыштылар һәм аларны куллану буенча  биремнәр үтәделәр. Шулай ук киңәшмә барышында 1 чирек йомгаклары, сыйныф журналлары тутырылышы турында сөйләшүләр уздырылды.

12 ноябрь көнне мәктәбебезнең 1 класс укучылары өчен чын мәгънәсендә бәйрәм булды. Бу көнне алар өчен Меңнәр авылы китапханәсендә мәдәният дәресе узды.

Бу атна 9 класс укучылары өчен бик киеренке үтте. Алар 12 ноябрьдә математикадан район сынап карау имтиханы эшләре, 15 ноябрьдә РЦМКО үзәгенең тест биремнәрен үтәделәр.

Бүген мәктәбебездә 1, 2 класс укучыларын эзтабарларга кабул итү буенча дружина сборы уздырылды.

Шушы көннәрдә "Чишмә" ҖЧҖ ярдәме белән мәктәпнең информатика кабинетына җиһазлар кайтты.